معلومات العضو

Sit_Elkisra عضو فعال

إحصائية الترشيح

عدد النقاط : 10

 

 

معلومات العضو

alrazan عضو متواصل

إحصائية الترشيح

عدد النقاط : 10

 

 

معلومات العضو

عمران عامر عضو فضي

إحصائية الترشيح

عدد النقاط : 136

 

 

أولا نهنئ أنفسنا بالطلة من جديد لاننا اشتقنا لريحة الدخان وهي تخرج من طاقة التكل لتعلن عن بدء العواسة وحتى نعلم بأنه مجرد لحظات ويأتينا طبق الكسرة خارج يتلوي من أثر الكوجين عليه .

قلنا نلقى لينا ثغرة في موضوعك الرائع ده عشان نلج من خلالها لكن لقيناك مقفله كل القدود بالعجين غايتو انتظرنا لحد ما نشف العجين وتشقق ومررنا من خلاله ، اتاري انا زمان بقول طلاب الجامعات ديل وخريجنها من الجنسين لسه فيهم باقي طفولة لم تكتمل بعد .

تعرفي يا غاليتنا نحن في السودان أو في السلم التعليمي بالذات لسه بنتبع نظام متأخر نوعا ما وكل مادة تلقيها متفرعة لعدة أبواب وكل كتاب من هذه الأبواب يحتوي على أكثر من أربعين صفحة لما تشوفي الولد أو البنت شايل الشنطة تحني عليه وتشفقي عليه من أن تسبب له حاجة من ثقلها . بالتالي تحصيله بيكون في خلل عاوز يقرأ أكبر كمية من المعلومات حتى يمر في الاختبار المرحلي وما تنسي في نفس الوقت صغر سنه بالتالي القدرة على الاستيعاب بتكون نوعا ما صعبة لديه بالتالي بعتمد على القراءة لاطول فترات ممكنة حتى يستطيع أن يعمل ليه مخزون كافي من المعلومات تساعده في الدراسة ، زماااااااااااااااااااان الواحد لما يدخل أولي ابتدائي يكون ليه وزن " حجم " سواء البنت أو الولد يعني الاثنين لما يكلموا مرحلة الابتدائي يكونوا جاهزين نوعا ما للعرس يخشوا العام يطلق عليهم لفظ " عتاولة " يعني نشيد العلم ده تسمعه على امتداد الفسحة ما بين المدرسة والحلة وتهتز له جنبات المكان لكن الان زي ما قلت والله هم لو في الجامعة وقالوه ما تسعمي ليهم صوت أو تحسي ليهم ركزا وده لاختلاف الناس والزمان .

من ناحية التحصيل فهم كما ذكرتي قراييييين قراية شديدة لكن طبعا الواحد فيهم بعد ما يخلي المرحلة الهو فيها تقولي ليه لخص لي السنة دي يقوم ينظر ليك ببله وكأنك سألتيه عن أحوال ناس المريخ ما يقدر يكتب ليك صفحة واحدة ودي طبعا الطآمه الكبرى لاننا بنكون مخرجين لينا حفظة ساااااااااااااااااااكت والفهم في خبر كان . يعني خريج الابتدائي ايام زمان يعتمد عليه في اشياء كثيرة ولكن الان وفي هذا الزمن وهذا الجيل خريج الجامعة لا يعتمد عليه لانه بيكون لسه صغير السن لم يحصل مرحلة الادراك الفعلي للامور .

زي ما قلت ليك السلم التعليمي ليه أثر هنا في السعودية مثلا نفسي الشئ تلاقي كمية من المقررات لكن الطالب يخرج خاوي الوفاض لان سلم التعليم هنا تعبان وموجه ولكن نحن برغم كثرة موادنا لكن دارسنا بيكون ليه وزن ثقافي نوعا ما احسن من غيره، فعلا اصبح الطلبة نوعين عشان كده في الجامعة ذاتها تلاقي هذا التذبذب في العلاقة ما بين الولد والبنت داخل اسوار الجامعة ولانهم صغار نضجوا قبل أوانهم بيكونوا غير مسؤولين حتى فيما يسمى بالحب وتحسي فيهم عدم المسؤولية الان عمر الولد أو البنت البيكون داخل الجامعة زمان يكون لسه يا دوب في مرحلة العام يعني طالب زمان لما يتخرج من الجامعة بيتخرج ولو أدوه رئاسة الجمهورية يقدر يديرها ولكن الأن والله الواحد فيهم لو أدوه كشك بتاع ليمون يغلبه يديره والقول ده ما بينطبق على الكل فلكل قاعدة شواذ .

