|
ما احلي عبق الدخان في سماء ملبدة بالغيوم معها رزاز
الحبيب نورس سلامات
تعرف وصفك لنفسك باسم هذا الطائر يدل على أنك دائما تطرق المجاهيل لان طائر النورس واذا كان معلومتي صح يعتمد على صيد البحر وهذه ميزة لمن يعرفها تعلمه الصبر والمصابرة على الرزق وما بيكون في عجلة من أمره لذلك كل طرح تأتي به مهما طال عليه الزمن يكون صالح لكل زمان ومكان لانك تكتبه بعد صبر وأناءة فلك التحية مرة أخرى .
نعود لموضوع الدخان ، طبعا والعبد لله مثقف جدا في الحاجات دي يعني بتناقش فيها من غير حرج مع أخواتي المتزوجات وأخواتي هنا المقصود بيها شقيقاتي بنات امي وابي لاننا بنتكلم فيما يخصنا بكل وضوح واحترام لذلك تجدني واسع الاطلاع واخوض معهن في هذه المواضيع ويحلفن بأني متزوج وهن طبعا متزوجات ولله الحمد .
طبعا كل شعب بيختلف عن الآخر في طباعه وفي طبيعته المعيشية وبيئته التضاريسية عشان كده نحن بناتنا ديل ما بينفع معاهم غير الدخان والدلكه مش لانها موروثات ولكن لانها تفعل فعل السحر في الرجل وتجعله مهيأ تماما لممارسة حياته الطبيعية مع زوجته حتى لو كان بيبلغ من التعب مبلغا دي ناحية الناحية الثانية طبعا عملية الختان دي ليها مردود سلبي علينا واذا ترك الامر من غير دخان ودلكه صدقني النساء حا يُهجرن في الفراش دي حاجة الحاجة الثانية ود بادي في شعره الحلمنتيشي بيقول والذمم خربانة زي موية المثانة فمن هنا نعرف أهمية الدخان والدلكه في ذهاب هذه الحاجات .
اما قولك عن الكريمات والحاجات الثانية دي فهي لا تنفع مع بناتنا زي ما قلت ليك الا بنت تكون غير مختونة لان نسبة الشهوة عندها بتكون موجودة اما في حالة بناتنا المختونات فلازم ولا بد من الدخان حتى تستطيع المرأة ان تمارس حياتها دون خوف من أن يمل الرجل ويذهب ليبحث في غيرها عن متعته .
من ناحية علمية جاهلية ، أي علاج يتم بواسطة الاشياء الطبيعية فهو ناجع للجسم من غير أي مضاعفات فالحطب والدلكة دي اشياء من النبات والنبات علميا تستخرج منه الادوية جلها اذا لم تكن كلها يبقى في هذه الحالة فهو فائدة للمرأة والرجل على حد السواء فتعب الرجل وعناءه خارج الدار وعندما يأتي للبيت في المغيرب لا يذهب عنه التعب والرهق ويخلي ظهره ينطلق الا الدلكه تحت يد خبيرة ماهرة . اما عن شتيت الحطب في المطارات صدقني فهي موجودة اصلا في كل البلاد لان اصحاب البلاد هذه يستخدمون هذه الحطب للتدفئة من زمهرير الشتاء القارص ولتكييف الجو داخل المنزل وطلق عطر طبيعي عليه فمثلا نحن هنا في السعودية وين ما مشيت ليك بقالة " طبعا كلمة بقالة هنا هي المستخدمة في هذه البلاد وعذرا وحتى لا ينط لي زول ويقول لي اتكلم بلغتك " او محطة وقود تلقي الحطب بالردوم .
الان أنظر ليك لبنت متزوجة وتكون ما عليها اثر للدخان أو حناء حا تكون ماشه غبشه ساكت ولكن انظر لنقيضها التي تستعمل هذه الاشياء تجدها زائدة نضارة وحتى لو كان ما فيها مسحة من الجمال فعمل الحاجات دي يعطيها جمال . مرة وانا ذاهب لصلاة المغرب معي سعودي هنا قال لي يا اخي ما تتزوج قلت ليه والله النية فيّ باذن الله قال لي طيب خلاص انا عندي اختي وقريباتي كثر لو حبيت تتزوج قلت ليه بس انا ما بتزوج الا سودانية طبعا أُحرج واندهش في وقت واحد فقمت عددت ليه ، ليه انا قلت كده قلت ليه السودانية تحفظك في بيتك وفي مالك وتعمل معك لان هي تعلم تمام العلم بأن الحياة شراكة بين الاثنين وهي مؤدبة تحمل اهلك واصحابك فوق الرأس وتخدمهم في غيابك كأنك موجود وعددت وأفضت وده طبعا ما كذبت لانه دي عندنا اصالة وطيبة فالسودانية لا مثيل لها وين ما قبلت والله الا حور الجنة وأكرر الا حور الجنة لكن أي مرأة ايا كانت جنسيتها لا توزاي السودانية ولا تدخل معها في مقارنة ، المهم وصلت معاه لحد حتت الدخان دي واسهبت فيها طبعا هو قال لي بس عندنا روائح زي ما ذكرت انت يانورس ولكن قلت ليه لو ساكنين سودانيين معاكم خلي زوجتك تتداخل معهم واطلب منها ان تتعلم هذا الشي بعد فترة لاقني وقال لي والله كلامك صاح مليون في المئة لان زوجتي كانت تشكو من بعض الالام وقد ذهبت عنها وقال لي ولكنها تعبتني انا وضحكنا .
اخي ميزة هذا الشئ لن تجده ولن تجد عوضا عنه مهما تباروا صناع الادوات التجميلية فالطبيعة أخاذة ، وهي عادة لن تزول باذن الله وانا شخصيا لما اتزوج باذن الله تعالي بزرع لي غابة طلح . بس ياريت القى لي بنت ترضى بي .
واللهم قرب البعيد يارب
| التوقيع |
|
وأوصي عيوني تحكيلك .. عسى تقدر توفيلك ..
ريدة زول صبح عايش ..
مناهو وحلمو بي إنتي ما غيرك ..
مناهو تقدري وتوعي لنظراتو .. وتصاويرو .. وتعابيرو ..
مناهو تكوني في ليلو .. نجم ساطع يضويلو .. emran_38@hotmai.com |
|
(( الدخان والدلكة )) خلن عقلى لكة ..!!
