ونسة مسااااااطيل وقفشات مبااااالغة !!

**طائر النورس** · 17-06-2004, 16:58

احبتى العشاق بالمنتدى .... اخوانا المساطيل ديل جماعة لزيزين جدا خيالهم وااااااااسع وعايشين فى عالم وردى فى خيالهم ودائما جلساتهم لا تخلو من الطرائف والتعليقات اللازعة والنكت الحاضرة فنمشى ونشوف بعض النكات لهم ...
واحد سايق عربية وبشرب فى سيجارة ( هواء ) بمزاااااااااج فجأة وقفو بوليس الحركة وقال ليه : بتشرب فى سيجارة ( بنقو ) ؟؟ ... اتفضل معاى على القسم
قال ليه صاحبنا المسطول : ياخ انت مش بوليس حركة ؟
قال ليه : ايوة
قال ليه صاحبنا المسطول : طيب مالك شايفنى ( لافيها ) غلط

واحد قدر مايمشى يفحص يقولوا ليه عندك 3 صلايب سكرى ....
يقول ليهم : اتنو بتعرفوا طب ؟ انا عندى 3 صلايب سكرى والله انتو مابتعرفوا اى حاجة
فى النهاية لمن زهج من الشغلانية دى قرر ان يثبت لهم ان فحصهم غلط وانو ماعندو سكرى .... فزهب وشال ( فتيل ) وكب فيه شوية من ( بوله ) وشوية من ( بول ) مرتو وشوية من زيت عربيتو ووداهو ليهم فى المعمل .... طلع بتاع المعمل مسطول صطلة صاح ... شال منه ( الفتيل ) وبعد شويه نده عليه وعاين ليه شدييييد كدة وقال ليه : اسمع يااخينا عندك 3 صلايب سكرى ومرتك حامل وعربيتك ( شنبرها ) خفيف ....

واحد صاحبنا مسطول قاعد جنب البحر وبسطل فجأة مسكو واحد من قميصو بوراء ... صاحبنا المسطول قال ليه بخوف انت منو ؟
قال ليه : انا ملك الموت
صاحبنا المسطول قال ليه : ياخ وقفت قلبى هسى انا كنت قايلك عسكرى

واحد مسطول قال لصاحبو : تعرف انا امبارح اكتشفت اكتشاف غريب جدا
رد عليه المسطول الاخر : شنو
قال ليه : تعرف انى اكتشفت انو ابوى وامى اتزوجو فى يوم واحد

واحد مسطول مشى يخطب بت ... ابو البت قال ليه : خلاص ياابنى مافى مشكلة وتقديراً لظروفك انا علىً البيت
صاحبنا المسطول قال ليه : تمام وانا علىً البنات والشراب

مسطول قاعد فى القهوة
قال للجرسون: جيب لي واحد قهوه وسط وأثنين هجوم

مساطيل قاعدين يحضر فى مباراة ريال مدريد سمع المذيع بقول :
فاول لـ صالح رونالدو
قال ليهم المسطول : تعرفوا دى اول مرة اعرف انو رونالدو اسمو الاول صالح

واحد مسطول وكضاب جدا قال لصاحبو :
تعرف الرئيس عمر البشير معزوم عندى اليوم غدا
رد عليه صاحبو : والنبى ؟
رد عليه المسطول : احتمال يجى كمان

ضابط مخدرات عنده بغبغان فى يوم راجع تعبان من الشغل
ختة حتة حشيش على التربيزة ودخل ياخد دش
رجع مالقاها...سأل البغبغان منها
البغبغان قال ليه : مابعرفها ... ماشفتها
راح واخده وحبسه فى قفص الجداد
كان فى ديك فى القفص مجنن الجداد جن
اول ما شاف البغبغان عجبو افتكرو جدادة اجنبية ... قعد يعاين ليه عين كدة ماااااا ياها
البغبغان قاله: لاااااااا ياحلو... انا جاى هنا مخدرات مش ادآآآب !!!

