اخر نكته وصلت السودان (دفعتا قروش علشان اكتبا هنا)

المعتذر · 17-03-2005, 18:08

يا اخوانه هوا انا النكته دى دافع فيها قروش والقروش ما غاليه عليكم ارجو منكم ان تقروا

فى واحد اشتكى التانى لى القاضى وفى يوم المحكمه القاضى قال ليهوا : مهى شكواك يا بنى
الشاكى : انا لقيت الزول دا شايل حاجات وقعت منوا اه قلتا ليهوا اشيل معاك تدفع كم قال لى ولا اى حاجه اها انا وافقتا وداير الولا حاجه حقتى .
القاضى :شكواك صحيحه يابنى تعال الى هنا وارفع هذا الكتاب عمك جا رفع الكتاب
القاضى قال ليهوا :لقيت تحتوا فى شنوا ؟؟؟
الشاكى ولا اى حاجه
القاضى بسخرية :بلاى طيب شيلا وامشى

دبوره · 18-03-2005, 18:29

باييييييييييييييييييييييييييخة
ههههههههههههههههههههههههههه

تشلن · 03-04-2005, 19:00

قال ليك نمـلة و فيـل ميـتين في بعـض من الحـب , اهـا قاموا قرروا انـهم يتزوجـوا

اهـلم رفضـوا الفكـرة تماما لـعـدم الـتكافؤ, قالوا نمـشي للـقاضي , مشو للـقاضي

الـفيل يقنـع فيه من هنا و يحاول من هنا اصلو القاضي ما مقـتـنع ابـدا عديل كدا

و قفـت النملة : "يامولانا القاضي ممكن كلمة"

مشـت ليه وشوشتو في أضانوا

يازول طوالي القاضي :"حكمة المحكمة بالموافقة على الزواج "

الفيل و النملة راجعين البـيت مبسوطين

قام الفيل سال النملة:" انت يا نمولتي قلتي شنو للقاضي خليتيه يقتنع "

النملة:" قولتا ليهو يامولانا انا حــامل منو !!

تشلن · 03-04-2005, 19:04

مدرس انجليزى قال لي طالب حلفاوي
دخل لي has فى جملة مفيدة
قال ليه : هاسبى الله ونأم الوكيل

سمل ود الولياب · 21-12-2007, 05:28

نكات القبائل السودانيه...(من غير زعل)

ونبدا بالحبايب

الشوايقة:

شـايـقى واقـــف في بص شـاف بنت قـاعـــدة قـام عاين ليها .
عــاينت ليه أبتـــسم ليها أبتســمت ليه غمـــز ليها . غمــزت ليه.
أشـــــر ليها علي المحطة نزلت . . . قعـد محلــــــــــــــها !!!
=========
فى اتنين شـــايقى وجعــلى حكمــوهــــم بالأعـــــدام . بعــين يـوم الأعــــــدام سالوهم آخر أمنية ليكم قبال ما نعدمكم ؟؟؟ شنو .
الشايقى حنين نط قدام الجعلى قاليهم انا عاوز أشـــوف أمى .
وأنت يا الجعلى داير شنو ؟؟
قاليهم الشــايقى دا ما يشوف أمــــو
========
شايقى قالو ليهو ناس البلد رسل لينا التبرع بتاعك عاوزين نعمل حوش للمقابر قال ليهم تبرع شنو عمركم شوفتو ليكم ميت شرد ؟
=========
شايقى الحريقه قامت فى بيتو عمل مس كول للمطافى
=========
سته شايقيه غاطسين فى البحر قالو البطلع أول على سطح المويه الغداء عليهو وحاتكم لى يومى ويومكم ده ماطلعو
==========
شايقى مغترب فى الخليج عشرين سنه رجع السودان ظابط الشماغ الخليجى وركب التاكسى واللسان خليجى تب قال لى بتاع التاكسى الله يرضى عليك أبقا الثوره وفى الطريق الونسه كلها باللهجه اسعوديه بلدكم زينه وسواليفكم حلوه وديرتكم هواها زين بتاع التاكسى إحتار معقول فى سعودى مشلخ شايقى ولما وصل الثوره قال لبتاع التاكسى الله يرضا عليك نزلى القش تبعى هذا ( العفش) ولما نزلو قال للتكاسى كم يسوى المشوار قال ليهو خمسين ألف ورد صاحبنا مزهولاً… فيييييى شنو ؟

