(( الدخان والدلكة )) خلن عقلى لكة ..!! - الصفحة 2

مشمشه · 09-05-2005, 01:28

هههههههههه

انا يانوروس بطبعي عنيده
لكن يعني لو كان حاجه تانيه ممكن اجي علي نفسي واعملها
لكن الدخان ده إستحاله .... انا خالص مابطيقه

لو ما عاجبه في 60 زي ماقلت
بين البايع والشاري يفتح الله
وانا في الحاله دي هكون بايعه ورخيييص كمان

gs1:

الكواسر · 10-05-2005, 19:30

ههههههههههه ....
موااضيعك طائر النورس .... 100% ...
تحيييه وحتى اعووووود مجددا ....

ورأي معروف وانا سودانى جدا ..

**طائر النورس** · 11-05-2005, 00:34

احبتى منبع العشق وشوق الخطوى وجلال المسير
كان تواجدكم كالاشراقة الندية فى زمن الرؤيا الطشاش

الاخ ابو وضاح
اولاً ربنا يرجعك تاااانى للرقاد فى الحشيشان وتكون ( لابس عراقى خفيف ومتكئ على عنقريب هبابى ) وجنبك فنجان جبنة سودانية مظبوووووووط وتستمتع ( بالشمشيم ) ...
اخى لقد كان حديثك جميلاً جمال طلتك الحلوة وعكست لنا مدى ارتباطك بجزور عاداتنا وتقاليدنا وعمقت فينا فهم اننا مهما تباعدت خطانا عن ارض الوطن الحبيب الا اننا بنكون متمسكين ومتأصلة فينا عاداتنا الجميلة وتقاليدنا السمحاء بكل ماتحمل به من تميز وروعة ...
وقد عكست لنا انك لاتبدل عاداتنا هذه بشئ وانها سوف تظل هى الاصل وهى التى تعمق فينا الحس السودانى الاصيل ... واتمنى ان نكون دائماً محترمين عند الاخرين فى تمسكنا بعاداتنا ولكن يجب ان نطور عاداتنا حتى تكون مستساغة ومتقبلة عند الاخرين وبرضو مانطلع من الاصلى لها ...!! واللا شنو ؟؟!!

الاخ البلبل المغترب
لقد حلقت فينا كسحابة صيف اتت تظللنا فى عز الهجير ...
لقد كان حديثك كلاعادة سلس وجذاب وممتع وكنا نقرأ وكأننا نأكل وجبة دسمة بها كل الطيبات ....
اذا جائنا احبتى رأى اخر يرفض ( الدخان ) ومازال مسلسل اختلاف الرأى فى هذا الموضوع مستمراً ...
لقد اوضح لنا بلبلنا اسباب رفضه وفند الاسباب من وجهة نظره الشخصية والتى نحترمها ونقدرها جداً ... واختلاف الرأى انا بعتقد فى شئ كهذا مفيد وظاهرة صحية اذ ان كان بعتقد الجميع انه امر مسلم به وانه شئ لابد منه رضينا ام ابينا وليس لنا مفر من الرفض فيه ... هنا تداخلت خطوط ارائكم وتباينت مابين القبول والرفض ...مابين الطرح المنطقى العقلانى ... والطرح من زاوية التمسك بعاداتنا وتقاليدنا حتى تكون لنا صفة وميزة تميزنا عند الاخرين ...

الاخ ahmed ali
تسلم على المداخلة اللطيفة والكلام الجميل والواضح الصريح ...
اذا انت تعتقد انه سواء رضينا ام ابينا فكدة كدة الحاجات دى حتحصل عند الزواج ... لانها اشياء متأصلة فينا ولايكتمل العرس والفرح السودانى الا بها ولا تكون العروس عروس صحى صحى الا لو كانت ( متدخنة ومتكبرتة ) ... كلامك مقبول ومنطقى ... فهل ممكن واحد يكون عنده القدرة على قلب هذه الطاولة ويعلنا رفضه لهذه الاشياء وتكتمل مراسم الزواج دونها ...!!! سؤال للجادين فقط !!

الاخت ست الكسرة
حضورك كان له طعم جميل وحديثك كان بجد اكثر من رائع سرحنا فيه وتمتعنا بكل حرف فيه ...
ولقد اوضحتى لنا انك ( ست كسرة ) جد جد يعنى متمسكة بأصالة وعادات البلد دة وانو مهما يكون فى بدائل فبتفضل الحاجات دى زى ( ملح الطعام ) وهى البتجمل الشكل الفرحى للزواج ....
ربنا يديك الفى مرادك ان شاء الله ويحضرنا يوم عرسك ومايدبك عريس زى البلبل المغترب عشان حتكون مشكلة انك تقنعيه واللا يقنعك ...