مسطول جاء ليه صاحبو وقال ليه : الحق مرتك تخونك مع أعز أصدقائك ....
قام جارى جرى و رجع لصاحبه وقاله:
يا راااااجل .. ظلمتها ياخ ... لاصديقي ولا أعرفه..

مسطول ركب تاكسي وقال ليه : وديني بعيد عن الارض.
اخذه بتاع التاكسي ورماه في الصحراء وكان المسطول نايم ويوم صحا شاف واحد يزحف وقال له الرجل: انا تعبان من الشمس
فقال المسطول : تشرفنا... انا أحمد من الارض .

شكرا احبتى على المرور ... والمرة الجاية حندخل على شريحة تانية وحندخل على طرائفها ونكاتها
ودامت لكم الابتساة احبتى العشاق

الوطواط · 18-06-2004, 00:59

ربنا يديك العافية
وتفرح قلوبنا بنكات اخوانا المساطيل
وهاك دى واحدة زيادة :-
اثنين مساطيل لقوا انبوبة غاز واقعه فى الصحراء ماعرفوها شنو مشو سالوا الزعيم .
الزعيم قال ليهم : باين عليها بزة جمل,,,,

مسطول وقع فى حفرة حاول يطلع منها 4 مرات لما غلبتوا قال والله امشي اخليك ,,,

مسطول راح يخطب ليهو واحدة نسبتوا جابت ليهوا شاي لبتون والفتيله جوي الكباية ,
رد عليها وقال : اها من هسع عملتوا لينا عمل

ود عثمان · 13-07-2004, 10:02

مسطول مهووووووووووووس بالشواكيش رجع البيت أمه قالت ليهو بحبك قال أحسن نكون أصحاب.

الجاكوار · 14-07-2004, 15:09

اخى طائر النورس سلامات
(مسطول مشى للدكتور وقال ليهو :يا دكتور انا كل ما المسش حتة فى جسمى دة بتوجعنى . الدكتور كشف عليهو لقى اصبعو مكسور )
اخى المساطيل عالم كبير وعميق ولذيذ من النادر ان يتواجد مثلة فاكثر من التطفل عليهم تستفيد
ودى نصيحة شخصية

اللورد · 17-07-2004, 11:43

شكراً يا طائر وهاك دي لزوم الروشنة

مسطول قال لمسطول البقول ناو وبطير دا شنو
رد التاني كديسة ادوها شلوت

hoota · 17-07-2004, 18:16

يعطيكم العافية شباااااااااب
وبالاخص اخونا الرائع طائر النورس الذي متعنا
في زمن نفتش فيه عن البسمة وسط الاحزان
وانا بدوري اهدي لكم هذه النكته وبالاخص لحبيبي طائر النورس
(واحد مسطول ضربت ليهو خطيبتو وقالت ليهو: اهلي سافروا وانا في البيت براي ما معاي اي زول ... اها رايك شنو؟؟؟
قال ليها بعد ما اخد نفس طويييييييييييييييييييل : اقري قرآن واتعوذي!!!
مع حبي...
Hoota

**طائر النورس** · 20-07-2004, 16:21

مشكورين احبائى على هذه المساحات التى افردموها لنا من النكات الجميلة ... واذيدكم من الشعر بيت كمان .. هاكم دى
مسطول سألوه قالوا ليه : اكتر زول صبور فى العالم منو ؟
قال ليهم : واحد مستنى نانسى عجرم فى قناة اقرأ !!

Dr.ColD · 20-07-2004, 16:44

في زول معاهو قرو ؟؟

الحاصل وكده ََّ!

**طائر النورس** · 22-07-2004, 17:59

واحد مسطول سأل صاحبو : انت الثعلب بلدى واللا ببيض
رد عليه صاحبو المسطول : الثعلب دة حيوان مكار تتوقع منو اى حاجة !!

**طائر النورس** · 01-08-2004, 18:44

و احد مسطول مشى يزور واحد فى المستشفى ....
غفير المستشفى وقفو وقال ليه : زيارة يااخينا
قال ليه : لا عمرة