المعاكسة فى المواصـــــــــــــــــــــلات

zozo · 12-07-2005, 14:24

الواحدة طالعة من البيت اخر شياكة وجم الباب اتحصنت وطلعت وقفت جم الزلط واشرت للحافلة وركبت...........
اها الحاصل شنو ما عادى بنعمل كدة، نجى للموضوع طيب قعدت فى مقعد الحافلة قول مثلا قعدت فى المقعدين الجم بعض وقعد جمى راجل بغض النظر شاب ولا راجل كبير فى السن لانو الزمن دة فى بعض من هذة الفئتين(كبار السن والشباب) واحد فى التعامل فى المركبات العامة .
يلا تبدا الململة والزحزيح........... بجد يعنى فهمتو انا قصدى اقول شنو ، وهنا الواحدة بجد ما بتعرف تتصرف كيف حاجة من ثلاتى :
اما تنزل من الحافلة وساخطة ليو بعد ما تديو عفصة ولا قرصة او طعنة من دبوس وهى نازلة
او او تستسلم لمشاغلتو ودة هى وشخصيتها
او تتكلم معاو طبعا النقطة دى فيها كلام كتير لان بجد ناس الحافلة تاكد مش حيرحمو البنت بيقولو منها قليل البيقف فى صفها بيقولو هى السا عدتو يعمل كدة وتانى يقول شوفها هى زاتها لابسة كيف وتانى يقول مالا عاملة هى كدة والكلام دة بجد بيحصل بغض النظر عن البنت اذا كانت لابسة كويس ولا غيرو .
وفى معاكسة جديدة بتظهر الايام دى البيركب جمبك ودى بيعملوها الشباب يقوم يفتح الموبايل وعليو رقم ويبقى يعرضو ليك ويعمل حركات عشان نتتبة البنت عاوز شنو ما تعرفو ،والبيحصل فى المواصلات كتييييييييييير وهذا من قليلة غير السرقات البتحصل طبعا دى انا معاكم لو قلتو البنت بتسرق لانو قبل كدة سرقت بنت موبايل واحد كان قاعد جمبها شفتها بعينى مع الاسف الشديد.
وبناتنا بقو ا معرضات لاكتر من دة فى المواصلات والله يعين الجميع ،ولاحظوا دة بالنسبة للمركبة العامة بغض النظر عن الخاصة ممكن البنت تركب مع واحد وقف ليها وهى ركبت معاوبحسن نية الحيحصل اية اذا كان هذا الشاب من الفئه السايقة الله يعيهنا ويعين الجميع .
ونرجو من الله يحفظنا ويحفظ بناتنا وويهدىشبابنا ووالرجال الكبار بتاعين الشغب فى المواصلات. ولا انتو شايفين غير كدة
ودمتم

