ديك الجن جاكم يافرد

deekalgin · 14-05-2005, 19:45

سلامات يافرد انا عضو جديد قديم وعاوزكم ترحبوا بى بحرارة وده لسببين:0
اولا:شايفكم ناس ظريفين وكده
ثانيا: انا لى اكتر من شهرين معاكم فى المنتدى وشايفكم فاتحيين لى خالص
عشان كده يافرد احسن ترحبو بى وتتعرفو بى لانو انا زول لسانى طويل وبكتب شعر كمان وبالمناسبة لقبى فى الجامعة كان الحطيئة وسناتى فى المرات القادمة بشرح اسباب اللقب دة
وكمان لازم تباركو لى لانى رزقت بطفل جميل وظريف (طالع لابوه) وينفع عريس للاخت ريما ده لو دفعت تمام
مع خلص حبى لكم جميعا

**Silent Storm** · 14-05-2005, 19:52

أهلا وسهلا بك يا ديك الجن و بإنضمامك لباقة زهورنا الفواحة

آملين ان تسعد بيننا ونسعد بك اخاً جديداً

كل التراحيب و التحايا لا تعبر عن مدى سرورنا بإنضمامك لنا

ها هي ايادينا نمدها لك ترحيبا وحفاوه آملين أن تقضي بصحبتنا

وألف مبروك المولود الجديد

أسعد و أطيب الأوقات

تقبل منا أعذب وارق تحايانا ،، وفي انتظارك

SUKKI · 14-05-2005, 20:05

ويييييييين يا مان
اول حاجة انحنا بنرحب بيك ترحيب شديد جدا جدا ياديكو
وبعدينك انحنا زعلانين منك لأنك ماعزمتنا للسماية
انت شكلك كدة خفت على الكل والعدة
لكن مافي مشكلة المولود الجاي اننا حنكون في النص يامعلم
وشايلين الكمش وبنغرف برانا في الحلل
وعلى العموم المنتدى منتداك وانحنا بنتشرف بوجودك معانا
(((يديك العافية)))

الحاج متولى · 15-05-2005, 00:06

أهلا بمن أتانا بتحية وسلام ..
يريد الترحيب بأحلى الكلام ..
يريد أن نعلن له الانضمام ..
إلى كوكبة أعضاءنا الكرام ..

أهلا بك أخي .. والمنتدى وأهله تشرفوا بوجودك بينهم..
فأهلا بك يا من تجمل منتديات عشاق السودان بمقدمه...
وانتشرت رائحة العود في أرجائه ..

أهـــلا بك اخينا ديك الجن

deekalgin · 15-05-2005, 18:30

[font=Courier New]شكرا يا شباب على الترحيب ويبدو انكم نفدتم من لسانى الطويل و قصيده الهجاء التى كنت انوى ان اكتبها فى حال عملتو مطنشيين
عموما بخصوص لقب الحطيئه هو اننى قمت بهجاء احد اصدقائى الاعزاء جدا وكان حينها يعمل باحد سفاراتنا فاطلق على هذا اللقب الذى التقطه بعض الشمشارين ولازمنى لفترة طويله حتى اننى اذكر ان بعض الاخوة والاخوات ظنوا انه اسمى الحقيقى
لاحقا سالحق القصيدة وملابساتهاولكن الان اعطيكم نموذج صغير,حيث اننى دعيت للعشاء عند بعض اصدقائى اليمنيين( وكنا فى داخلية الجامعه) ولما وصلت الى غرفتهم وجدت الصينيه خاوية على عروشها ومطبخهم كانما طاف عليه طائف من ربك وهم نائمون فكتبت بيتين من الشعر والصقت الورقة بباب غرفتهم فقلت[/font]:
[poem=font="MS Sans Serif,6,deeppink,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نزلت عليهم ضيفا فصاروا=كان بدارهم نزل العقاب
او ان ضيوف ابراهيم جاءت=منزلة ويتبعها العذاب

**طائر النورس** · 15-05-2005, 22:26

الاخ الحبيب ديك الجن

تخرج منا اشكال الرؤى فى زمن التخاريف فقاعات نبض حائر فى عوالم الحيرة ... وتنبثق منا انات الحنين كإنبثاق الواقع من جوف التخاريف ... تبقى الموجة تمرجح فينا ويبقى الحلم الطفولى العتيق ذكرى فى خاصرة الوطن ... فضلنا نعاين ... صنقعنا فوق فى سماوات العشق الابدى فكانت روعة الالوان وكان زهو اللحظة وكان واقع الحضور المكانى المعبق بوجود قادم الينا من دنياوات السمردق حيث الرؤى المولودة فى خارطة البنفسج وحيث انفلتت تلك البقعة من الضوء المسماة ( ديك الجن ) من عمق التكاوين وحلت بين جوانحنا فأكتسينا بها القاً وازددنا توهجاً ...
مرحب بيك مرة تانية وربنا يوسع ليك فى ( عيشتك وعشتك ) والف مبروك ( الكتكوت ) الصغير ..!!

و

°~*¤®§(*§ ودمتم احبتى §*)§®¤*~ˆ°

منار · 16-05-2005, 01:37

ديك الجن

اهلا بيك يااخونا العضو الجديد
بين اهلك واخوانك
الصينية حقتنا مليانة
ومنتدانا عامر بيك وبكل الاعضاء
مبرووووووك النونو ويتربي في عزك
ودي مني للنونو
[web]http://www.superlaugh.com/val/kiss.swf[/web]

رابي · 16-05-2005, 15:27

اهلا بيك يا ديك الجن البيت بيتك والمنتدى منتداك ويا مراحب والف مبروك الوليد ويربى في عزك .

deekalgin · 17-05-2005, 18:51

[poem=font="Simplified Arabic,5,purple,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا عاشقى السودان قد اكرمتموا=ضيفا اتاكم دون ان تتبرموا
عهدى بكم كرماء ماثل جودكم=كرم بن زائدة وانتم اكرم0