لقد أرسل لى صديق هذا الحوار اللذيذ وبدورى قلتا أفرق عليكم شوية تعالو نشوف المحادثة دى..
مع
التقارب السوداني الأمريكي يبدو ان ذلك المسئول الكبير في الحكومة السودانية قد
أحس بأن عليه أن يتجاوز هذا التقارب إلى مرحلة الصحوبية أو الفردنة الشخصية فما
ترك فرصة إلا وانتهزها في إجراء مكالمة هاتفية مع الادارة الأمريكية تارة يهنئهم
بعيد البقرات الثلاث وتارة يذكرهم بعيد استقلال السودان، وفي كل مرة كان يقوم فيها
برفع الكلفة درجة حتى كانت هذه المكالمة الهاتفية والتي أجراها مع وزير الخارجية
الأسبق كولن باول:
تررررررررم
.... تررررررررم .... تررررررم
"
ألو ... كولن باول يتهدث"
"
وييييييييين يا عب .... شنو يعني لا بتسأل لا بتظهر .. إنت شغل اللساتك دا ما داير
تبطلو ولا شنو هيهيهيهيهي"
كولن
باول طبعا يمشيها ويرد مجاملا:
"
أهلا سيد مسئول سودان كيف هالك وكيف هي أكبار سلام في سودان"
"
أخبار السلام تمام يا عمك .. كدي انت أسة أرخيني من السلام دا ... قول لي أسة
الموبايلات عندكم بقت بي كم "
وكان
هذا بثابة مشروع حكحكة واضح
"
ما هذا يا سيد مسئول دانا تهدث في أمور تهم دولة ... نهن رجال سياسة "
"
هيهيهيهيييييييي ... والله يا عب لقيت لي الترطيبة دي هناك عامل فيها أمريكي مهم
كمان .. بلاهي لونك لمن فتح هيهيهيهيهي .. ترطيب يا مان "
وهنا
يبدو أن الحديث قد سخن بكولن باول وأصبح عليه ثقيلا فبات ذلك واضحا جليا من نبرة
صوته في الرد :
"
أنا أميركي أوريجينال سيد مسئول "
"
هيهيهيهيي ... كلنا أمريكان أصليين يا فردة .. إنت بس ما تتضايق هيهيهيهيي ..
وبعدين ماف داعي لي سيد دي ناديني مسئول حاف كدا .. وحاف من الله على قلبي
هيهيهيهييييي"
"
!!!!!!!!!!!!!!!!!!! "
"
أها أخبار كونداليزا رايس شنو ؟ .... قول ليها انتي بالتوب شرط عدييييييل "
"
كونداليزا تمام .. تمام ... بس اكسكيوزمي سيد مسئول أنا وكتي من دهب إذا أنت عندك
مشكلة مهمة تهدث .. إذا مافي فإكسكيوزمي أنا لازم إرجا شغل "
"
لا لا يا فردة تمشي وين .... في موضوع حيوي أنا دايرك فيهو .. كلام فرد يعني
"
"
فرد ؟!!!! سيد مسئول تهدث لو سمهت "
"
إنت كندليزا رايس راجلا دا ما بستشهد عشان نجي نعرسا "
تووووووووووووووت
"
ألو .... ألو ....... ألو "
بعد
أسبوع تصدر هذا الخبر أولى الصفحات في الجرائد العالمية ..
وزيرة
الخارجية كونداليزا رايس تقترح على الرئيس بوش تمديد العقوبات الاقتصادية على
السودان ومعاملة أحد المسئولين السودانيين كمجرم حرب ..
تررررررررم ..تووووووووت....ألوووو مكالمة مسئول
العرض العادي
