العمل...والأهل

SUKKI · 12-03-2005, 14:29

السلام عليكم :
الأخوان و الأخوات الأعزاء , في مجتمعنا الشرقي الي نعيشة بمحاسنة ومشاكله واللتي لابد لنا ان نتأقلم عليها ونعيشها بحلوها ومرها, نرى أنه أصبح من الضروري على المرأة ان تكون متعلمة وصاحبة شهادات عليا . وتتفاجأ المرأة بعد حصولها على أعلى الشهادات العليا بأنها سوف تتزوج ويمنعها زوجها من العمل .او تتخرج ويمنعها أخوانها من العمل بشهاداتها . فهل هذا هو ماكانت تتمناه المرأة ام ماذا . لا أعني بكلامي هذا جميع الأخوة الرجال ولكن الغالبية العظمى لا تؤيد عمل المرأة ولا توافق على جعلها عنصرا فعالا في المجتمع .
فما رأيكم أنتم أيها الأخوة الأعزاء في هذه المشكله .
هل توافقون أم تمانعون على عمل المرأة .
(((يديكم العافية)))

gawafa · 12-03-2005, 15:37

مرااحب أخونا سوكى..

والله معاك حق لكن طبعا المرأة مفروض تسمع كلام راجلا وممكن تقنعو بالعمل..لكن من الصعوبة اقناع الاهل بالعمل وأذا وافقو بكون فى المكان الذى يختارونه مش الانا عاوزة اشتغل فيهو..والله احنا زاتنا نحمد الله انو ما منعونا من القراية وتحصيل الشهادات ..لكن هناك الكثيرين يتفهمون هذة النقطة ويوافقو على العمل..

SUKKI · 12-03-2005, 15:46

شكرا على مرورك وابداء رأيك أيتها الأخت الكريمة
أين رأي الباقيين
(((يديكم العافية)))

سموحة · 12-03-2005, 17:00

شكرا ليك على طرح موضوع بالشكل دا واصبح ظاهرة اليومين دى ومنتشر بكثرة طرحت موضوع من اصعب المواضيع فى مجتمعنا ودا فعلا حقيقة كمية من الرجال بيرفضوا فكرة الشغل لى البت سؤال واحد؟ وين حايكون حصاد السنين بالنسبة لينا وين تحقيق الزات لو الفكرة كدا ما كان قرينا مدارس وقرينا جامعة بس قد تكون فى اسباب مثلا لو كانت فى اسباب بتمنع العمل مافى مشكلة اكيد دى كدا معناها فى ظروف بتفرض نفسها لكن اتخيل معاى انا زولة جامعية ومافى اى سبب يمنع فكرة الشغل والزوج رافض طبعا حقوا اكيد بس كمان لازم تكون فى مبرارات اتخيل معاى الماساة دى! طالبة جامعية وخلصت الجامعة طبيعت قرايتها لازم تقضى الخدمة الزامية وتشتغل طبعا سنة كاملة اتخيل معاى انو الزوج يرفض انها تشتغل يعنى تقضى الزامية بتاعتها معناها فى الاساس ما عندها شهادة دى الحل حايكون ليها شنو خلصت الجامعة وما عندها شهادة بسبب انو زوجها رافض مبدا الشغل؟

SUKKI · 12-03-2005, 17:06

شكرا لكي أختي الكريمة على المشاركة
ولكن هل سوف تحاولي أن تقنعي زوجك بضرورة العمل أم تستسلمين للأمر الواقع .
الرجاء الإجابة على هذا السؤال .
(((يديكي العافية)))