طيب نعرج بيك على حاجة ثانية وهي المعلمين أو المعلمات أنفسهم زمان معظم المعلمين قرأوا معهد بخت الرضا وكان في قمت وهجه كان كما الشهادات العليا الان "فوق الجامعية " وكمان كان في البعض الذي لم يدخل هذا المعهد ولكنه كان بمستوى رائع المهم في الأمر أنهم كانوا بيقوموا بعملية التدريس بكل أمانة وبكل تفاني يعني لما يقولوا ليك ديك معلمة أو معلم خلاص الكلام كمل وهم يقولوا ليك نحن بنعلمك عشان بكره تتخرج وتبقى أحسن منا ولكن الان عملية التدريس شبه سطحية في معظم الحالات أتخذت كوسيلة معيشة فقط " دخل " وما دليل التدريس الخاص والمسائي الا أكبر دليل على كلامي يعني زمان كان الحصص المسائية تتم في المدرسة وللجميع وبدون مقابل ولكن الان الحصص في البيوت ولمن يدفع اما في الشأن العام بيكون التدريس فقط من أجل حفنة الجنيهات هذه وتلاقي الاستاذ يتذمر من الوضع ولا يهمه أن يفهم هذا الطالب أو لا وأن كان هو في قرارة نفسه بيتمني أن لا يفهم حتى يكون في حاجة اسمها دروس خاصة ويكون هنالك دخل أكبر وده كله نتاجه بيحصله الطالب أو الطالبة .
عشان كده لما تلاقي الواحد بعد التخرج همه أصبح مادي أكثر من أن يعمل بما علم فلا تستغربي فمن شب على شئ شاب عليه وانظري لكل مؤسسة أو أي حاجة تحمل لفظ خاصة ما عملت الا لكي تدر دخل أكبر وليس الهدف منها توصيل خدمة ممتازة .

المشكلة التي تأتي بعد أن يتم هؤلاء الدارسين مراحلهم التعليمية ويتخرجوا هل سيكونون قادرين على أن يباشروا ما تعلموا في الحياة بموضوعية ومسئولية ؟ أم أنهم يحتاجون ايضا لسنوات مماثلة لسنوات التعليم حتى ينضجوا ؟ وهل يمكن الاعتماد عليهم في ادارة شئون الحياة ؟ ام يظلوا لسه تحت عون الأهل ؟ وهل الواحد فيهم اذا عمل هل معني كده أنه خلاص أصبح يعتمد عليه لانه عرف يدخل فلوس أم ماذا؟ وهل حياتهم الخاصة يستطيعون ادارتها ومواجهة عواصف الحياة التي لا تقف على حال أم سيستسلمون عند اول طارقة ؟ والكلام ده طبعا للبنات والاولاد على حد السواء فالمسؤولية اصبحت شراكة بين الاثنين في ظل الاوضاع الحالية .

والله من وراء القصد

معلومات العضو

رابي عضو مميز

إحصائية الترشيح

عدد النقاط : 10

 

 

ستنا ست الكسرا
كما عودتينا مواضيعك ساخنة وحااااااااااااااااارة زي كسرتك وتستحق الاكل اقصد النقاش
قبل ما المدارس تفتح بايام مشيت اشتري لي اخوي الصغير كراسات واحتياجات المدرسة قمت جبت لي 2 دستة كراسات قلت خلاص دي بالواجبات بتكفيه قال نحن عندنا 24 مادة وفي مواد عايزة كم كراس.عندها زهلت معقولة قدر لكن ...وبعد داك جات في راسي عدد من الاسئلة وما لقيت ليها جابات.
لكن عرفت انو الحاصل ده كلو من سياسة التعليم في بلدنا دي بتتعمل حاجات من غير دراسة صحيحة تغيرر في المناهج وطرق اعداد المنهج ذاتها وووووو وزي ما قالت الرزان انو
القائمة بتطول وتطول ولكن اين هى الحلول فى ظل وزارة التربية والتعليم التى تطغى فى ثبات عميق ( اصحو يانايمين )
الثمن الباهظ التكاليف يدفعها الطالب من تدنى المستوى دون ارادة وربنا يكون في عون العباد