تمساح خاتي ليهو كوم ليمون جنبه يقشر ويأكل . . . جاء تمساح سأله مالك يا تماسيحو ان شاء الله خير . . قال ليهو والله اتغديت لي بي شايقي عامل لي طُمام . . . قال ليهو اجيب ليك دواء استفراغ . . قال ليهو المشكلة لا معدتي دايرة تهضمه لا الدنيا راضية ارجعه ليها تاني
===========

الحلفاويون:

حلفاوى قالو ليهو بكره عيد الحب قال ليهم ده بصلوهو كم ركعه
=========
حلفاوى قال لى صاحبو ماسمعت محمد صالح ماجاهو اللوترى صاحبو قال ليهو اوعه يكون عوقو
===========
حلفاويه راكبه القطر قالو ليها لمن تصلى أبوحمد خشمك عندك ماتنضمى إقوموا إرزعوك بى كلمه ملتدليها قالت ليهم سمح ياوليداتى والحاجه دخلت فى نومه عميقه واساعه أربعه صباحاً القطر وقف فى محطه فتحت الشباك شافت ليها بت صغيره شايله شاى وتكورك شاى بى لبن قالت ليها تعالى يابتى شايك ده بى لبن شنو البت قالت ليها لبن عشر الحاجه إستدركت قالت ليها سجمى دى أبوحمد البت قالت ليها لا دى أبوظبى

الرباطاب:

دار الحوار التالي بين الرباطابي وابنه:
الولـــــــــد : يابا يابا شوف الفار
الرباطابي : تقول لي الفار نان قايلني كديسي
الولــــــــد: نان يا يابا انا قلتا ليك اكـــــــــلو ؟
==========
رباطابي عندو جارة غنماية عايز ابيعة
بعدين في السوق دايرة تزووغ قام رفع لية ولدها
جات راجعه والرباطابي محمض الموقف كلة
قام قال لية ((اسمع ياصحبي جبتوة بي الريمووووووت)
=========
قال ليك واحد دخل قرية الرباطاب وفي طرف الحلة كده
لقي لية واحد صغير قام سألة اسمع عندكم موية
قام قال لية نان شجرنة ده قايم بي التيمم
========
رباطاب عندهم وفاة بحفروفو في قبر مر بيهم جنوبي قال ليهم ياشباب
ان شاء ماعندكم عوجة قالوا ليه لالا بنفتش لنا في صارقيل
==========
رباطاب معزومين عشاء والسمك ريحتو ضاره بي شفقتم كلهم السمك طعنهم شوكو ابوهم قال لي سيد البيت انت عازمنا عشا ولافحص ملاريا
==========
رباطابي ولدو بتعلم في المشي بمسك في السرير ويمشي من الاول لاخر السرير ويرجع ابوه شافو قال ليهو ياولد بفتش لاذاعة لندن
==========
رباطاب بحفرو في قبر مرّ بيهم الجنوبي البتعلم في العربي قال ليهم
البكاء ده هنا ولاخبر من البلد قالو ليه خبر الا جينا ندفن التلغراف
قالوا واحد رباطابي إنكشح فوقوا جاز كتير
الجماعة سألوه يا زول إن شاء الله خير
قال ليهم خير شنو إنتوا عارفين لو ركبتو لي شريط لمبة أولع للصباح
========
رباطابي لقى بنتو قاعدة سرحانة قالها :
يابت انتي عاشقة قالت لو : لا أنا 3310 عنيدة
============