المسافر · 12-07-2005, 16:54

شكــرا لـــــك zozo ولــك التحيــُـة علـى اثـارة قضيــة اعتبــرهــا مـن القضــايا الهـامــة جـــدا ...
اولا : نجــد انتشـار هـــذه الظـاهـــرة فـى المجتمــعات الشـرقيــة واختفــاءهـا او نــدرة حــدوثــها فـى المجتمعـات الغـربيــة .. وذلــك ربمــا لانفتـاح المجتمعـات الغـربيــة والقيـود الاخـلاقيـة الكبيـرة المفـروضــة علـى انسـان المجتمـع الشـرقـى والـذى يبحــث عــن اقــل الاسبــاب وابعـدهــا عــن الـرادع القـانـونـى والاخـــلاقــى ، مـن اجــل الـوصــول الـى نشـوة او متعـــــــة .....
ثــانيــا : يمكـن تضميـــن مــا يحــدث فــى المـواصــــلات من مضـايقـــات للمــرأة فـى اطـار العنــف الـذى يمـارس ضــدهـا .. حيــث يمثــل العنــف العــام مـن قبـل اشخـاص لا عـلاقـة لهـم بالمـرأة ولا يمتــون اليــها بصلــة ، ويكــون ذلــك بالمضــايــقات او التحــرش الجنســى او الابتــزاز او الاعتــدااء اللفظـــى ...
ثــالــثـا : يبــدو ان هـذه الظـاهــرة بــدأت فـى الانحسـار بعـض الشــىء وذلــك مقـارنـة بالمـاضــى ويـرجـع ذلـك الـى تـوفـر سبــــل النقــــل وعــدم وجـود زحـامـا يســتدعــــــى الاقتــراب ا..!.! كمــا ان مجتمعـنا الســودانــى صـار اكـثـر انحــلالا مـن الامـس ممـا يتيـح الفـرصـة الكـافيـة للبـاحثيـن عــن متعـــة للـوصـول اليـها خـارج هـذا الاطـار .. !!!
ويبقـى وجــود هـذه الظـاهــرة واستمـرارها فـى نطـاق ضيـُــق يشمـــــــل مـرضـى النفـوس وضعـاف الشخصـــية والنفــــــوس ...وقـد شهــدت هـذه الظـاهــرة تطــورا مــع التطــور الاقتصـادى والاجتمـاعــى ... حيــث اصبحـت المضـايقات والتحــرشـات تمـارس داخــــــل السـيارات الخـاصة ...!! ان كــــان هنــاك خيـار مطـروح للفتـاة فـى حـال السيـارات الخـاصة بالـركـوب مـن عـدمـــــــــــــه ..!!
معــــــــــــــــــــــــــــــــــتز

**طائر النورس** · 12-07-2005, 23:49

طبعاً خلعتنى بالموضوع دة جداً ..!!!! عارف ليه ؟؟!!
لانى كنت بصدد الكتابة عنه وتقريباً بنفس الفكرة والمعانى التى صغتها وكأنك قرأت افكارى ولو صبرت ساعة بس كنت حتلاقينى منزل البوست بتاعى ...
لكن طبعاً انا وانت حاجة واحدة ومافى فرق بيننا لان فى النهاية همنا واحد وقضيتنا واحدة والهدف من الطرح واحد ...
احييك مرة تانية وراجع ليك بتوسع

dyab8 · 13-07-2005, 01:21

تسلم اخي الكريم علي الطح الرائع
هذة حقيقة باينة للجماعة الزينا البركبوا المواصلات العامة واصبحت منتشرة في بعض الشباب الواحد اول ما يركب الحافلة اؤ البص يشوف المكان الفيهو بت حلوه ويجلس جنبها ويبداء في الحركات الانت عارفة ودي كلوا ناتج من قلة اصلوا لانو لو بعرف الاصل ما بعمل كدة وياريت لو يضع اختو في هذا المقام هل يرضي لها ذلك وما هي ردة فعلوا اذا جلس جنبها واحد وعمل نفس البعملوا هو في بنات الناس هل يرضيهوا ذلك بالتاكيد لا طيب بالعقل كدة انت المابترضاهوا لي اختك ما تقبلوا لبنات الناس والله انها لفاحشة كبيرة وبنات الناس ما لعبة في يد كل من هب ودب علي الارض والبنت في هذة الحالة بتكون في وضع لا تحسد علية وهناك بعض البنات ما بعرفوا يتصرفوا انا اقول ليهم في حالة ذي دي البنت ما تتهور وتلفت الانظار ليها فيجب عليها ان تنبة بطريقة كويسة دون ان يحس احد ان تقول ليهوا ابعد شوية عني وان تغير المقعد بتاعها اذا كان بالامكان وصدقيني اختي الفاضلة تبيهك ليهوا بحسسوا انو انتي ما راضيه علي البعملة دة بس اذا سكتت بعتقد علي حسب خيالوا المريض انك راضية ودي نصيحة مني ليكم واتمني لا توضع واحد من اخواتنا في مثل هذا الموقف

