|
مشاركة: ما الذي ولّد الأنانية ؟
إتذكرت مرة أيام الجامعة ... أيام الشتاء و الأصوات العميقة القادمة من قعر المعدة من أصبحت و كيف أن الناس تتهافت للكافتيريات لنيل الزاد و الكلأ ...
كان في يوم صاقط تجمعنا أنا و شلتي بغية أن نتسامر و نفطر سوية؛؛؛ فرشحت نفسي و صديقة بأن نحضر الفطور لينا كلنا... و عند دخولنا الكافتيريا وجدنا أن مقصدنا (صاج الطعمية) هو الأكثر رواداً في ذاك اليوم ... و الدافوري ما يوديك الدرب... أول دفعة من سندوتشات الطعمية يتخاتف الناس لأخذها.
أدينا الراجل بتاع الطعمية (الزرارات والا هي صواميل والا شنو داك) و في إنتظار السندوتشات... أنا و صاحبتي نتونس و عين على الصاج و ترقب لإستواء الطعمية... و البقية التي تنتظر متهكمة و متعطشة للانقضاض على أول دفعة.... قام سيد الطعمية لما طلع دفعة السندوتشات الأولى حركها تجاهي بمعنى (انتو جيتو اول) لكن وين ... دايرة أمد يدي أشيل السندوتشات ... جاتني ليك بت من ورا دفرتني و ختفت السندوتشات و صرت وشها لي و مشت... إستغربت و عاينت لي صحبتي لقيتا ليك بتتلوى من الضحك و تقوم وتقع قرقرة... (إنت يالعبيطة تخليها تختف منك السندوتشات و تمشي تخليها)
قلت ليها والله ياهو الفضل كمان نتشاكل في الأكل!!!!!
لكن صحبتي دي القصة دي إن سوتها جمجرة واي زول بعرفنا حكتها ليهو (شفتو ست الكسرة العويرة....ورررر وررررر)
أهو مثال!!
|
العرض العادي