الجعليون:
الجعلي شايل سيجارة وما عندو ولاعة شاف ست الشاي وكانونها جمروا ملهلب قال يمشي يولع السيجارة منها :
الجعلي : ممكن اولع السيجارة
ست الشاي شالت الجمرة بيدها وهي تقول : انا من جعلية المتمة .ومدهتها الي الجعلي ،
الجعلي شال الجمرة بيده وولع السيجارة ورجع الجمرة الى ست الشاي , وبحركة سريعة شال براد الشاي (الكفتيرا) من النار وقعد في نص الجمر وقال ليها قلتي من جعلية وين .؟
===========
حدث حريق في المنزل رقم 12 مربع 15بأحد أحياء مدينة سودانية ، اتصل صاحب المنزل بالمطافئ ولشدة ارتباكه ذكر لهم العنوان منزل 15 مربع 12 ، بالطبع ذهبت المطافى إلى منزل آخر ، لم يجدوا حريقا ، قرعوا الباب ، أتاهم صاحب المنزل وكان جعليا :
مرحب حبابكم ، اتفضلوا ، عل ما في عوجة ؟
قال له رجل الاطفاء
في حريقة هنا ؟
أجاب الجعلي لا
فقال رجل المطافي : طيب نرجع و نشوف الاتصل دا منو
فقال الجعلي :
علي الحرام ماترجعو ... أدخلوا ... وصاح مناديا زوجته :يااااااامرة ............ أحرقي الراكوبة.
==========
قالو ليكم جعلي ركب مواصلات الخرطوم امدرمان ومع السخانة بتاعت الجو صاحبنا مسخن وما عاجبو ليك الحال وقاعد جنبو واحد هدندوي وشغال ليك لي الهدندوي نحنا ناس المك نمر نحن ناس الحارة ونحنا ونحنا وداير الهدندوي يتكلم باي طريقة عشان يشاكل معاهو والهدندوي ساكت ساي بس لامن البص وصل امدرمان قام الجعلي قال لسواق البص بالله محطة الدايات يازول بس اول ما الجعلي نزل والباص بقى متحرك قام الهدندوي طلع راسو بالشباك وكورك ليهو : عليك الله حسي دي محطه ينزل فيها راجل
===========
وهاكم دى عن

الحلفاوييين :

قال ليك:
حلفاوى عصروهو عصرة شديييييييييييييدة عشان يمشى
صلاة الجمعة قام زولك مشى بدررررررى لقى ليك
ناس الدعوة شارين ملابسهم فى حوش الجامع وحلتهم
تقجقج جنب المزيرة بتاعة الجامع رجع ليك لجماعتو
قال ليهم أها الحمدلله الجامع زاتو أجروهو عذابة)

جنوبييين :

جنوبى راكب فى البص
يقرأ فى جريده
جارو قال ليهو الساعة كم؟
الجنوبى مارد عليهو
تانى سألوا
وبرضو مارد عليهو
قام الراجل لكزو
قال ليهو انت مندمج ولا شنو؟
الجنوبى قال ليهو لا من واو
==========
اتنين حرامية سرقو جنريتر وهو شغال وجو جارين بيهو اها ناس الحلة بفتشو عليهم لقو اتنين مساطيل قاعدين بسطلو سالوهم ما شفتو اتنين شايلين جنريتر ؟؟ ردو ابداا والله لكن الغريبة في اتنين جو راكبين موتر وطافين النور
=======

المساطيل :

في مسطول عندو ذقن كبيرة
دخل مسجد بالغلط لقاهو واحد قايلو شيخ قال ليهو : يا شيخنا فاتتني ركعتين أعمل شنو ؟
قال ليهو : في ذول شافك
قال ليهو : لأ
قال ليهو : أعمل
نـــــــــــــــــــــايم
============
مسطول قابل مسطول ساله انا شفتك وين قبل كده رد ابدااا ما متذكرك المسطول الاول رد غرررريبة انا برضو ما متذكرك - تعرف ديل بكونو اتنين غيرنا
============
واحد مسطول مجنون بتاع بلااستيشن أبوه مات
كتب على قبره game over
============
واحد مسطول بيشرب سجارة وبيرجع البيت يفتح الباب بالمفتاح و يرقد ينوم
مرة كان مقرش اشترى سجارتين
ولع واحدة ونسى التانية لما رجع البيت عاوز يطلع المفتاح طلع السجارة التانية
استغرب و قال ياربي أكون أنا شربت المفتاح
=========
قالوا مسطول سودانى قاعد مع مسطول مصرى قام قال
".. ليه:" تعرف .. الدنيا دى كلها مآسـى
المسطول المصرى قال ليه: " ليه .. هو مقاسك
" أد إيه ؟
=============
مسطول بيشاغل في واحدة لونها اسمر قاليها : وين يا بيبسي ؟
قامت تفت عليهو . قاليها : وكمان بتفوري ..
=============
مسطول ماشي في غابه قام لحقو اسد المسطول جاري والاسد جاري وراهو
المسطول لمن تعب قال للاسد تعال اكلني تاكل السم ..
============
قالوا مسطول سالوهو : اضانك دي الحرقا ليك شنو ؟
قال ليهم : كنت بكوي في الملابس والتلفون ضرب بدل ما اشيل السماعة شلت المكوه ..
قالوا ليهو : طيب اضانك التانية الحرقا شنو ؟؟
قال ليهم : ما الحيوان ده اتصل تاني ..
=============
قالوا مسطول ساطل سطلة شديدة سالوهو : اسمع يا ابو الشباب المسطرة الطويلة دي البشلوها ناس الجامعات دي شنو ؟
قال ليهم : اظنو دي سيف الجامعة البقولوهو ..
============
مسطول دخل يدو في موية نار طلعا لقاها مافي دخل راسو يشوفا مشت وين ..
============

