الحاجة دى كللللنا بنعملها ... (( نكون واضحييييين ونتكلم بصراااااحة )) ...!!

**طائر النورس** · 01-04-2005, 22:33

احبتى من خلال العنوان انا متأكد ان كل واحد منكم وضع اكثر من شئ فى رأسه لانه فى حاجات كثييييرة بنعملها فى حياتنا ومابنحب نتكلم عنها بصراااحة وفى حاجات ( بنختشى ) او ( بنتكسف ) ان يشوفنا احد بنعملها او بنقولها لاسباب كثيرة خاصة بخصوصياتنا وحريتنا الشخصية .
اما انا هنا فبصدد الحديث عن ظاهرة كلنا تقريباً بنمارسها او مارسناها او حنمارسها الا وهى الحديث ( الدقاااااااق ) مع الحبيبة او مع الحبيب فى التلفون اواخر الليل وبالساعات الطوال لدرجة انهم لما يلتقيا سوياً بتكون العبارات استهلكت وكل الكلمات قيلت لدرجة انه يمكن ان يكون لقاءهما عبر الهاتف اكثر ( حميمية ) وبه اشواق اكثر من لقاءهما على ارض الواقع ... وبعض مرات يكون البعض جريئين و ( وناسييييييييين ) بالتلفون ومنطويين وخجولين جداً عند اللقاء .

الغريبة انه بعض مرات بكون فى اتنين بحبو بعض لشهور وبعض مرات لسنين بالتلفون فقط ( اى صوت بس ) ... دون ان يلتقيا نهائياً ..!! وكل كلامهم :
هى : اتخيلنى هسى انا قاعدة جنبك ..!
هو : اتخيلى انو دى نفس الحاجة المتخيلها هسى ..!!
هى : اتخيل كدة انو نحن هسى متزوجين وقاعدين فى اوضة نومنا ..!
هو : ياسلااااااااام واتخيلى كدة انو فى مطرة صابة برة ..!!
واتخلينى واتخيلنى واتخيلنى واتخيلينى ... ويفضلو عايشين على كدة خيال فى خيال لمن الواطة تصبح ..!!

انا الحاجة المحيرانى والداير نتناقش فيها يااخوان ويااخوات بصرااااحة هى :

* هل الحب بالتلفون اجمل و ( الذ ) من الحب الذى يقال وجهاً لوجه ؟؟
* هل ممكن يعيش الانسان قصة حب فى التلفون ( بالكلمات فقط ) دون لقاء ويكون صادق فى احساسه ؟؟
* لماذا اصبحنا نهرب من واقعنا الحياتى ( الحقيقى ) ونعيش فى عوالم زائفة ( وردية ) من الخيال ؟؟
* هل هى حالة نفسية مستشرى فينا كللللنا واللا اصبحنا ضعفاء عند المواجهة ؟؟

اريد منكم المشاركة بكل صراحة ووضووووووووح ...

SUKKI · 01-04-2005, 23:55

اخي العزيز
طائر النورس
بصراحه شديدة انا لم اجرب الحب أصلا
لا بالتلفون ولا في الحقيقة
وده لانو انا مالقيت الانسانه البتقدر تتحملني
انا انسان حياتي كلها في عملي وفي دراستي
ودي بصراحه مشكله كبيرة بالنسبه لي لانو انا ماقاعد امشي لاي واحد حتي اهلى ,
فما اظن انو في واحده ممكن تعيش كدة معاي بالطريقه دي
ولكن اذا كنت انا من الذين ينهلون من هذا الرحيق المسمى بالحب
فاكيد طبعا لابد ان يكون الحب على الطبيعه اجمل مائه مرة
لكن في ناس زي ماقلت بتخجل وبتتكسف
انا ماعارف الواحد بيتكسف ليه
هو الحب غلط ؟
على العموم انا ما بأيد فكرة الحب على التلفون
وشكرا لك اخي اعزيز على الموضوع الجميل
(((يديك العافية)))

بنت مدنى · 02-04-2005, 00:52

[glow1=CC99FF] شكرا على الموضوع الجريء ياطائر النورس
واللهى موضوع التليفونات دى اكيد حصلت لكتير منا وبلأخص فى فتره المراهقه
تعرف الكلام فى التليفون اجمل بكتير من الواقع لأننا بنعيش فى الخيال الى بنتمناه
ونتمنى يكون حقيقى لاكن لماتعرف الشاب وجها لوجه بيطلع حاجه تانيا غير الكلام خاالص يعنى(خنقه)
يا طائر النورس التليفونات كانت زمان اما الان اصبح النت كمان وسيله للتعارف يعنى ممكن
واحده تتعرف بشاب عن طرق النت وتحبه جدا وممكن يتحول الموضوع لتليفونات ولقائات عبر النت
بصراحه وبكل وضوح وانا من واقع حياتى بقول ان اى واحد لجأ للحاجات دى اكيد اكيد عنده مشاكل اجتماعيه
واضطرابات حاده فى حياته والله يكون فى عون الى بيحب بالطريقه دى لأن المواضيع دى بتوصلك للأكتئاب فى الاخر
[/glow1]

روحي السودان · 02-04-2005, 05:33

Sit_Elkisra · 02-04-2005, 11:49

السلام عليكم ,,,

ضحكتني لمن ضحكتني يا طائر النورس لكن ....

