موضوع دردشة، اذا فاضي تعال ندردش

**AyMaN** · 06-07-2005, 17:08

هذا الموضوع فكرته جميلة خاص لأعضاء المنتدى الرائع ( عشاق السودان)

وخلونا نتونس عن اي شي اخبار . نكات ، مواقف ....

خلونا نعرف من الموجودين اونلاين ..

يا ريت سجل اسمك ،،ا واحكي موقف او اسال الاعضاء عن موضوع عام
ان شاء الله نتسلى كلنا

**AyMaN** · 07-07-2005, 00:57

وييييييينكم ... مافي زول مساهر اتونس معاهو

selvister · 07-07-2005, 16:00

موجودين يا رجل الظلام

وأنا اول زول

حقيقي الفكرة ممتازة جدا

بس انا ماعندي موضوع في راسي حاليا

عشان كدا انا بأنتهز الفرصة دي وبسأل الشباب شوية اسئلة كدا

بما أننا نعيش هذة الايام تحت ظل السلام

ماذا تعتقدون انه سيحدث للسودان بعد عودة قرنق لها ؟

وما ذا تعتقدون سيكون الشباب بعد هذة الفترة

لك التحية يا رائع

وفي إنتظار بقية الاعضاء للمشاركة

علي الحسين · 07-07-2005, 19:03

شكرا علي الموضوع الجميل ونتمني ان تداوم علي مثل هذه المواضيع الثرة الحلوة
واحد مسطول سايق عربية فجاة فتح الرادي وقال المزيع هنا لندن ورد المسطولمعقولة انا وصلت بالسرعة دي
يا ريت تعجبكم[img]C:\Documents and Settings\user\My Documents\My Pictures\مخالفة.jpg[/img] وهذا موقف مضحك رجل المرور يخرج ايصال مخالفة لهذا الطفل

**AyMaN** · 09-07-2005, 12:42

شكراً يا سلفستر على دخولك .. لكن انا شايف الموضوع ده كبير و داير ليهو زول متابع القصة كلها
لكن ما بيمنع اني اقول ليك رأيي في الموضوع
ــــــــــــــــــ
انا شايف انو الحكومة اذا اخدت الموضوع من ناحية المصلحة العامة ، يعني تعمير البلد ان شاء الله يكون حاصل خير .. و الفايدة تعم السودان كلو
اما اذا اخدتها من جانب ديني عرقي شكلها حاتدور المشاكل من جديد

و ان شاء الله تكون المرحلة الجاية مرحلة تعمير و اصلاح في كافة ارجاء الوطن شمالاً و جنوباً
و مفروض نتفاءل ،، ان شاء الله خير

**AyMaN** · 09-07-2005, 12:49

نكتة ظريفة شديد و الله يا اخي علي ..
هاك ديل
ـــــــــــــ
واحد ماشي ومعاهو أرنب داير يبيعو في السوق.. جا محشش قال له: لو سمحت بي كم القرد اللي معاك؟.. رد عليه البياع: ده أرنب ما قرد يا حول.. قال المحشش: وانت منو الكلمك؟ أنا بسأل الأرنب
-----
واحد حشاش دخل البقاله وقال عندكم ثلج ؟ قالو له : ايوا قال : بارد ولا حار
-----
واحد سأل مسطول شنو اسماء اخوانك .قاله كلهم محمد إلا عبد الله اسمه احمد
-----
في اثنين محششين واحد منهم قاعد يسمع شريط فاضي قال له المحشش الثاني بعد ما تخلص سجلو لي ....
-----
محشش لقى موزه قال :الله يعيني على الزلقه..
-----
فيه واحد محشش وقع من عمارة سألوه الناس الحاصل شنو ؟ قال والله ما عارف دوبي جاي
-----
فيه محششين مسلحين ..مسكوا واحد وقالو له أنت معانا ولا مع التانين،قال معاكم معاكم‘قالوا لكن نحن التانين..
-----
محشش يقول لصاحبه : اتخيل انك تقوم الصباح وتلقى نفسك ميت ، قال : والله أنهبل

ZZzzZZZzzZZZzzzZZZZzzZZz
ان شاء الله تعجبكم

سمي · 27-07-2005, 00:09

رجل الظلام انت منو ؟
وليه عامل في روحك كدا؟
والقال ليك منو انو في واحد عاقل يتونس مع زول ما شافو ولا بعرفو؟
واسمك دا جبتو من وين ؟
عارف اسم مقطوع من الفقر
خليك عادي وماتزعل مني
انت راجل جنتل علي مااظن
المهم انت داير تتواصل معاي اضرب لي علي العنوان التالي
السودان ارض الكل
الوطن الغالي ليه نجل
انت معاي نبقي نحل
للإشكال الفية الكل
سمي (ود الابيض)

الساحرة · 30-07-2005, 03:22

فكرة حلوو يا dark man
انا حالياااا ما عندى حاجه كدة بس حبيت ادخل عشان اعبرك عشان ما تقول مافى زول عبرنى
بديكم سئله عشان اشوف ثقافتكم
1: من هو صاحب سر الرسول صلى الله وعليه وسلم؟
2:ما هى اطول ايه فى القران الكريم؟
3:سؤال صعب ما هى عاصمه السودان؟
لكم حبى

الساحرة

حليسة · 30-07-2005, 15:22

شكرا رجل الظلام على الفكرة والنكات الجميلة

**AyMaN** · 31-07-2005, 04:22

يا ساحرة ..!!
مافي خيارات ؟؟؟؟