نصيحه لناس الخليج

شجراوى · 01-07-2005, 22:24

شجراوى · 02-07-2005, 12:41

الابنوسي · 02-07-2005, 13:52

الاخ شجراوي لك التحية وانت تحمل هم الوطن بين الحنايا
للعلم انو السخانة في الخليج اكثر بكثير من السودان (يعني فلقصة جنيات ساي )سخانة وحشرات وكلام باهت والله الصراصير في الخليج !حدث ولاحرج
نجي للوطنية يا اخوي عليك الله ابداها من كرة القدم واديك مثال بسيط المنتخب الوطني لمن يكون لاعب مع فريق اجنبي اعمل مقارنة لنسبة دخول المباريت ما بين المنتخب او احد فرق القمة لترى العجب
وتعال شوف الجماعه ناس السياسة تجد من هم تعاونو مع العدو لهدم السودان وهم يسعون الي الان حتي ينالو منة والامثلة كثيرة والشخصيات اكثر

اخيرا اطالب الوزارة بادراج مادةالوطنية ضمن المقررات الدراسية حتي يفهم البعض معني الوطنية
عذرا اخي لرداة التعبير لأن الموضوع محزن
[b]

لـــــــــــــــــــــــــــــــــــــــــــــــــ ــــــــــــــــــــــــــــــــك الله ياوطنـــــــــــــــــــــــــــــــــــــــــــــ ـــــــــــــــــــــــــي

عمران عامر · 02-07-2005, 20:42

الموضوع غاية من الأهمية فهؤلاء الناس وليس جلهم فهم قلة يظنون كامل الظن بأنه سيعيشون في بلاد الخليج أبدا متناسين بأن لديهم أبناء سيحلون مكانهم عاجلا أو آجلا وكلمة شكر لن يجدوها منهم وإنما يطردون شر طرده ، هي سلبيات الغربة التي لا تحصى ولا تعد ولكن الذنب هو ذنب الكبار لانهم لم يدعوه حتى يكمل اجازته وإنما الأم بدأت تتذمر من السودان لانها تعودت على الراحات هنا الواحدة فيهن تنام لحد ما بعد الظهر وحتى في الصباح عندما يهب زوجها المصون عشان يمشي العمل والذي من وراءه ترفل في هذا النعيم تستكثر أن تقوم لتعمل له وجبة الإفطار أو شاي الصباح وإنما تلاقيها تغط في نوم كالغول ويا حليل محمد جبارة وهو يصدح " قائمة الصباح متكفلتي شايله الحليلة على المراحل " بالله عليك هل يستقيم هذا التشبيه وهذه الغربة .

عشان كده ما تستغرب لما الولد يقول ليك بهذا الصورة فاذا كان الكبار لا يرضون بالسودان فما بال الصغار لكن ما كلهم طبعا أنا عندي أولاد أختى معي هنا بالرياض جاووا من السودان ولم يكملوا شهرهم الاول الا وطلبوا من والدهم أن يرجعهم مرة أخرى للسودان والى الان يصرون بان يعودوا للسودان ونهائي كمان قالو ليه بالحرف الواحد المره دي كان نزلنا تنزل معانا نهائي ما عاوزين لا سعودية ولا غربة .

يبقى الأمر على الوالدين فهم من يزرع فيهم حب البلد والوطن ولكن هيهات لمن رضي عيشة الرغد هذه والدعة وللاسف هنا حتى ما في راحة فالرجل يكد كما الثور في الساقية من أجل حفنة ريالات أكثر من 12 ساعة عمل خارج البيت يجئ حيله مهدود يلقى الولية مستناية عشان يمشوا السوق ويتفشخروا والاولاد عاوزين يلبسوا كيف كيف واللهجة عليك أمان الله اللهجة دي خليها ساكت لا لامه كده ولا كده يعني كلام الطير في الباقير .

