ماذا يحصل في الجامعات؟!

الى متى · 20-05-2005, 16:50

Ff0033
سؤال مهم
.
.
.
لا هو مهم جدا جدا
..
ناس ممكن بكل سخريه تقول لي البحصل انو الناس بتقرى هناك
..
اقدر واحترم كل اصحاب هذا الراى
..
بس بيني وبينك.. بس ده البيحصل داخل الجامعات واعني جامعاتنا السودانيه
..
لا طبعا القرايه ما بتشكل الا 40% الفتره الواحد بكون قاعد في الجامعه
..
طيب وال 60 %
..
تعتقدو شنو
..
ممكن يكونو بمشو مكتبات الجامعه بيقرو هناك..ممكن..لاهو في نسبه من الطلبه بتسوي كده بس..قدر كيف..قليـــــــــــــــــــل جــــــــدا جـــدا جدا
..
اها طيب نقول احتمال بكونو قاعدين في الكفتريا تبع الكليه بسترجعو الدروس مع بعض ويكمل كل واحد النقص العندو من المحاضرات..احتمال برضو..لا هو في الحقيقة جزء كبيــــــــر من الطلبه في وقت (الفراغ) بكونو قاعدين صح في الكفتريات..بس ما اعتقد عشان موضوع المحضرات والمراجعات
..
طيب ليه بكونو قاعدين هناك
..
خليكم من ده كلو
..
اذا شقته ليك ولد وبنت قاعدين في الجامعة في وحده من الكراسي وخاتين قدامهم محاضرات مفتوحه..شنو الممكن يدور في راسك
..
ماشاء الله عليهم ناس هميمه وتقول بينك وبين نفسك اخليهم يقرو ما ازعجهم ساي
..
صحي انت حتزعجهم اذا قعدته معاهم.. بس ..كمان خلي لي خطين تحت انو هم بيقرو
..
تعرفو ياشباب انتو الواحد بتولد كم مره..معليش عارف السؤال اهبل ..بس..اذا بتعمل اعياد ميلاده في السنه مرتين وتلاته..ولا اكون انا نسيت اشيل باقي النسخ بتاعت شهادت ميلادي..احتمال
..
ياجماعه انا كترته عليكم معليش شديد.. عليكم الله انتو كمان احكو وقول الحقايق الانتو بتعيشوها وكيف ممكن الواحد يقدم حاجه..وياريت بدون اي نوع من الانانيه في الراي البقصدو مش يعني اذا انا كانت بعمل الخطا عشان انا عملتو خلاص يبقى صح ولا الناس الماعندها اخوان وتحديدا اخوات يقول انشاء الله يتحرقو لانو لو اختك بالنسبه لي بقت اختي واخت صاحبنا بالنسبه ليهم اختو واختي اخوتكم بعتقد لكان الكثير من السلوكيات اتغيرت..
وشكرا ليكم
ومعليش على الاطاله

**طارق** · 22-05-2005, 19:45

شكرا الاخ الى متى ..!!!

ولكن القضيه كبيره بمقدار مشكلة التعليم والصحه , لايرفض الانسان ان يتعلم جميع اهل
بيته ولكن , هناك اساسيات يجب ان يلتزم المنهج الاخلاقى في التعامل بين الزملاء والزميلات
فيما بينهم .

لعل الشئ الذى يبرز المشكله الكبيره هو الاختلاط المشين , الذى لا اوافق عليه ابدا ...
مهما كانت الدواعى والاسباب لان سلبياته اكبر بكثير من ايجابياته , ودائما ننظر الى
الكائنين انهما ذكر وانثى في النهايه , ولا ننظر اليهما انهما زميل او زميله ...

لان لو الاختلاط لم يكن به شئ , لاختلط الصحابه بالصحابيات , فهل هناك اتقى من اناس
في زمنهم , ولكن التشريع نزل بكل ما هو فارض النظام على البشريه , لان الخالق يعرف
طبيعه ما خلق ....!!!

ولى عوده ان شاء الله في سبيل الجامعه ...

شكرا لك

wad_almack · 23-05-2005, 00:44

بسم الله الرحمن الرحيم
حبيبي : إلى متى
لك الشكر الخالص على هذه النفحة الجميلة
و ماعارف أقول شنو بس
أحمد االله علي أنو إتخرجت بدري و زمنكم دة ماقابلنا في الجامعات السودانية
و الله العظيم يعني منتهى الفراغ و قلة الأدب و بس يعني ما ..
و الله من كتر الكلام الفي جواي ما قادر أكتب ليك شنو و أخلي شنو
لكن على العموم أنا بتي و الله غير أمدرمان الإسلامية و القرآن الكريم ما تقرا كان كسرت رقبتها .
و إحتمال الثانوي بس .
ما جهل ولا تخلف لكن و الله اخاف عليها و ما تقولو التربيه ليها أثر ز نعم ليها أثر لكن بنسبة و النسبة الكبيرة للشارع و المجتمع. و الشارع و المجتمع بأخلاقياتو الجميله دي صدقوني ما بيربي ليهو بنت ولا ولد لأنو كلو فساق و العجب الجامعات يا سلااااااااااام
دي برنامج براها.
و العجب اللبس يا زووووووول أنسى .
حليل زمن جوز الحمام تلاته فرد و الرغيف بالصف و الأخلاق الجميلة.

و الله في.

الى متى · 23-05-2005, 14:57

اخي العزيز : عابر سبيل
شكرا ليك لمداخلتك الجميله حقيقه وطبعا جميعا لا نرفض ان يتعلم كل من اراد ان يتعلم بل وحتى نحث من هبطت عزيمته في المواصله بس ده يكون داخل اطر ديننا اولا وعاداتنا وقيم مجتمعنا التي من غيرها لم ولن نفلح..وشكرا ليك مره تانيه

الى متى · 23-05-2005, 15:16

الاخ العزيز : wad-almack
تسلم على طرحك الجيد بس تعرف لو المشكله علينا تبقى هينه قصدي انو الجيل ده محتاج خلينا نقول 6 سنوات كحد اقصى ديل ناس البقرو طب بعدها ما حكون من الجيل ده زول بدرس في الجامعات

طبعا الجيل الجديد من حقو كمان انو يرث من الجيل القبلو السمح والكعب والمشكله الواحد ما حيقدر يقول السيل ده ما ممكن يصلو اذا ما انت اخونك او اخواتك او بناتك وابنات عماتك او بنات خالتك او بت بت عمك او بت بت خالك او بت بتك او بت ولدك شبكه طويله عريضه تعرف عامله زي الواح البكون في معركه وعندو درع بس مشكلتو ما كبير فبقوم يعمل شنو يختار المناطق الممكن تقتلو يعني مثلا يخلي الدرع جهت قلبو وفي المعادله القلب هو الاسره من الدرجه الاولى اما باقي الجسم ممكن يصاب بس ما اصابات مؤلمه شديد بالنسبه ليهو بس لي غيرو مؤلمه جدا جدا ودي بالمعادله حتشمل الاسره من الدرجه التانيه العمات وبناتا والخالات وبناتا وابنائك واولادهم والاصدقاء
ومره تانيه شكرا ليك جد لو كلنا مدينا ايدنا حنلقا المخرج ويديك العافيه

**طارق** · 23-05-2005, 15:47

اشكرك الاخ الى متى .. للتعقيب على الرد ...
واتمنى ان يتعرف الناس الى احوال ابنائهم في داخل الجامعات ...
شكرا لك ..

الى متى · 31-05-2005, 15:25

شكرا ليكم