عــــــــــــــــــــــــــــــاوزة اتفسح - الصفحة 2

mubsoota · 27-06-2005, 16:53

امشي نمرة 2 وامشي شارع المطار فيهو محلات حلوة ...
في شارع الجمهورية او البرلمان ما متزكرة في مول صغير شدييييييد فتح فيهو كم كافيه حلوين
لفي في امدرمان القديمة زي ما قال ليكdark man
المتحف القومي وكم موقع اثري في الخرطوم مع انها بسيطة لكن جديرة با المشاهدة
واكيييييييييييد ما تنسي تتمشي في شارع النيل
الايام دي في كم مسرحية بتتعرض امشي... كش ملك ....بتاعة الاصدقاء لو لسه شغالة ولو عندك اولاد اهلك يمشوا معاك امشي حفلات عقد الجلاد
الهيلتون وقصر الصداقة با المسا فيهم برامج حلوة شديد ما مكلفة عشان الاجازات بقوا يقدموا عروض خاصة
واكيد اي زول من اهلك بقرا في جامعة امشي معاهو حتلاقي بيئات مختلفة وتتعرفي على ناس كتار وتعرفي حاجات جديدة وربنا يبسطك ويخليكى مبسوطة زيي

الساحرة · 28-06-2005, 04:09

والله يا جماعه ما قصرتوو معاى كدى انا عندى نيه امشى امدرمان وبحرى كمان الله يبسطك كمام وكمان يا مبسوطه على الاماكن دى ولا يهمك امبسط لى وليكى وشكرااا تانى
وحامشى عفراء مول يا جوافه وان شاء الله ارجع واحكى ليكم الحصل معاى شنو من مطار الخرطوم الى مطار خالد الدولى
لكم حبى
الساحرة

gawafa · 28-06-2005, 16:38

يابحرى سر الهوى ..غير بحرى مالى دوا...

عندك فى بحرى السوق احلى معارض الفرش والستائر بجوار محلات شريف..وعندك احلى محلات الأكل مثل ابو جابرة ...وبيتزا دبى ..والبيت السورى ...ما تنسى تتسوقى فى سوق الخضار لأنها تمتلك احلى خضار (فرش) وعندك فرع (اورفليم ) مركز لأدوات التجميل العالمى بالأضااافة ملك السوق (سعد قشرة).

دااارك مااان برضو عفراء فيها فسحة يازول ..

امشى مقهى قلوريا فى الطابق الأرضى وفوق السينما يا حبة

الساحرة · 30-06-2005, 02:55

عيــــــــــــــــــــــــــــــــــــــــــــــــ ــــــــــــــــــــك
معناتووووو يا السودان جاك بله صراحه انا ما كنته عارفه فى اماكن كدة صراحه اشكركم ما قصرتوووو
والله يديكم العافيه
لكم حبى
الساحرة

sambaman · 30-06-2005, 12:43

البنية الساحرة
والله زى ما قال ليك
Darkman
ما تتعبى نفسك كتير وتفتشى
يعنى انتى دايرة ناقصة تشوفى سلالم طايرة
ولا تكنولوجيا ..
هدى اعصابك كدة
ومن ما تصلى طوالى على أمدرمان
وما محتاجة ليك لى زول يفسحك
أى شارع تحفة
وأى مكان أصالة وحضارة ..
وليك عندى عزومة بتاعة " سمك " مش فرش
دة مرات بجيبوه ليك فى الصحن وهو بتنفس
وعلى حسابى فى شوايات الموردة
على النيل مباشرة
هدية ليك من ناس السودان
وناس أمدرمان ..
وعلى بالطلاق
الداير يجى السودان كله يدينى خبر بس
وأنا أعزمه على حسابى
أفو عندى كم فى الدنياء زيكم

م ع م ح ب ت ى

حافية القدمين · 30-06-2005, 19:39

ماشاء الله يا الساحرة
شكلى جيت متاخرة والناس ما قصرت معاك خالص
لكن برضو انا مابقصر طبعا صحبتك اى محل اسمو محل اكل عارفاه وجبة وجبة بس تقولى (اكوووووووووووول) يعنى بس انتى تفكرى انك عايزة تاكلى ساى حتلقينى قدامك اى اكلة دايراها او تخطر على بالك من الفول فى ابو العباس لى الفول فى اربجى لى اكلة القراصة فى بيت ناس الياس وانسى بس انتى حتجيك تخمة وترجعى لى ناس بيتكم عشرين فى عشرين والله يكون فى عونك
وما تخافى الاكل ده كلو على حسااااااااااااااااااااااااااااااااااااابك
ـــــــــــــــــــــــــــــــــــــــــ
ودمتم بخير
ــــــــــــــــــــــــــــــــــــــــــــ

الساحرة · 03-07-2005, 01:59

مكسب يا حلوين يا سامبا مان
قلته لى سمك وانا معاك وقبلت عزومتك
الساحرة