ففي ظل هذه الأشياء كيف عاوز ولد زي ده يقول ليك بأن السودان حلو يا اخي ما كثيرة منهم الى الان محتفظين بالجواز السوداني وده لانه غصبا عنهم أنظر الان لمن يقدم للجنسية اذا كنت بالسعودية عشان تشوف المهازل يعني من كبارهم خربانة أنا بعرف دكاتره والله مقدمين للجنسية دي في حين أنه لو نزل السودان واستثمر فلوسه كان العائد بيكون ضعف ويعيش نفس العيشة الهنا دي في السودان ولكن تقول شنو لميتة الضمير من الوطنية .

لا تستغرب أخي من تصرف هذا الصغير " فاذا كان رب البيت للدف ضارب " فما تنتظر من الاسرة سوى الرقص والمجون والخلاعة ، انت خليه الشافع ... الكبير ذاته حا يقدم لبلده شنو ؟ والله زي ما قلت ياربي الناس ديل لو خرجّوا ليهم نهائي بعملوا شنو ؟ حا يقعدوا يتسولوا هنا لحد الواحد حقوقه ما تنتهي ده اذا اصلا استلمها . أخى للاسف معظم القرارات هنا تنبع من النسوان أنا ما عارف ليه مع أنه الواحد فيهم لو نزل السودان يمكن يتزوج أكثر من واحدة بس هنا التشبث بالزوجة غريب جدا وهي تصبح راجل البيت .

تعرف كل الشعب السوداني على مختلف سنحاته ما عنده وطنية يعني حتى ناس الداخل أنفسهم ما عندهم وطنية أخي شجرابي قبل ما أجي الغربة دي كنت شغال بالسودان في مؤسسة ليها وضعها وأقسم بالله صادق الوطنية وحب السودان لم أشهده إلا عند الاسلاميين ولاني كنت معهم فأنا بعرف مدي حبهم لوطنهم ، نعم لكل قاعدة شواذ وقد تجد منهم شخص خلاف ذلك ولكن الغالبية العظمي بتعشق السودان عشق جنوني .

اما ما ذكرت من هؤلاء " كحادثة " فهم أصلا لا يهمهم أن يحرق أو يغرق السودان ففي عيونهم رمد فيكيف يستطيعون أن يروا ضوء الشمس فلا تأسى عليهم فهم لا خير يرجى منهم أو من ولادتهم .

ولي عودة باذن الله اذا قدّرلي

كسلاوية · 20-04-2006, 03:23

اولا بشكرك علي الموضوع الجميل والحقيقي في نفس الوقت وحقيقي أخي شجراوي دا الحاصل وبالذات في دول الخليج لانك تلقي الاولاد ماعارفين حاجة عن بلدهم والاسرة في البيت مساعداهم بعدم المجي الي السودان في الاجازات وتلقاهم اطبعوا بعادات وتقاليد غير تقاليد بلدهم ولسانهم اتعوج والعجب لما يمشوا السودان تلقاهم اضايقوا ومنتظرين متين الاجازه تخلص ويارب تخارجهم زي التقول قاعدين في نار والاهل في السودان مشتاقين ليهم سنين ما شافوهم وبالجد انت لمست الوتر الحساس ومشكوررر أخي الكريم

**AyMaN** · 21-04-2006, 07:37

كلام صحيح ..

لكن ما لازم انو يكون الاب هو البيزرع كره الوطن في نفس الوليد دا

ممكن يكون ما زرع معنى (الوطنية) والإنتماء للبلد الأصلي

والكلام دا ما لي ناس الخليج بس .. حتى الفي اوروبا وامريكا .. فيهم نا ما بيرتاحوا في السودان

ودا الواقع
...

