شكرا طائر النورس على الموضوع(اصلو ضرب وتر )
طبعا انا ماحبيت (والحمد للة)ولاحا أحب فى الجامعة لانو الحالة الانا شايفة دى عباره عن مسرحية هزلية
لو جينا نصنف الممثليين
نلقى واحدماعندو ضمير يلعب بى البنت وياخد غرضو ويفكها عكس الهوا الغريبة انو بمش لى واحده تانية ونفس المنظر
و واحديين عايزيين يتسلو يعنى بت تجى لى ولد والعكس(بالمناسبة كلو حاصل مقاعد اكذب)وبرامج وجلسات واى واحد عارف التانى بيكذب
اما اظرف حاجة واحدة مجننا الشطار كلهم طبعا فترة الامتحانات بس
ودى نماذج لاقتنى
يعنى بى اختصار الحب فى الجامعات
فاشل
فااااااااااااااااااااااااااااااشل
التوقيع
احب الصالحين ولست منهم وارجو بصحبتهم شفاعة
واكرة العاصين وامل منهم ولو كنا سواء فىالبضاعة
يا شباب الحب الحقيقي ناجح رقم كل الظروف وبحتاج لقوة شخصية من الفتاة لان المشاكل بتقابلة عند تاخر الزواج فاذا كانت هي مقتنعه بالانسان دة وبتحبو اكيد سوف تدافع عن حبها ولن تستسلم وسيكون الحب ناجح لانه حب قائم علي ارضيه صلبة .
اما بالنسبه للطرف الاخر فهو بالتاكيد سيذل كل ما يستطيع حتي يقدر ان يضع النهاية السعيدة لهذة العلاقه وربنا سبحانه وتعالي سيوفقة بالصبر يستطيع الانسان ان يحقق ما يريد
انا بقول الكلام عن تجربة ليست تجربة شخصية لكن هنالك الكثير من الشباب والشابات اتعرفوا في الجامعه واكملوا حياتهم مع بعض بعد الجامعه وربنا وفقهم .
الاحبة الغاليين جداً على قلبى
تسلموا كثيراً على مروركم الجميل هذا والذى كان كمرور النسيم على مدن الانصهار
الاخ zozo
كلامك كان جميل واطروحاتك كلها منطقية ووضعك طثيراً من الاشياء فى اطار من المصداقية وعكستها لنا كصورة جلية خالية من اى رتوش ...
فعلاً تصدق فى ناس مفهومهم عن الجامعة انها محل بتاع ( خلط ) قبل ان يكون صرح تعليمى وتربوى .... وبجد الواحد لمن يخش الجامعة بكون همو كلو يتعرف على اكبر عدد من البنات ... نظام الولد ( كازنوفا ) وكدة ... وعشان الطلبة يقولوا عليه ان فلان دة البتنات بتحبو ( ومدشدشة فيه ) ... وفعلاً الجامعات البتكون فيها طلبة بس او طالبات بس بتكون مملة لبعض الدارسين والدارسات فيها وهى يمكن ان تكون من ناحية ايجابية ومن ناحية ثانية سلبية .... دة طبعاً بيتوقف على فهم الطالب للغرض الاساسى من وجوده فى الجامعة وان يفهم انه طالب فى المقام الاول قبل ان يكون ( حبيب ) بكسر الحاء ...
بس انا مابتفق معاك فى حتة انو الزمن دة بقى حب مافى ... ياسيدى الحب موجود فى كل زمان ومكان بس الناس هم البشوهو وجهه الجميل بكثرة بثور الكذب والخداع التى يضعونها عليه ...
الاخ الحبيب عمرى انا
دائماً مداخلاتك فيها من جزالة المعانى ورصانة الاسلوب مايجعلنا نمعن النظر والتأمل والتفكر بها ....
مااروعك وانت تحلل كل ردود الاخوة والاخوات وتبين وتفصل رأيك فى كل رد ومدى تقبله او رفضه ...
مااروع خطرفات والتى اراها الحكمة بعينها ....
وربنا مايحرمنا من رؤية احرفك الجميلة ياجميل ..
الاخ حذيفة
تسلم على الحديث الواضح والصريح دة .... كان تشبيه جميل منك ان تصور لنا الواقع المشاهد حالياً على انه مسرحية هذلية .... فعلاً بدأ الوضع يسير كما قلت لان يكون الهذل والهرج والمرج هو الذى يحل محل العواطف النبيلة السامية والاحاسيس الجميلة الصادقة ...
