(قراتها قبل سنين وقراتها أمس وكم أحسست بإختلاف وانقلها لكم الان لتقرؤها معى الف مره)
أملأ قلبك بالوطن ... بالصغار
قومة ألعمال دغش ... بالنضار
ألمزارعيه ألغبش ... بالجنود ألوين تخش فى سبيلك كالنهار
بالمداد ألما بغش .. بى وتر جاء من ألجحيم
أملأ قلبك بالنسيم
ملَّى بالطير ألرطن
طيبة وألعالم قديم .. ينسى كالريح المحن
خلى بالك مستقيم دغرى وإن مال الزمن
راحل الليل البهيم وألبصيرات ماعِمَن
ألظروف ألليلى أبن .. طيبه لاخوف لاحزن
باكر التَّقيات تنورق وتنملى ألضرعات لبن
طيبه ياصمت الحنين كلما طفاهو هم
لافى آهه ولا آنين لابيروع ليح ودم
من مرارات ألسنين من عصارات ألالم
بيمرق ألشوق ألدفين من كعنكيل ألعشم
أحكى ليك يا طيبه حكوه
ذات زمان من ضيق وقسوة
وكل يوم من بارحوا أسوأ
وألمراحات قاطى قط
فجأة فى قلب ألسماء ... غيمه غيمتين ... غيم ربط
كتمه حتى ألطين عرق
وألشجر قرب يبق
إلا ياطيبه الخلق .. من بدل تفرح تنق ..
ألشكايات .. ألسخط .. لاسحب دارت تصب
لا هبوب داير تهب
نسمه نسمه آ رب هبوبك
من شمالك لجنوبك
ألهبوب يارب هبوبك
من شروقك لغروبك
من تحت من فوق هبوبك
كتمه كتمه معاها ضيقه
نسمه يارب ألخليقه
سكت ألاطفال دقيقه
نبكى خش آ .... حول فى حول
ظاهر الحال ما هو مخفى ...
وقولنا فيك مافيهو قول
نسمه كل راس ساعه تكفى ..
نسمه واحده لالف زول
ينطلى ألجو بالحمار
فجأة من حر لى غبار
ألطشاشات الدّوار
السبابات النقار
نقة الضيق تنطلق
قلنا فاقت بانت أزحم
الغبار من كتمه أرحم
أرحم ألحر البيلحم ..
لا ده ... لا ده ... ولا فرق
طيبه تمى ألحكوة قولى
ألصبر خلقوهو هولى
ألزمن يقسى ويرق ...
وإنتى ياكتمات تطولى
أليطول بال ألخلق .. طرِّق ألغنوات يازولى
عدّ فات ألريح شَرق من بعد ما جاب ألسحاب
من بعد قش ألتراب ... مشط ألقش ألشجر
رجّع الطير للوكر
هــا ألبرق شال ألبرق ..
ألرعد ريحة ألدعاش
أبشروا بالخير نقطت أى والله المطر
(بتنقط وبنرجى معاك يوم تهطل )
العرض العادي