ولد مشى لى سيد الدكان .. و قال ليه:" عندك
"حلاوة؟
"..سيد الدكان قال ليه:" أيوة
! "الولد قال ليه طيب أدينا ببسى
الولد مشى و جاء راجع تانى ..و قال ليه :" عندك
"طحنية ؟
".. قال ليه:" أيوة فى
! "الولد قال ليه:" طيب أدينا سكر
سيد الدكان زعل و مشى كلم أبو الولد
و قال ليه:" ولدك دة عذبنا.. يسأل من حاجة و
".. يقول داير حاجة تانية
أبو الولد زعل و قال ليه:" دة ولد قليل أدب
"و لازم يتجلد .. عندك بسطونة ؟
".. سيد الدكان قال ليه:" أيوة موجودة
"أبو الولد قال ليه:" طيب أدينا سوط عنج
================
مسطول عملوا معاه لقاء فى التلفزيون
"المذيع سأله:" ماهو أصعب موقف مرّ بيك فى حياتك ؟
المسطول قال ليه:" يوم ما كنت بحلق فى دقنى
".. و بلوك لى فى لبانة
============
قال ليك واحد مسطول زار ناس كدة و قاعد يسأل فى بتهم الصغيرة اسمك منو ياشاطرة قالت ليهو : أسماء
قال ليها يعنى مافى اسم محدد
===============

افتراضي نكات ( رجال زوجاتم هارشاتنهم)

قالوا في مدير شركة عائز أعرف الموظفين المعاهو. هل نسوانم هارشاتنهم زيو والا لا؟
فقام أشترى عدد من البطيخ وعدد من السيارات الكامري أخر موديل. وجمع الموظفين ، وقال أي واحد مرتو هارشاهو يشيل ليهو بطيخة ، وأي راجل مرتو ما هارشاهو، يشيل ليهو مفتاح سياره كامري على Zeros.
فكان الموظفين كل واحد منهم شال ليهو بطيخة وخرج ، ماعدا واحد فشال ليهو مفتاح وركب سياره كامري ومشى البيت فرحان ... وفى البيت المره شافتو فرحان، فسألتو ، مالك الليله فرحان كده ياراجل؟ فقال ليها اليوم المدير قدم لي هديه سياره ، قومي شوفيها ، بعد ما شافته ، قالت ليهو مالقيت غير اللون الأبيض ده أرجع شيل ليك واحده لونها يكون بالأحمر ، فرجع الشركه وقال للمدير أنا عائز ابدل السياره ده بلون أحمر.
فسأله المدير مشيت البيت ؟ فأجاب نعم ...
فنهرو المدير، وقال ليهو خت المفتاح ده هنا وشيل ليك بطيخه وأخرج !!!
=================
قالوا في واحد مرتو هارشاهو، فجاء اليوم ديك شايل ليهو كديسة ،
دخل البيت وقابل زوجتو فقال عليك الله شوفى الغريلا دي !!!
فردت الزوجه انت ياراجل مانصيح دي كديسة ما غريلا ...
فرد عليها الزوج أنت البتكلم معاك منو أنا بتكلم مع دي واشار الي الكديسه!!!!