في شفّع حتى إذا واجهتهم متاعب في السودان ( السخانة والبعوض و وو ) بيتأقلموا سريع وبيتكيفوا مع الوضع ... لأنهم مهيئين نفسياً انو السودان سمح ودا بلدهم ( دي الحالة التانية طبعاً)

معناها نلوم الآباء في الحالة دي لأنهم هم البيزرعوا البتاعة دي

جيفارا · 21-04-2006, 10:59

يا ابو الاشجار سلامات...
شكرا لانك دوما تطبب مواضع الالم
عايز الفت انتباهك لى حاجة محدده فى الموضوع اول حاجة انت بتلوم منو يعنى الشافع ولا ابوه.. اذا افترضنا الاول يبقى ما لينا حق لانو اتخيل شافع اتولد فى دبى او الدوحة او بس قول جدة دى ومشى السودان عمره سبعه سنين بتتوقع منو شنو يعنى غير الرد بتاعك ده ما اظن يبرد ليك بطنك ويقول ليك عيييييك والله السودان حلو خلاص ومشيت لى حبوبة فلانة وعمو فلان وناس خالتى فلانه والله عندهم حوش كبيييير ابدا بس حيخليك تفكر فى انو هسه ده يودوه وين تانى
لكن انحنا ممكن نرمى اللوم على ابوة لانو مفترض اول ما الشافع اتولد يكونوا حريصين على زيارتو للسودان سنويا بعد كم سنه اكيد حيقول لى ابوه يا بابا خلينا شهر تانى ليه لانو بيكون جرى فى الحوش ولعب مع الشفع وضرب وانضرب وعمل ليهو كم مشوار كده فى الهجير وقدر يفرغ جزء من الطاقة وده بيشكل عندو ارتباط عاطفى بالمكان
لكن الاباء المغتربين بيعتقدوا انهم ما عايزين يعرضوا اولادهم لى نفس الظروف لدرجة انهم قدروا يتقبلوا فكرة الغربة عايزين يربوا اولادهم بالورقة والقلم يعنى تربية حسابات فلان ما يسألو وعلان ما يهبشو والى اخر الحكاوى بس فى النهاية عايز اقول انو الناس دى كلها بتلف وفى النهاية بتفتر من الغربة عشان كدة حقو يمرنو الاولاد على الدافورى

جمانة · 22-04-2006, 14:11

الرائعون ....و كفي

نحن كلنا دايرين ...و بنتمني الرفعة للسودان (الوطن المحبوب) ليه ؟
عشان نرتاح ....من كلللللللللللللللل المشاكل ...موية و نور و (وسخ) و تخلف
في كل شئ ...
والتخلف الجاي بسبب (الانانية ) و السعي ( للكرسي) بمقولة الغاية تبرر الوسيلة

والمتمثل في (اشخاص) هيئة بشر بنفوس ( مريضة ) بالانانية و حب الذات...
وعدم الاحساس بالغير..و بمعاناة (شعب ) ضاقت به الحياة بما رحبت....

هوووووووووي

الموضوع اكبر من طفل ...غير ( ملام ) و لا حتي (والده)
لانو كلنا بنبحث عن الافضل لابناءنا....

في احد النوادي بدبي ....بيعلبو جنبي اكتر من سبعة اطفال

ناديت واحدة و جو ثلاثة وراها قلت ليهم احلي هنا و لا السودان ....

واحدة نطت قالت ليهو السودان فيهو ..تراب تراب ....تراااااااااااااب

وقاموا جاريين ...

!!!!!!!!!!!!!!

الموضوع كبيييييييييير يا اخوي

شجراوى · 22-04-2006, 20:15

الجميله ( كسلاوية ) حمداً كثيراً على عودتك وفتحك للموضوع من جديد خصوصاً وانك من ( المعنين ) بالامر ... وحقاً لقد لمست تلك الاشياء غير المحببه للنفس ( السودانيه ) من إستهتار بحب السودان من قبل ( الخارجين ) منه للبحث عن ( جمال ) العيشه والحياة الرغدة كما يقولها دائماً حبيبناااااا عمرى أنا ....

نعم قد يكون قد ضاق بعضنا ذرعاً من الاوضاع السياسيه المتردية فى البلاد ولكن هذا لا يعنى ( قط ) أن نفرط فى حبنا وعدم ( توريث ) أبناءنا تلك الصفه ( الحميدة ) وما زلت أقول إلى متى سنعيش خارج أرضنا ....!!!!!!!

شجراوى ( الاخضر )