Sit_Elkisra · 13-07-2005, 02:09

السلام عليكم,,,

أحييك زوزو

والله قلت و أصبت..
لكن عارفة في ردة فعل تاني إنت ما قلتيها .. و امكن تخوف مرضى النفوس من المعاكسات و الحركات البعيدة عن الإنسانية .. في بنات ردود فعلها بتكون دق عديل .. الواحدة تخمش الجنبها من قميصو وتضربو في صمت .. ودي حاجة حصلت من بنات من معارفي ... و حييتهم عليها .. لانو يا بتي الواحد لازم ياخد حقو بي ايدو ما دام الحكاية بقت حيوانية ..!!!
و خيار تسيب ليهو الحافلة بي حالها .. و تبطل مشوارها و تتأخر في مواعيدها هو الخيار الاول لي معظم الفتيات في المراكب العامة.. بس نتيجتها عكسية على الفتاة و امكن تتحكر في دواخلها و تجيها عقدة!

المشكلة عارفة شنو؟ انو مقالك بس حنتكلم فيهو و نرد بوجهات نظر من دون ان نحاول تغيير الواقع ؛؛دي المشكلة

عمران عامر · 13-07-2005, 11:42

طبعا ما شاء الله ما خليتو لينا حاجة عشان نقولها وأفضتم وابدعتم في مقالاتكم ، ولكن أرى معظم الردود وقد أخذت المساءلة كلها من جانب الولد فقط " أي العنصر الذكري " متناسين بأن هذا الرجل أو الولد لم يبدأ هذه المساءلة من بنات أفكاره وإنما وجد الجو مهيأ له ولذلك أقدم على المحاولة من غير أي تردد .

صاحبة الطرح بدأت بعبارة " آخر شياكة " واذا فتتنا هذه الكلمة نجد بأن الشياكة في عرف البت أن تلبس أحسن ما عندها ، وطبعا ما ممكن تكون لابسة خمار وملتزمة ونقول هذه الشياكة المقصودة فالمعروف عن الشياكة هو اللبس الموضوي السائر في الوقت قد يكون غير كامل الستره أو شاذا من عدة نواحي وكلنا عارفين أنواع هذا اللبس بالتالي ده براه دعوة لان يتقدم الولد ويبدأ في المغازلة واللازم منه .

لكن أنا بقول البنت وهي طالعة من البيت هي التي تجلب لنفسها الاحترام أو الاساءة بنفس تصور الأخت طارحة المقال نشوف بنت ملتزمة لابسه لبس حشمه محترمة في مشيتها في نظرتها حتى في طريقة جلوسها على المقعد فهد سيتجرأ أحد بأن ينظر اليها مجرد نظرة خليك أن يتململ عليها ؟ طبعا لا لانه الجواب يكفيك عنوانه وما دام ده عنوان البنت بالتالي بتجلب لنفسها الاحترام والتقدير .

هنالك عينة من البنات مما تركب الحافلة مع انه ما حضرنا موضة الجوالات دي بالسودان لكن على طول تلاقيها طلعت ليها شريط من شنطتها وأدته لسواق الحافلة عشان يشغله متناسية بأن في هذه الحافلة مربيين ومربيات وكمان صعاليك وأصحاب نفوس ضعيفة فهي في هذه الحالة تجرح هؤلاء المربيين والمربيات بهذا التصرف وتسئ لنفسها بأن يأتيها شذاذ الآفاق هؤلاء وينالوا منها ، فما بالك والآن جات الجوالات يعني البنت تركب الحافلة وهي شايلاه في يدها مع سلسلة حريمية تزينه وقد يرن الجوال في الحافلة وتكون نغمته شاذة وتتعمد أن تتركه يرن لبضع رنات وترد عليه وبصوت يسمعه اذا ما كان الجميع الجيران من الامام والخلف والاجناب . طيب بنت بهذه الوضعية كيف يأتيها الاحترام وعدم المشاغلة صدقني في الحافلة حتى لو كانت البنت فاجرة ولم يبدر منها ما يشين لن يتجرأ أحد على أن يلمسها ، ولكن البنت تجلب لنفسها المساوئ بطريقة لبسها وبطريقة تعاملها في المركبة العامة .