غايتو انا مع بت مدني ,,, زي ما قالت التلفونات على حد علمي دي موضة قديمة ... هسع بقت تنكلوجيا ساااااااااي ....

في قصة حصلت لي صاحبتي .. واحد غلطان في النمرة ضرب ليها ... قامت هي قالت ليهو ما مشكلة و عادي و كده ... زولنا اتكسر اتاريهو و ملا الواطة من نشارته
قام بقى كل يوم يضرب ليها .. و ما عندو موضوع نظام هسع بتعملي في شنو ؟؟؟ هسع معاك منو .. لابسة شنو ...امشي يا ده اعرف اسال عنها ... لحدي ما وصلها في الجامعة ... و طلب ايدا .... والله جنس قصة ,,, البت صاحبتي طبعا طبعا وضحت ليهو الفيلم .. قالت ليهو كدي دقيقة ... شرحت ليهو وجهة نظرها .. و شتت يا استاذ ..
لكن بتحصل القصص دي .. و حاصلة ... مساكين لكن الناس دي يا قولك بتتعلق بحبال وهمية .. عشان في النهاية تصعد لهاوية السراب...

**Silent Storm** · 02-04-2005, 15:25

السلام عليكم

في مثل بيقول: "الاذن تعشق قبل العين احيانا"، والمقصود هنا هو ان الانسان قد يقع في حب شخص ما بمجرد الانصات اليه دون النظر اليه، وهذا يعني انه يمكن ان تقوم علاقة اعجاب بمجرد حديث هاتفي،، ولاحقا ربما تتحول الر علاقة حب ( لاحقا هذه اقصد بها بعد ان يلتقيا في الواقع ) ويكون الهاتف مجرد وسيلة للتعارف ،،،لا اعتقد بأن خط الهاتف او حتى المسنجرقادره على فرض شخص بقلوبنا ونهبه هذا الاحساس الجميل ونعلق حياتنا بسراب فالعلاقات عن طريق الهاتف فقط غير كافيه لتعرف او كشف حقيقه الشخص الاخر ،، ينبغي اي تدعم تلك العلاقة بالاحتكاك اللصيق ،،العلاقه لم تتعدى الحديث عبر الهاتف والاتصال عبر النت لايمكن ان نسميها حبا قد تكون اعجابا بالافكار والاراء لان من مقومات الحب الناجح الوقوف وجها لوجه والعين تنظر للعين لان سمات الروح تظهر على العيون كما ان الكثير من الاحاسيس تقولها العيون اكثر بمليون مره من اللسان اذا ممكن ان يتطور الاعجاب الى حب بعد اللقاء وممكن ان يبقى اعجابا واحتراما فقط وهذا الشئ تقرره الروح والعيون ،،،،

