أفضل 15 طريقة لطردك من الجامعة أو المدرسة (مضمونة 100%)

**AyMaN** · 13-07-2005, 07:31

السلام عليكم

1-ادخل القاعة او الفصل متاخر وانت رافع راسك وما يهمك المدرس

2- ارفع رجلك على الطاولة وقول للمدرس ان شاء الله ما قاطعناك يا ظريف

3- طلع علبة السجايرمن جيبك (حتى لو كنت ما بتدخن) واطلب من المدرس ان يديك كبريتة و يولع ليك السجارة

4- اذا نادى المدرس الاسماء ووصل لي اسمك قول ليهو: ده اسمي يا فردة يا ريت تقولو بي حنية

5- عاين في السبورة واعمل نفسك انك تفكر بعمق وقوول: اهاااااااااا امممممم مظبوط

6- كلم المدرسين ان يتاخروا في الشرح ساعتين لانك ما بتقدر تصحى بدري

7- اخبر مدرس الرياضة انك مواضب على التمارين الرياضية مع برنامج ( ما الك الا هيفا )

8- خلي موبايلك يضرب كل خمسة دقائق واستاذن المدرس انو دي مكالمة خاصة

9- ارفع يدك وعندما يسمح لك المدرس بالتكلم قول له: لا لا ولا شئ كمل يا الطيب

10- كل عشرة دقايق استفسر من الطلاب في ريحة في الفصل او انك غلطان ؟

11- اخبر مدرسيك قبل الامتحان انك مريض و عندك القلب وفشل كلوي عشان يحدد لك الامتحان من الكتاب وما يتعبك في المذاكرة ( ده اذا بقيت في المدرسة لحدي الإمتحانات )

12- بدون مقدمات ابتسم في الفصل ثم اضحك وعندما يسالونك عن سبب ضحكك قول ليهم انتو الحشركم شنو ؟؟؟

13- عندما يسالك المدرس عن الواجب اعتذر له لانك كنت ليلة امبارح مشغول وتشاهد فلم جديد حيكسر الدنيا وانك احتفظت بنسخة للمدرس لانو يستاهل

14- وبعد كل خمسة دقايق استاذن من المدرس للخروج من الفصل للذهاب لدورة المياة

15- عندما يحين وقت مغادرة المدرسة وعندما يرن الجرس بالتحديد أسأل سؤال صعب وعندما يحاول المدرس الاجابة علية تجاهله واطلع من الفصل

طردا موفقاً انشاء الله

mriwah · 13-07-2005, 10:31

اشكرك
رهييييييييبه

with all my love
mriwah

**AyMaN** · 13-07-2005, 13:34

شكراً على المرور يا مريوة

demon · 13-07-2005, 14:39

استاذ Darkman
رهيب
بس عندى سؤال انته جبته الثقه ده كلها من وين اكيد مجرب !!!!

**AyMaN** · 13-07-2005, 16:54

شكراً يا صديقي ديمون على مرورك

ههههههههههههه في الحقيقة انا ما مجرب ... لكن تنظيرات بس ... نشوف و احد يتطوع لينا و يجرب و يقول لينا الحاصل معاهو شنو ..!!!
لكن انا متأكد ما حا يحتاج ليهم كلهم ,, ممكن نقطتين و لا تلاتة بس يعملو المطلوب

و لك الشكر مرة ثانية على الرد

**طارق** · 14-07-2005, 10:59

الجامعه كيف ... يا دارك مان .. ممكن بنفس النظريه ..!!؟؟؟

**AyMaN** · 14-07-2005, 11:51

السلام عليكم

العزيز عابر سبيل .. النظرية بتنفع في الجامعة برضو ،، على ضمانتي

و ما تنسى تركز على النقطة رقم 8- (( موبايلك يضرب كل خمسة دقائق واستاذن المدرس انو دي مكالمة خاصة )) لأنو دي عندها تأثير قوي عند الجماعة ديل

لكن انا بسألك ،، داير تجربا و لا شنو ؟؟؟؟؟

العاشقة · 28-08-2005, 22:40

هههههههههههههههههههه

والله دي طرق مضمونة مع طرد مؤكـــــــــــــــــــــد بدون حاجة لحكاية نادي ولي امرك

لانو النقطة دي والله مزهجانا شديــــــــــــــــــــــد

واقوي نقطة رقم 4 دي انا لازم اجربها لووووووووووووول

REMIX_2006 · 02-09-2005, 17:18

هههههههههههههههههههههههههههههههههههههههههه
فعلا طرق مضمونه100%
وانا حأجرب بعضها انشاء الله
ومشكووووووووووووووور على الموضوع الجميل ده

اشجان البـــ الحديقة ـــت · 02-09-2005, 20:07

هههههههههههه طرق حلوة شديد بحاول اجربها بس النظام عندنا صعب شوية بيعنى ممكن يوقفوك من المدرسة لمدة كم سنة دارك مان انت قلت ما مجرب صح يبقى كنت استاز وعملوها فيك ههههههههههههه معليش للمداخلة