|
هيام والنوارس (قصيدة)
*** رب اخوة لك لم تلدهم امك*** لم تاتى الكلمات الراسخة فينا من فراغ بل من قالها كان يعرف انها ستكون واقع ***
عرفتك فى غربة كانك قريبة كانك بعيدة كانك وداد
فعلا وداد التاخى التراحم تصحى القلوب الاصابه الجماد
كل التلاقى يقلك تشاؤم انسى الصداقة وكلام العباد
بكرة بتعيشها ويشيلها العصار وتلقى العيون احتواها الرماد
بتمضى الشهور الايام الثوانى ودائما شعارى الاصيلة الجياد
فى اخر التسابق بتعرق عوارف رغم الفصول اللى عايشة اشتداد
شكرا زمانى وايدك فى ايدى بتصفو النوايا ومواسم الحصاد
غناها التلاقى وصوت السواقى ومعنى التصافى بعلم البلاد
لقيتك عرفتك * كانك اخية ومن والديه
صدق المشاعر سؤالك يطمن سريع تبقى جيه
كل المعازف بشيلها واغنى * وكل البلابل تعيش التمنى
وحتى النوارس تطوف جم غمامة تفتش عليكى تسلم تجيكى
وتسالك عنى
كيف ما اجيكم وكيف ما اشيلكم فى خاطر الفؤاد المغيب مضيع ملوع تجنى
وكيف ما اشيلكم فى رمش العيون * وكيف بيكى اعبر متاهة الظنون
ونص المسافة حجاى ليكى انك دخلتى القوافى وشاطئ الجنون
واخر المسافة الاقى النوارس تصفق تمارس انتظام القمارى باعلى الغصون
تسلم على وتسلم عليكى وفيها العزيز القريب الحنون
وكانت هداهد بريشة الملون بصوتها المدوزن بتضحك لحون
وتوقف عقارب الزمان الدسوقى ونحن البرانا نعيش السكون
لانو التلاقى قصيدة ومحنة وريد واخوة تفوق الجنون
| التوقيع |
|
|
|
العرض العادي