سجلي اعجابي المتواصل بيك (( 5244585 )) يا طائر النورس ،،، ولي عودة للموضوع

المسافر · 02-04-2005, 16:01

عـــزيـــزى الـنـــورس لـقـــــد تــحـــدثــت عــن واقــع يــعيــشـــه الـشـبـاب لــيــس فــى الـســـودان فـحـســب وانـمـا فـى مـعـظــم الـبـلـــدان الــعــربــيــة ،، وصــدقـنــى ان الـكثـيـــر يـمارس حــبا ( بـغــض الـنــظـر عـن الـوسـيـلــة ) مـع( شـابــةــ شـاب) لـم يـتـعـرفا عـلــى بـعــضـهـما الا مـن خـلال تـلـك الـمـكـالـمــة او الـمــقابـلة !!! ولــكنـنـى اعـتـقــد بـأن مـمأرســة الـحــب مـن خـلال اى وسـيـلــة اخــرى غـيــر الـمـقابـلـة يــكــون مـمـتـعا ولـكــن لـيــس لامـكـانـيــة ان يـعـيـشـا فـى دنـيا حـالـمة مـن الـخـيـال كـما اوردت (بـنت مــدنـى) ولـكـن لأن الـتلــفــون او الـنـت يـمـكـن ان تـتــوفــر بـهـمـا عـوامـل كـثــيــرة مـثل الـصــراحــة والـوضـوح والـجـرأة فـى الـتعـبـيــر ,, ولـكـن مـن الـصـعــب ان تتـوفـر فـى الـلـقاء الـجـامع بـيـن الاثـنـيــن , لأن مـشـاعـر الـحـياء والـخـجـل تــتـسـرب مـن خـلال الـعـيـون لـتعــم الـوجـه كـامـلا ويـبـدو واضـحـا سـبـب اسـتـخــدام تـعـبـيـر (( وجـها لـوجــه)) وايـضا (( احـمــر وجــه خـجــلا)) وبالتالـى مـا لا يـمـكــن الـتـعـبـيـر عـنـه وجـها لـوجــه يـمـكن ان نـعــبــر عـنـه مـن خـلال وسـيـلــة اخــرى خـاصــة وان كـانـت الــعبـارات الـمـسـتخـدمـة والـفـكــرة الـعامــة بـها ما يـدعــو للخـجـل او الـهـروب !!!ا
اـما بالنـسـبة لامـكـانـية ان تـعـيـش قـصــة حـب مـن خـلال الـتـلـفـون وتـكـون صـادق الاحـساس... ارى باسـتـحـالـة امـكـانـيـة الـوقـوع !!!! لـعـدم تـوفـر الـجـانــب الـمـادى وقـصــوره عـلـى الــحـس ...!!!
اما انـتـشار الـظـاهــرة فــى اوسـاطـنا فـيـحـتاج مـنا لـوقـفــة اطـول ... ولــك الـشــكــر والـتـحــيــة يـا عــزيــزى الـنـورس
مـعـــــــتز

**طارق** · 02-04-2005, 20:03

صراحه ياطائر النورس ....

بكل صراحه واريحيه .. لااتحمل الكلام بالتلفون مهما ... الا لشئ مهم .... صحيح نكون قد دخلنا في علاقات ...
ولكن ... عن نفسي لم اتحدث في التلفون ..مع الانسانه التى كنت معها بعلاقه ... لاكثر من نصف ساعه ......
واذا تكلمت .... يكون النهار ......

اعتقد ان الكلام الكتير الفى التلفون ما في ليهو داعى .. واجهه واقعك وعش حياتك التى تريد ان كنت ... جاد فيها ...
والوصول الى هدف زواج .... وستر نفسك ...!!!!

التلفون ... وسيله اتصال لغرض معين .. وليس للونسه والدردشه .... والتحدث بكلام الاحبه والكلام الرومانسي ....
الذي يحتاج الى وقت .... تكون في مواجهه الانسان الذى ..تكن له الحب ... حتى يعرف ما تقول انت ....!!!!!
وحتى تكون صادق مع نفسك انت ... وتعرف ماذا تقول ...... ؟؟؟!!!!

المهم .... التلفون ووسائل اتصالات العصر ... انشأها الغربيون .... لاجراء سرعة اتصال البيانات للمصالح ... وتسريع
وتسهيل عمل الانسان .. وليس للدردشه ... او الونسه ...!!!!

وبعدين هل هناك وقت ... كاااافى ومال كاااافي .... للتحدث .. بحرية الحب .. والتعبير والمشاعر .... في مجرد
سماااااعة تلفون ..... ! اعتقد ان الحب اسمى من ذلك .....!!!!

شكرا لك ...

ملحوظه :

البنت في النت ... اول شئ يهمها ... ان الماسنجر يكون شغال ...!!!!؟؟؟
سبحان الله ... المرأه ثرثاره في المجتمع ... وعلى النت .......! وعلى التلفون ...!!!!

شكرا نورس ...

**طائر النورس** · 02-04-2005, 22:30

الاخوة والاخوات الغالييين جداً والاعزاء على قلبى

sukki - بنت مدنى - روحى السودان - ست الكسرة - HaMaDa4eVeR - المسافر - عابر سبيل

لقد كانت طلتكم رائعة وكلماتكم جميلة جمال روحكم ووقفوفكم حمل الكثير من المعانى الجميلة فى دواخلكم ورؤياكم الشخصية فى هذا الموضوع ...
تحياتى لشجاعة البعض وصراحته فى طرحه لتجربته الشخصية او موقفه العاطفى حالياً ...
وطالما طرحتوا موضوع التكنلوجيا ودخول اشكال اخرى للتعارف والالتقاء مثل الانترنت والمسنجر ... فلقد اوقفتنى جملة قالتها الاخت بنت مدنى وهى : (( بصراحه وبكل وضوح وانا من واقع حياتى بقول ان اى واحد لجأ للحاجات دى اكيد اكيد عنده مشاكل اجتماعيه ))

هل فعلاً احبتى ان اى واحد يلجأ للحاجات دى لازم يكون عنده مشاكل اجتماعية ؟؟!!

الباب مفتووووووووح للنقاش