قصيدة: صرخة شوق ارتيقه مصطفى
صـــرخــة شـــــوق
حليلك يا بشاير الخير .. ووا شوقاً
غـلب صـبرى .. ودموع عينى
بـــشـــابـــيــلــك
واضـمك ديـمة فـى الاحـلام
وأقـوم مـن نـومى مسكون iiبيك
بــــنـــاديـــلـــك
واغـزل لـيك حـروف الشوق
عـقود مـروية عـطر الـحب
وأدوبــــيــــلــــك
وافـتـش فـى مـعاجم الـريد
عـن الاتـقال .. ولـسة بـكر
وأغــــنـــيـــلـــك
حـلـيلك يــا صـباح الـفال
وكـت تـصغر رحـاب الـكون
بــــعـــديـــلـــك
افـتـش فــى حـماك مـلاذ
يـطـمن قـلب فـيك عـشمان
ومـــاشـــيـــلـــك
ألـقـى مــودة فـى الـعينين
حـنـان بــى فـيضو اتـهنى
وأدعــــيــــلــــك
وبـتذكر كلامك لى .. وهمساتك
وصاياك .. ودميعاتك .. ودعواتك
وخـوفك مـن سـفر حـا يطول
طـريـق الـغـربة والـمجهول
عـــلـــى ولـــيــدك
حـنـانك زادنـا فـى الـغربة
حـنـانـك هـــو الـبـدفينا
تـضـمنا ديـمـه احـضـانو
تـراعينا .. وتداعبنا .. وتواسينا
تـكـون لـينا الامـل والـنور
قواربنا .. وشراعتنا .. ومراسينا
بـسيماتك مـن الخاطر بتتشابى
تــبــقــى الـــفـــال
وعـشـم الـلـقيا يـوم بـاكر
مـــنـــى وآمـــــال
بــجــيــك بـــاكــر
تــسـوقـنـى اللهفـــــة
لـــى ايــامـك الـنـاديات
مــــــلان اشـــــواق
بـتـفرش دربـى لـى عـيونك
بــجــيــك بـــاكــر
تـــنـــوم تـــرتــاح
عـيـونى الـخـاوت الـنجمات
تــعــيـش افـــــراح
دواخـلـى الـنازفة مـن الـهم
ولـيـل الـغـربة والاهــات
بــجــيــك بـــاكــر
ويـــكـــون بـــاكــر
صـــبـــاح الــعــيـد
صـــبـــاح الـــفــال
| التوقيع |
|
|
|
العرض العادي