معلومات العضو

Sit_Elkisra عضو فعال

إحصائية الترشيح

عدد النقاط : 10

 

 

معلومات العضو

عمران عامر عضو فضي

إحصائية الترشيح

عدد النقاط : 136

 

 

ست الكسره

هووووووووووووي شوفي عاد اسمي ده ما تقعدي تشكلي فيه زي ما عاوزه من كثرة التشكيل بتاعك ده عملتي لي ندوب خليته كله طالع نازل .

مشكلتنا يا ست الكسره في مسئولينا ، يعني كل مسئول يعينه ما بمشي على النهج الموضوع لا . لازم يغير هو من مزاجه ويغير اشياء اخذت وقت ومجهود فني ومالي وذهني يجئ هو في لحظة يغير كل شئ ونبدأ تاني من الصفر ، يعني زي تقديم الوقت ساعة هل كان في لازمة لهذا الامر ؟ وعليه قيسي في المؤسسات التانية ومن ضمنها وزارة التلتلة والتأليم هذه والتي أصبح الأهل يخافون من بداية كل عام جديد من جديد عظمة المسئول ومن بنات أفكاره الخربانة هذه .

أنا يخيل لي الناس ديل بيكونوا قاعدين في جلسة كده حميمية يقوم واحد يقول للتاني بالله عليك يا فلان انت ما تعمل كده في الوزارة وتغير نهج كده وبكل بساطة يتم الامر ويكون وراء الاكمة ما وراءها بقرأ حاليا في كتاب اسمه " آفاق الدبلوماسية السودانية " في احدي الابواب قال المؤلف أنه اجتماع بخصوص الخارجية كان هو مندوب الخارجية وكان الناس المتداولين في النقاش من خارج السلك الدبلوماسي ولا يمتوا للعمل الخارجي أو الدبلوماسي بصلة والأنكا من كده قال كانوا يخترعون ويخترعون بشأن الخارجية من غير أن يطرحوا معوقات العمل ويناقشوها ويضعوا الحلول لها وهو موجود وكل واحد فيهم بيقول الحاجة التخلي الحكومة تعيّنه فيها لحد ما جاءه الدور وختى كل حاجة في مواعينها زي ما بيقولوا عن دراية وفهم .

على كده انت قيسي كم من التخبط والعشوائية في التعيين تتم في السودان تعرفي انا مع حكومة الانقاذ قلبا وقالبا لكن الحق أحق أن يقال وبعدين أنظري الى الفترة بتاعت السنوات الاخيرة دي وشوفي كم وزير بتاع تربية تعينوا وتعاقبوا الحاجة المجنانني وما قادر أفهما دي حكاية وزير اتحادي ووزير ولائي دي يا اخي والله دي كملت قروش البلد وكان ممكن تدعم مجالات شتى ومن ضمنها التعليم لانه محور الارتكاز في كل الحياة . والأخطر من كده يمكن هذا الوزير الولائي يتخذ قرار من عنده هو يكون ضد الوزير الاتحادي والعكس صحيح ونروح نحن في الرجلين .

معلومات العضو

طائر النورس من مؤسسي المنتدى

إحصائية الترشيح

عدد النقاط : 30

 

 

معلومات العضو

البلبل المغترب عضو فعال

إحصائية الترشيح

عدد النقاط : 30

 

 

الاخت ست الكسرة من تنسج من خيوط الدمور حرير يكفى ان اقول لكى ما قاله استاذى وانا نائم
(( اناس افقتدو القدوة ماذا ننتظر منهم غدا )) . والعمارة عندما تنهار تبدا السقوط من فوق لانه الحزء الاخف .
ان حاولنا ادراكها يجب ان نبتدئ من الاسفل والى فوق .
يكفينا ما نحن فيه من الوجع وغدا ربما يكون الغد اصفر مثل عيدان قمح احترقت فى مزاراعها بفعل امطار حملتها الرياح بعيدا والنهر نضب والمزارع نائم وووووووووووو .
الضمير عندما يغيب لن تجدى الاحاديث نفعا ونسال الله العافية والسترة وكفى .