حاجة أخيرة مهمة نعم في شباب من جنس الاولاد فاسد ومخرب لكن الغالب في الأمر هذه النوعية لن تبدأ بعمل ما يشين اذا لم تنظر في البنت دعوة لهذا الشئ فمن غير الطبيعى أن تكون البنت محترمة نفسها يعاكسها الغير أو يتجنوا عليها .

الأخت طارحة المقال الموضوع حيوي لكن يجب أن تتم معالجته من الجذور والجذور هي البنت فاذا خرجت محترمة نفسها فسيحترمها الآخرون أما اذا خرجت غير ذلك فستجد غير الاحترام ، الان زي ما قال اخي المسافر السودان بلد مفتوح وكمان الانفتاح زادوه جردل موية بعد السلام يعني يما حا تشوف الاعين والجيل القادم ده جيل العولمة والانترنت والقنوات الفضائية ، ونانسي عجرم ومثيلاتها كثر بالسودان فمن غير المنطقي أن يرى شخص هذا الانفلات ويظن في جميع البنات خير ولكن على البنات أن يجلبن الاحترام لانفسهن باحترام ذاتهن حتى لا نصل مرحلة أن ترد البنت على الرجل بقوة ردة الفعل وفي الحالتين النظرة للبنت ستكون سلبية .

والله من وراء القصد نسأله سواء السبيل

zozo · 13-07-2005, 12:46

[b] اشكر جميع الاخوة المرو على الموضوع
وبعدين الموضوع منكم واليكم ليكم تكتبوا فيو فى كل النواحى
الراى الاخير القالتو الاخت (ست الكسرة ) انا غايتو ما بايدك على البنت البتعمل كدة يعنى تشاكل وتسمع الركاب كلهم ايوة هو حق من حقوقها بس المجتمع السودانى زى ما انتى عارفة ،والبنت سمعة والناس بقت ما وراها شئ غير البنات عملو وسوا .......[/B]

zozo · 13-07-2005, 13:02

فى البدء احب اوضح كلمة شياكة لاتعنى ان البنت لابسة لبس مش محترم ابدا
ممكن انا اكون لابسة عباية وخمار يعنى مش لابشة شياكة بالعكس لابسة اخر شياكة ،ووجهة نظر الناس تختلف وبعدين الكلمة عامة فى المجتمع السودانى ،بعدين انت اذا لابسة شياكة يعنى بنطلون وقميص (شيك)الوان حلوة وكدة عادى لو زول قال ليك شياكة اها بفهمك انت يعنى انت ....
اما من ناحية لبس البنت واحترامها لنفسها ابدا ما ممكن تصنف انت اذا البنت لابسة كويس او محترم معناتة كويسة او اذا لابسة لبس (شين) شاذ معناتها مش محترمة لا ابدا فى كتير من البنات من الفئتين عكس الشئ الهم فيو .......
بعدين انامعاك انو فى بنات بيلفتو النظر للانفسهم ومن غير الطرق القلتها دى من اللبس ممكن ،
بس اذا كانت عاملة نغمة فى جوالها لغنية زى ما بتقول لنانسى دة معناها فى كلامك انها مش كويسة لا اابدا دى يا اخوى الاولاد بيعملوها عادى ، وزى م اقالو الاخوة قبلك انو السودان بقى منحل شوية بالذات مع عصر الانترنت والديجيتال البقى فى اى بيت ،،،،
بس انا كنت عاوزة اوضح انو البنات البى كلامك محترمات بيعانو كتير

كنت عاوزة اوضح ليك شئ اخير من ناحية اللبس دى اذا انت بتعتبر انو اللبس المحترم انو البنت تتخمخم بالواضح كدة تكون لابسة خيمة كلو على بعضو فالبجد غير فهمك من ناحية اللبس لانو انتشرت اللبس دة وبقو اغلبية البيلبسو مش كويسين .

ام هيثم · 13-07-2005, 14:13

كلامك جميل وكل دا بحصل في المواصلات والله الواحده زات ماعارفه تعمل شنو والله يعنا ويعين الجميع