|
الغالي طائر النورس تسلم علي الطرح الموضوعي والتنسيق المتقن للموضوع فهو موضوع جميل يستحق النقاش منا بجدية وموضوعية .
اتطرق اولا لاهتمام الزوجة بزينتها من وجه نظري الخاصه الاهتمام دة بكون في المناسبات وانا هنا بايد الاخوان السبقوني علي هذا الكلام لانو واضح وبنشوفوا بعينه ففي المناسبات في نسوان كدة الواحد ما بعرفهم من اهتمامه بي نفسهم يوم المناسبه من الحنه واللبس وكل ادوات العناية بالنفس و في الوقت نفسوا اذا مشيت البيت تلقاها شكلها مختلف ايوة انا عارفة في ضغط عليها بمسولياتها في البيت لكن دة برضو ما بديها الحق ان تضيع حق زوجها ونفسها يعني شغل البيت دة بنتهي ما اليوم كلوا يعني المفروض يكون في ترتيب للوقت بطريقة كويسة 24 ساعة في اليوم اعتقد كافية انو الواحدة تعمل اشياء كتيرة .
اما المكياجات فحدث ولا حرج من سوء استعمال في اعتقاد بعضهم ان الافراض في استعمالها سوف يغير من شكلهم بل هي بالعكس ورأي كثير من خبيرات التجميل ان استعمال المكياج بطريقة معتدلة يودي الي الظهر بشكل جيد وفي معلومه يمكن ان تكون فايته علي بعض الناس ان المكياج ليس فقط لتفتيح البشرة في اشياء تانيه مثل الكلف والنمش وما الي ذلك انا ما ضد المكياج لكن ضد ان تفسخ البنت وجهه بالاستعمال السيي للمكياج ويكون شكلها عجيب ومنفر في بعض الاحيان فانا نصيحتي هنا للبنات بعدم استعمال المكياج لتفتيح البشرة والافراض في ذلك
هذاغير النتائج السلبية الاخري يعني الحكاية ماشكل وسماحة بس في اضرار صحيه اخري وهنالك كمان اضرار بالنسبة للمراة الحامل والجنين والتشويهات الخليقة حتي لو نسبه حدوثها ضعيفة اذا حصلت للمراة الحامل وجنينها كيف ح تعيش هل سيتركها ضميرها ؟؟؟؟؟؟؟؟
| التوقيع |
|
|
التعديل الأخير تم بواسطة : رويدا بتاريخ 25-07-2005 الساعة 18:54.
|