الاخت مشمشة
يعنى قلتى لى انك ممكن تقنعى عريسك وكان ماعجبو فى 60 ... انشاء الله تبقى قدر كلامك دة ..!!
والله انا خايفك تتحبسى قبل سنة من العرس ...

°~*¤®§(*§ ودمتم احبتى §*)§®¤*~ˆ°

**طائر النورس** · 11-05-2005, 22:38

الاخ الكواسر
تسلم عزيزى على المرور وعزراً فى انى تجاوزتك فى الرد عليك لكن بس والله ( كبسان راس ) وكانت عن دون قصد .... ولك العتبى حتى ترضى
ومنتظرين عودتك القوية كإنتظار الارض البور لفصل الخريف ...

°~*¤®§(*§ ودمتم احبتى §*)§®¤*~ˆ°

المسافر · 13-05-2005, 08:38

شكـرا لــك النـورس وعلـى الطــرح الـذى يثيــر الجــدل بيــن الازمـــنة .. زمــن مـضــى ولكنـه مـا زال يحمـــل العصــا ويقــف خلــف الابــواب لردع كــل مــن يخــالف ذلــك .. وزمــن اخــر اعتقــد اننا الان نعيشـــــــــه الـى حيـــــــن اشعــار اخــر .. ونحـــن نحــاول مــع زمننا محــو الكثيــر ممــا نــراه مشــوهــا او غيــر لائقــا .. او .. او ..
لاننــى حتــى الان لــم ادخـــــــــل عمليـا مـرحلــة الـزواج لـذا لابد لى ان اتسـاءل .. مــاهـــى الحكمــة مــن ممــارسـة مثــل هــذه الاشيــاء ..؟؟ هــل هــو الطيــب ام النعــومــة ..؟؟ بغـض النظــــــر عــن السبـــب الحقيقـــــــــى تبــدو العمليـــة فــى نظــرى تكــريــس لفهــم بـائـــد ، ولا ارى اى مبــرر لاحــراق الاجســــــام بنيــران ربـما ينتظــرها الكثيـــــــــر مـن ذلــك .. فــى الوقــت الذى تبلــغ فيـه الاستثمــارات العـالميــة بالنسبــة لادوات ومعــــــــــدات التجميـــل مــالـم يتــم صــرفـه عــلى شــى اخــر .. كـما ارى مــن وجهــة نظــر خــاصة جــدا ان مــا ينبعــث مـن روائــح مــن تبعــات هــذه الممــارســات ليــس بالشــى ء الطيــب .. كمــا ان ممــارســة هــذه الاشــياء ارتبــط لــدى الكثيــرين بالتمهيـــــــد لممــارسـة اشيــاء نــحفــظ لانفســنا الحــق فــى ممــارستــها بخصــوصيــة تـامــة ... الشــى الذى يــدخــل فــى نفـوسنا شــىء مــن الحـــرج .. كمــا ان الزمــان والمكــان ربمـا ادخــل اليــنا حــرجــا ايضــا ... واعتقـــــــــد بضيـــق الممــارســة نــوعا مـا فـى الوقـــت الحــالى وربــما كــان هنــاك ارتبــاطا بينـــها وبيـــــــن ممــارســة بعــض العــادات الضــارة فـى مجتمعــنا والتــى كــانت تمــارس كجـــرم كبيـــر فــى حــق الانثــــــــى .. ومـــع التطــور الكبيــر والتقــدم فـى مستــوى التعليــم والفهــم اتــوقع ان ينـــال الزمــن الغــابر هزيمــة نكـــــــــــراء ...

معــــــــــــــــــــــــــــــــــتز

**طائر النورس** · 14-05-2005, 22:48

حبيبنا المسافر
شكراً ليك على الطلة والكلام الجميل دة
لقد اوضحت لنا مدى رفضك وطرحت اطروحات عن مدى الفائدة التى نجنيها فىممارسة هذه الاشياء وانها اصبحت من العهود البائدة التى اكل الدهر عليها وشرب ... وان هذه الاشياء اصبحت مرتبطة لقيامنا بفعل اشياء معينة ... كأنها هى المقدمة او الواجهة التى لابد ان توضع قبل الدخول الى ساحة تلك الافعال ..!!
واخيراً وضعت لنا توقعك بأن تتلقى هذه هزيمة نكراء بعامل التقدم التكنلوجى والتقنى الذى تجتاحنا اعاصيرة بلاهوادة ...
اها ياخوانا دة راى اخونا المسافر انتو شن قولكم ؟؟!!

°~*¤®§(*§ ودمتم احبتى §*)§®¤*~ˆ°