يابنات رأيكم شنو فى الراجل الماعندو ( شنب ).. ؟؟!! - الصفحة 2

مشمشه · 18-05-2005, 22:31

ههههههههههههههههه
والله يانورس انت عقلك ده .... lol خليه ساي

انا بصراحه بصراحه بحب الراجل من غير شنب
افتكر ان الراجل من غير شنب بكون شكله احلي وبيبان اصغر من عمره
مع ذلك في رجال كثار عندهم شنب وعسولين ... زي ابوي كده هههههه
وانا حمشي بيكم لبعيد ليه
ماهو نورس قدامكم اهو ... ماشاء الله مايسحروه

انا مابفتكر ان الشنب بغير كثير من شخصية الرجل
يعني لو كان هو اصلآ راجل مايل كده ويعني إنتو فاهمين قصدي
وكان عنده شنب ... اكيد ده ما حيغير شخصيته
انما حيدي إنطباع خاطئ عن شخصيته للأشخاص اللي بهتمو باهميه الشنب
علشان كده انا افتكر ان الشنب عند الرجل يأثر علي شكله مش علي رجولته

**طائر النورس** · 20-05-2005, 21:32

الغالية جداً مشمشة
مرورك كان جميل كالعادة .... وقلتى لينا رايك بصراحة وبصورة اكثر من عقلانية ووضحتى ان الشنب بأثر فى شكل الراجل مش فى رجولته ودى وجهة نظر مقبولة ومنطقية جداً ... طبعاً بعد كدة بيجى الاختلاف الميلى للبنات فى رؤيتهن لهذا الشخص او لذاك ...
الحاجة التانية ياخ اخجلتم تواضعى ( وكبرتى لى راسى ) وشكراً على الاعجاب ...
لكن بكلامك دة حيرتينا ( يعنى ماعرفنا نشيلو عشان نظهر بشكل اصغر ولذيذونين واللا نخليه عشان نبقى عسولين زى ابوك ) ؟؟!!

°~*¤®§(*§ ودمتم احبتى §*)§®¤*~ˆ°

مشمشه · 20-05-2005, 23:51

ياعم انت لسه شباب
والشنب لايق عليك

بس بعدين لما تعجز كده خفو شويه عشان تبقي شباب لسه
وشويه شويه لمن تشيله كله
loooooooooooooooool

اوعي بس يوم القي عكاكيز في راسي
من ........

سلام

الساحرة · 22-05-2005, 01:24

اصراحه انا بحب الراجل بالشنب
شكلياا كدة عندوو هيبه انا الحلبه ما بحبهم عشان ما عندهم شنب
كمان يجينى واحد ما عندوو شنب وووووووووب
الساحرة[i]

Sit_Elkisra · 22-05-2005, 10:37

السلام عليكم,,,,

الايام دي موضتي الكلام عن الجمال .. و حتكلم ليك عن بعد جمالي في الموضوع..
اول شي عجبني رد شجراوي جدا جدا .. عميق و متاصل وموصول بالفكرة من العمق ... شكرا ليك شجراوي .. غيرت مجرى الردود ..
من ناحية جمال هاني سلامة وجيه و براد بيت وجيه .. الاتنين بالصلاة علي النبي واحد بشنب والتاني من غير شنب..
اما من ناحية عادات محلية الشنب شي اساسي .. لكن يا ربي لا اعتراض في حكمك .. عندي اصحابي وشهم ناعم و شنباتهم خفييييييفة .. لكن ارجل ناس و اجدع ناس مافي كلام .. و مافي نقاش زاتو..
.. اما كلام عريس و ما ادراك ما عندو شنب .. ياخواني اتقوا الله عليكم الله.

**طائر النورس** · 22-05-2005, 22:01

الاخت المميزة الساحرة
نسلمى على رالمرور الطيف منك والرد الواضح والصريح ....
يعنى اوضحتى لينا وجهة نظرك بكل صراحة وكان كلامك وااااااضح بمعنى ان الشنب عند الرجل بشكل بالنسبة ليك ان هذا الشخص مهاب او له هيبة ... وذكرتى انك مابتحبى الحلب عشان ماعندهم شنب ...
طيب يااخت الساحرة لو اتقدم ليك واحد ( حلبى ) لكن عندو شنب حيكون رأيك شنو ؟

