ثلاثة قصائد انشاء الله تنال اعجابكم

دبوره · 13-03-2005, 23:37

كلمات: د/ عبده ابوسبعة
ألحان : الأستاذ/ السني الضوي
أداء: حياة مجذوب
فرّحنا
فرّحنا بي شوفتك فرّحنا نسينا البعد الجارحنا
بي شوفتك تسعد أيامنا وزمانا يوافي يصالحنا
****
بي شوفتك تسعد أيامنا ويتجدد عاطر إلهامنا
نتفاءل بالسعد الجائي الفرح ألفي قدومو مرامنا
خلينا يا رائع في رحابك نهواك ونبالغ في هيامنا
****
فرحنا وصافيهو زمانا وخليهو يفارق أحزانا
ده غيابك كم أشقى ظروفنا أثّرنا بعادك وهزانا
خلينا معاك نحيا ظروفنا نتهنا ونفرح بي هوانا
****
بي شوفتك نفرح ونتهنى وبي وجودك يتحقق أملنا
الدنيا في قربك فرحانا أزهار وعطور روضة وجنه
خليك معانا وسامرنا فرّح أشواقنا وبادلنا

كلمات : د/ عبده أبو سبعه
ألحان الأستاذ/ السني الضوي
أداء/ حياة مجذوب
ولا في الأحلام
حبي ليك وافي ما بدور له كلام
ولا في الأحلام ولا في الأفلام
حبي ليك تمام
حبي في لوحة في نغم دندن
حبي ليك نفحة من مشاعر وفن
خاتي أي كلام وحاتي شك أو ظن
حبي ما بتقاس وشوقي ليك بالطن
حبي ليك تمام
قدر ما أوفي برضي ما بقدر
لو تغيب عني الله لا قدر
نومي يبقى خزاز عمري يتكدر
وأبقى باكي حزين ودمعي يتدحر
وحبي برضو تمام
زي غنى البلبل زي غنى الكروان
زي حنين قمري حاضن الأغصان
لو اغنيهو بي وتر وكمان
اصلو في وقعو ما بدور ألحان
حبي ليك تمام

كلمات : د/ عبده أبو سبعه
ألحان الأستاذ/ السني الضوي
أداء/ حياة مجذوب
الياسمينة مالها
الياسمينة مالها ذابلة واساها ظاهر
بي حزنك يا حلوه بكيتي …….الازاهر
الياسمينة مالها
حال الدنيا اصلو يوم ليك ويوم عليك
يوم تديك سعادة يوم بالهم تجيكي
يا ياسمينة صبرك
ما تقيلهو قدرك
ربنا ما بسيبك
فوضي ليه أمرك
******************
قشي دموع شقاك ارجعي لي نداكي
والضاع من أريجك بالأيام فداكي
يا ياسمينة فوحي
وأوعك ما تتوحي
وأوعي لزهره جنبك
بي سرك تبوحي
******************
يا ياسمينة ماينسيكي طبعك
والبحسد عبيرك ما تعاديهو أوعك
يا عز الزاهـر
وأغلى من الجواهـر
الولهان بي جنبك
طول الليل مساهـر
الياسمينة مالها ذابلة ولونه خاطف
بي حزنك يا غالية بكيتي العواطف

ibn_alsudan · 03-05-2006, 08:33

يا سلاااااام يا دبوره برافوووووووووووووووووووووووووووووووووو