ادروبات :

ادروب لقى كرتونه مرقة ماجي...لم فيه بلع بس...ورمى الكرتونه...
مسكته قبضة من أبو كديس ديك...
مشى المستشفى
الدكتور سألوا...أكلت شنو يا ادروب...
قال ليه: (بسكويت أبو ديك أكلنا)

منوعات :
=============
غبي مسكه المرور لأن لوحة سيارته الأمامية تختلف أرقامها عن الخلفية. قال له العسكري ليه عامل كدا وانت الشارع دا بتاع ابوك؟ قال: هل وشك زى قفاك؟
============
كلب بلدي شاف كلب بوليسي مركبنو فى العربيه وأخر تسريحه للشعر ونظافه .... البلدي قام قال مشكلتنا بس ما كملنا تعليمنا .................
=============
واحد ايمانوا ضعيف وفى نفس الوقت غبى جدآ اتلموا فيهو عشره شياطين......
واحد يوسوس وتسعه يشرحو ليهو.....!
==========
كل عام وانتم بخير بالله لاتبخلو علينا اتصلاتكم 0507147176

الفنان · 23-12-2007, 15:58

اقتباس:

فى اتنين شـــايقى وجعــلى حكمــوهــــم بالأعـــــدام . بعــين يـوم الأعــــــدام سالوهم آخر أمنية ليكم قبال ما نعدمكم ؟؟؟ شنو .
الشايقى حنين نط قدام الجعلى قاليهم انا عاوز أشـــوف أمى .
وأنت يا الجعلى داير شنو ؟؟
قاليهم الشــايقى دا ما يشوف أمــــو

سمل ..

لكن ما خطير عديييل

ربنا يزيدك

jalilo · 30-12-2007, 18:15

ههههههههههههه ي هههههههههه

ههههههههههههه د ههههههههه

ههههههههههههه ي هههههههههه

ههههههههههههه ك ههههههههههه

ههههههههههههه ا هههههههههههه

ههههههههههههه ل ههههههههههه

ههههههههههههه ع ههههههههههه

ههههههههههههه ا هههههههههههه

ههههههههههههه ف هههههههههههه

ههههههههههههه ي هههههههههههه

هههههههههههههه ه ههههههههههه

× سمراوية × · 01-01-2008, 23:38

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه

تسلمو ...... يديكم العافية على النكت الحلوة دي ..........

الوطواط · 02-01-2008, 01:31

طيب هادي :-

في واحد شايقي وواحد جعلي وواحد دنقلاوي وواحد رباطابي
اتفقوا لما واحد يموت الباقين يختوا ليهوا قروش في قبروا ,
بعد مدة مات عمنا الدنقلاوي : قام الرباطابي جة وقف في القبر وعزة زين وقام ختة ليهوا 500 جنية وانبرم ,
صاحبنا الجعلي شاف المنظر راح جاي عصر رواح علي القبر كدة واخد بكيتوا وقام ختا ليهوا 1000 جنية وانبرم , عمك الشايقي راح جاي بي وراهوا واخد بكيتوا زييييين وراح شايل الـ 1500 جنية وكتب شيك بي 3000 جنية وقال خليهوا بعدين يصرفوا ..............................

قالوا في واحد جايب ليهوا سمك وهو ماشي في الشارع قابلوا كلب قام عضاهوا واكل السمك عمك قام اتنفض وقال شنو ماشي لي جارم مستشار قانوني يسالوا ؟ اها عمك مشي للمستشار وقال ليهوا يامولانا هسع لو في واحد شايل ليهوا سمك ولمة فيهوا كلب وقام اكل السمك كلوا اها نعمل شنو ,
( المستشلر قال ) لو الكلب دة كلب ضال يبقي ربنا يعوضك . اما لو عندوا صاحب فتمشي لي صحبوا وهو ملزم يديك حسابك . ( عمك بتاع السمك قاليهوا ) بس جيتني في جرح يامولانا انا والله امبارح كلبكم دة ورمني ورم وشال سمكي واكلوا كي معاك الكلام دة ( المستشار ردة ) مافي مشكلة سمكك دة بكم .( بتاع السمك ) سمكي دة بي 30 جنية ( المستشار ) طيب خير جيب ليك 20 جنية ونكون حبايب ( بتاع السمك ) ليه يامولانا كيف نكون حبايب . ( المستشار ) ياعمنا الاستشارة بي 50 جنية ولك كيف

ههاههاههاهاهاهاهاهاهاهلاهانهاههااههههههههههههههههه ه