الرائعة ست الكسرة
شكراً على تحليلاتك و ارائك .... فقد اوضحتى لنا ان المسألة بالنسبة ليك نظرتها نسبية ومابالضرورة وجود الشنب يعنى الرجولة ... ويمكن ان يكون اثنين رجال مكملين الوجاهة والرجولة ويكون واحد بشنب والاخر بغير شنب ... هنا تبقى مسألة النظرة واختلاف الامزجة والمشارب ...
اما من ناحية الزواج فكان كلامك يختلف عن حديث الاخوات سابقاً الذكرن انهن لايمكن ان يتزوجن من شخص ماعندو شنب ...
يعنى انتى بالنسبة ليك ( الباب فاتح للجميع ) ..!! لتقديم الطلبات بالتأكيد الشنب مابالضرورة يكون عنصر او شرط اساسى فى تقديم الطلبات ..!!

°~*¤®§(*§ ودمتم احبتى §*)§®¤*~ˆ°

mubsoota · 16-06-2005, 12:27

موضوع الشنب با النسبة لي حاجة شكلية من ناحية نظرتي للرجل كشكل .... وجوده أو عدم وجده ليس ذا أهمية وهو شيء جمالي لا أقل ولا أكثر وكما ان الرجل يختار بمزاجه الكتب التي يقرأها والموسيقى التي يسمعها لديه الحق في (انو يعمل في شنبو الدايرو)
وحا اقول ليكم بعض الحاجات عن الشوارب وجدتها في أحد المنتديات .. في أحدي القري بجنوب الهند يمنع منعا باتا المشي في الطرقات لأي رجل لديه شوارب... وفي الهند ايضا بعض القبائل لا تزوج بناتها الا اذا كان طول شارب العريس مساويا لطول كف الفتاة( بركة ما قالو يدها كلها)... في جزر الملاوى ممنوع دول الرجال من غير شوارب الى المجالس البلدية... وفي القديم كان مسموحا بتنمية الشوارب للرجال فوق الخامسة والعشرين فقط في بعض المناطق في الهند ايضا
عشان كده المسألة ما ثابتة على رأي.... لكن عموما السودانيين بفضلوا الشنب

**طائر النورس** · 16-06-2005, 13:12

الاخت العزيزة mubsoota
تسلمى على المرور الكريم والرد الذى حملتيه اضافات جميلة ومعلومات اخرى استزدنا بها معرفة فى مجال ( الشنبات ) ...
وفعلاً كل واحد حر فى ( شنبو ) ... وكل واحدة حرة فى الاعجاب بالشنب البروق ليها ...

اها دة كيف

°~*¤®§(*§ ودمتم احبتى §*)§®¤*~ˆ°

غيداء · 16-06-2005, 17:21

الاخ العزيز طائر النورس
طرحك لهذا الموضوع فكرة جميلة بل رائعة
انا فى اعتقادى الرجولة ما ليها اى ادنى علاقة بين وجود شنب او عدم وجوده
او حتى الشكل
فى رجال شكلهم احلى من البنات ..
لكن دا ما معناه انه بيعكس شخصيتهم او تصرفاتهم
و الدليل على كدة انو فى دول كتيرة بغض النظر عن السودان ما بيهتمو بالشنب اصلا
و وجوده و عدم وجوده عندهم ما ليه اى اهمية
و انا شايفة انو الشكل ما بيعكس اى شئ من اغوار شخصية الواحد
طيب ما ممكن واحد يعمل شنب (يعشعش فيه الصقر) و ممكن تكون تصرفاته ...
لكن نظرة السودانيين للحتة دى محدودة جدا
الراجل بى شنباتو
و الما عندو شنب ما راجل
ما اعتقد انو دا منظور سليم

تحياتى لكم

غيــــــــــــــــــــــــــــــــــــــــــــــــ داء

**AyMaN** · 23-06-2005, 11:55

سلااااااااام ،، و مشكور اخي الغالي طائر النورس على الموضوع
سؤالك موجه للبنات بس ،، لكن اسمح لي اني اقول ليك رايي
في الحقيقة الشنب بالنسبة لي حاجة ثانوية ، ما هي البتثبت رجولة الزول ، الراجل بي افعاله

و شايف ردود اخواتي كلها ردود فيها بعضاً من الحيود ،، و اكيد اغلب البنات كانوا حا يبطبطوا لوا كان سؤالك عن الصلللللعة
..... سلااااااااام ....