وبرضو تطرقت لحاجة هامة جداً عندما قلت انو( واحدة مطاردة الشطار ) فعلاً تعرف دة نوع تانى كمان من الحب فى الجامعات وهو انو البنت تشوف واحد شاطر مثلاً فتتقرب منه وتمثل عليه دور المحبة الولهانة حتى فيساعدها فى كل المواد المستعصية عليها حتى اذا فرغت الامتحانات ( فرغت هى منه ) وخلتو ( وحيد ياناس براى ... بس طيفو المعايا ) .... وهنالك اسباب اخرى لانواع هذا الحب وهو انو الولد او البنت يشوف هو حيستفيد من الطرف الاخر دة فى شنو ...ومن ثم تقوم العلاقة على هذا المبدأ .... وفى النهاية برضو كان رأيك واضح وبائن بأن حب الجامعات فى رأيك فااااااااااااااااااااااشل ...
انتو رايكم شنو فى كلام حذيفة دة ؟؟!!
الاخ dyab8
تسلم ياحبيب على المرور الجميل دة وعلى الحديث العذب منك والذىى اختلف اختلاف توتلى عن بعض الاراء .... فأنت كان حدبثك حديث الشخص المشبع بالامل الصادق فى احساسه الذى ينظر الى المستقبل بتفائل ... ويدعو ان تزرع بزرة الحب الصادق فى قلوب الجميع حتى نخلق مجتمعاً صادقاً فى مشاعره معتد بقيمه ...
فعلاً كما ذكرت ان الطرفين لو كان حبهم صادق ولديهم الصبر والقدرة على مواجهة العواصف والرعود التى يمكن ان توصادفهما فى طريق حبهما هذا فبالتأكيد حيصلو للنهاية المرجوة ( طبعاً الكلام دة يمكن يقول ليك زول تطبيقه فى ارض الواقع وفى الزمن الشايفنو دة صعب ) .... ولكنك قلت الشئ المفترض ان يكون والذى يجب ان يكون تعامل الطرفين به ...
واختتمت حديثك بهذه الكلمات الطيبات...
اقتباس:
هنالك الكثير من الشباب والشابات اتعرفوا في الجامعه واكملوا حياتهم مع بعض بعد الجامعه وربنا وفقهم
.
فعلاً كلنا بنتمنى التوفيق لكل محبين صادقين فى الجامعات ان يتوج امير حبهم سلطانا ... ولكن يبقى السؤال الهام هل هم انفسهم لديهم الرغبة الاكيدة والصادقة لتحقيق هذه الامنية ؟؟؟؟!!!!
اخي طائر النورس ،، انت تتكلم عن الموضوع بكل جدية
فدعني اكون معك في غاية الصراحة ،، حقيقة كان كلام mubsoota كلام سليــــــ 100% ـــــــم
لكن غالباً يكون فاشل كما قال سمسم ناب
***
و أتمنى انك تقول لنا وجهة نظرك في الموضوع
الاخ darkman
شكراً على الوقوف الجميل منك ...
اولاً انا بتكلم على الموضوع بكل جدية لانه بيستحق اننا نكون جادين فيه اولاً الناس البمارسوه يجب ان يكونوا جادين مع انفسهم اولاً والسمعوا عنه يجب ان يكونوا جادين فى ان يأخذوا الجوانب الايجابية منه وان يتورعوا من الجوانب السلبية التى بيسمعوا عنها ...
اذاً انت تضم صوتك الى الذين يعتبرون حب الجامعات فاشل من كل الجوانب وبكل المبررات ....
برضو نشوف باقى رأى الاخوة والاخوات فى رأيك دة ...
اما رأيى انا فبرجأه شوية كدة وبخليه فى النهاية لحدى مانسمع اغلب الاراء من الاخوة والاخوات ...
الاخ HaniArabi
تسلم على المرور الكريم منك والرد الواضح والمباشر والصريح ...
لقد اتيت لنا يااخى بمعلومة جديدة فى هذا السياق وهى ان الذين تزوجوا من الجامعات هم الذين لم تكن لديهم علاقة ظاهرية مع بعض فى فترة الجامعة ...
برضو رأى جميل قابل للمناقشة من الشباب ..!!
اها رايكم شنو ؟
الاخ العزيز alshaheen17
تسلم المرور وهذا التعبير الجميل والذى وقفت عنده طويلاً ....
يمكن يكون تعبيرك غير مفهوم للبعض الذين ( مابيركبوا حافلات ) ... لكن طبعاً اخ alshaheen17 بيقصد ان حب الجامعات حب مامستقر وفيه والشخص مابيبقى عليه طويلاً ... هذا على حسب فهمى للمعنى ...!!
وكمان بقولوا ( كراسى النص بتاعة الحافلات دى ) زى بيت الايجار ..!!!
الغريبة بقولوا خير الامور اوسطها ( اشمعنا فى كراسى الحافلات النص ) المسألة اختلفت ..!!! ؟؟؟
على العموم رايك جميل وتشبيهك بليغ ...
وانتو رايكم شنو ؟!
العرض العادي
