يابنات رأيكم شنو فى الراجل الماعندو ( شنب ).. ؟؟!!

**طائر النورس** · 16-05-2005, 00:21

عزيزاتى يقولون ان فلان شنبه يقف عليه الصقر .... بمعنى انه قوى

فهل هذا يعنى ان الشنب يعني الرجوله...؟؟؟!!!

أن الرسول صلى الله عليه وسلم كان يغضب لمشهدها الشنبات ..! ويأمر أصحابه بمخالفة المشركين وفي رواية النصارى وذلك بحف الشارب وتوفير اللحى اي قص الشارب.. وترك اللحى ..
ولكن لم تسلم هذه السنة كباقي السنن من الانقراض .. فما رأيكن ببعض شباب هذا الزمن وقد تركوا الوجوه ناعمة ملساء وليس بها ( شنبات ) وبالتأكيد أتباع السنه هو الأفضل والأولى .... ولكن النظرة العامة اصبحت للوجاهة عند البعض وليس لسنة النبى ( ص )

فمارايكن بالشخص الذي يحلق شنبه ..؟؟؟

وهل الذي ليس له شنب غير كامل الرجوله فى نظرك..؟؟؟

حبيت اعرف رايكن عزيزاتى ...

°~*¤®§(*§ ودمتم احبتى §*)§®¤*~ˆ°

منار · 16-05-2005, 01:15

بصراحة من غير ما يزعل زوووووووووووول بدون شنب اي كلام في اي حتة
منار

رابي · 16-05-2005, 10:59

في بعض الدول العربية والاجنبية عدم وجود شنب شيئ عادي وما فيه اي حاجة بل بالعكس هم بحيو انو ما يكون عنهم شنب لكن نحن في السودان عندنا الشنب ده اهم حاجة في الراجل لانو عندنا الراجل من غير شنب بتشوفو مايع كده وزي البنات علشان كده الشنب عندنا مهم حتى لوشوية شعرات بس المهم يكون في شنب.
رابي

حافية القدمين · 16-05-2005, 18:32

الصديق طائر النورس
هل تعتمد الرجولة على مجرد شعيرات تنبت فى وجه الرجل ؟؟
ولو اعتمدنا على ذلك لضاع كل شى
اذا ليس وجود الشنب او عدمه يعنى راجل كامل ولا نص كم
اما انو الراجل يكون بدون شنب ممكن وعادى هواحتمال بعتبرو نوع من النضافة فاذا كان بامكانو انو يخليه شعيرات اذا بامكانه يغير شوية ويبقى بدون شنب ..
لكن
عليه ان يعتمد فى ذلك على بئته فنحن هنا فى السودان اصبحت التقاليد والعادات واشياء تشبه ذلك نعتمد عليها اكثر من سنة سنت علينا
وفى الاول والاخر
كلها تغيرات تطرا علينا
ودمتم...

**طائر النورس** · 16-05-2005, 19:20

الاخوات العزيزات منار - رابى - حافية القدمين
تسلمن على المرور وابداء ارائكن الجميلة ...
حاجة برة : فى بنت من خارج المنتدى قرأت الموضوع فقالت لى جملة لذيذة جداً اضحكتنى كثيراً ..
قالت لى : ( الراجل بدون شنب زى الكديسة بدون ضنب ) ..!!
انتوا رايكم شنو فى كلامها دة ؟

°~*¤®§(*§ ودمتم احبتى §*)§®¤*~ˆ°

رياح الشمال · 17-05-2005, 11:29

بسم الله الرحمن الرحيم

انا بصراحة ما بشوف انو حاجة غلط انو الزول ما يكون عندو شنب بالعكس مرات بشوف رجال عاملين شنوبة

وهي ما لايقة عليهم والشنب وجودو او عدموا بصراحة ما بيرمز للرجولة في نظري لأنو ياما شوفتا أولاد بشنوبات
وبعد كده بيدلعوا أكتر من البنات.

فالشنب ما القضية وكفاية على مجتمعنا انو يحكم بالمظهر بس ويجرب مرة وحدة يشوف جوة القلب في شنو!!!!

شجراوى · 17-05-2005, 13:04

الشنب دا موضوع طويل لان فى السودان غير قابل للنقاش لو ما عندك اصلاً تلقى الناس بتعاين ليك عين شقفه وكانك عيان اما لو شلته براك الله قال بقولك اما عند باقى الدول مثلاً لبنان لو بتحب ليك بت وعاوز تعرسه ممكن موضوع الشنب الكبير دا ممكن يعرقل ليك عرسك اما اخوانا المصرين ممكن تميز دا من وين ودا من وين على حسب الشنب من ناحية وجدود الشنب اوحلاقته على فكره هو ما عندو شغله بالرجوله ولا عدمه مانديلا حارب عمره كله من غير شنب وجيفارا حارب عمره كله وشنبه يقيف عليه الصقر مصطفى سيداحمد ليهو شنب جد ووردى لا وبرضو دا عظيم ودا عظيم الشغله شغلت عادات ما ااكتر ومزاجات
بالجد موضوعك دا كبير ياحبيب واوعدك انى حااكتب ليك موضوع كامل فيه
شككككراً جزيلاً
على قول عثمان حسن مكى

gawafa · 17-05-2005, 15:00

أنا غايتو راجل بدون شنب مستحيل أعرسو لكن لو بحبو بخليهو يربيهو ...والشنب ماليهو علاقة بالرجولة نهائى يعنى ممكن يكون ما عندو شنب ويكون أرجل من العندو شنب ...لكن المسألة بس شكلية بس دايما الراجل بشنب بديك انطباع بالرجولة أكتر...

**طائر النورس** · 17-05-2005, 22:36

الاخوة والاخوات الغاليين
تسلموا على المرور الجميل كجمال كلماتكم

الاخت رياح الشمال
حديثك جميل ورائع ونظرتك الشخصية لهذا الامر من منظور عقلانى ومن زاوية وزن الامور من جوهرها وليس من اشكالها ...

الاخ شجراوى
حديثك جمييييل ولطييييف وكلماتك طيبات ومثلت لنا بشخصيات عظيمة وكانت ارائك دعماً واذدياد الموضوع اثراءً اكثر .. وقد اوضحت الفرق بين النظرة العامة ( للماعندو شنب ) وبين اشخاص عظماء ماعندهم شنب ماتأثروا بهذه النظرة ... ومنتظرين بشغف موضوعك الكاااامل
الللللللللللللللللى لقاء

الاخت gawafa
عودتينا دائماً انك واضحة وصريحة وائماً بتكونى ثابتة فى موقفك ولا تتزحزحى عنه مهما كان ...
لقد عكستى لنا بكل شجاعة ووضوح رأيك فى الراجل الماعندو شنب ... وكانت نظرتك من رؤية شكلية وانطباع حسى فى جواك بأن الراجل العندو شنب بيعطيك احساس وانطباع بأن به رجولة اكثر بغض النظر عن دواخله ... وطبعاً دة رأى متقبل جداً منك ...
اها ياخوانا سمعتوا كلام الاخت جوافة ... من هسى اى زول عندو نية يتقدم للاخت جوافة ( اليبرم شنبو ويمطمطو ) ويتوكل يقدم طلبه ... ( والماعندوش مايلزموش ) ..!!

°~*¤®§(*§ ودمتم احبتى §*)§®¤*~ˆ°

gawafa · 18-05-2005, 15:17

ههههههههه بس عليك نور