قرنتية هاشم صديق

الفارس · 17-06-2004, 23:22

كل الشلة يا قرنتية

أحالوهم للصالح العام

تقول «الدنيا مهدية»
لا دبّابة برمائية

لا جاسوسة

مدسوسة

لا غواصة روسية

لا مختلسة مال شركة

لا قصفت

حدود «فشلا»

لا كسرت

صريف كسلا

ولا معروفة ختمية
لا ظلمت بدون احساس

لا عصرت شباب الناس

لا كتمت على الأنفاس

لا داستنا

زندية

**طائر النورس** · 19-06-2004, 16:19

مااروع الشاعر المتفرد هاشم صديق ومااقوى كلماته ومااروع اسلوبه ومااشجع قلمه
له التحية ولك ايها الفارس

مايسترو · 22-06-2004, 03:56

شكرا على الشعر ده ونتمنى المداومه على كتابة مايفيض به شعراءنا .

محمد احمد · 23-08-2004, 17:07

[[]اتخيل الزول يشتهيك ويخاف ويهرب من لقاك
يخاف عليك من شوقو ليك ماشوقو اكبر من هواك ماريدو ليك مابتوصف
ماروحو دايما مشتهاك
ماقلبو غيرك ماعرف ومامستعد يعرف بلاك

محمد احمد · 23-08-2004, 17:16

صعب الفراق بعد الولف لى زول عرف
انو الحياة بعدك عذاب مابتتوصف
1 قضيت معاك اجمل سنين لحظات هنا ولحظات ولف
كيف الرحيل انا قلبى غيرك ماعرف

محمد احمد · 23-08-2004, 17:20

الشاعر هاشم صديق رمز من رموز الشعراء العرب اسال الله ان يطيل فى عمره

محمد احمد · 24-08-2004, 01:04

صباحك يا صباح الخير صباح الفرحة والبهجة
2 صباحك زى صباح العيد ورسمة جميلة لى لوحة
نمة زول صبح مسرور وصوت عصفور وكت يصحى
قراية شيخ مع الحيران تلاوة طفلة بى طرحة
صباحك زين ومرحبتين حقيقة قلوبنا منشرحة