رشاد يساند العضو راشد المضهد من المشرف العام

رشاد · 02-03-2005, 20:30

[ بسم الله الرحمن الرحيم

نـــــــــــــــــدا ء الى جميع اصدقاء راشد الاوفياء اناشدكم ايها الاخوه للوقوف جنباً الى جنب معى لمساندتى فى اسقاط المشرف الحالى للمنتدى العام (طائر النوس) .الذى يقوم دوما بحذف مشاركاتى بدون اى حق هو وبعض المشرفين المتعاونين معه منهم مشرف البرامج العامه الذى قام بانتقادى بشده فقط لاننى شاركة فى منتدى الاغانى وقلت ان الاغانى حرام ويمكنكم ايها الاصدقاء الاطلاع على الموضوع فى المنتدى المذكور اعلاه . ولهذا السبب قمت باختراق اميل المشرف والمشاركه باسمه وكتبت هذا الكلام (انا طاير الابله)ومزينه بتوقيعه.مما اثار هذا غضبه وتم ايقافى من المشاركه من المنتدى .ولكنى استطعت الدخول بسهوله جداً جداً ولايخدعكم اصدقائى هذا الاسم الجديد فلقد قمت بالتسجيل من جديد لايصال هذا النداء لكم

وشكرا اخوكم راشد ]

**طائر النورس** · 02-03-2005, 21:21

قال تعالى : (( واذا خاطبهم الجاهلون قالوا سلاما ))
صدق الله العظيم

اولاً وقبل كل شئ اتمنى انك تكون (( راشد )) فعلاً فى كلامك وتصرفاتك
واقول ليك : (( اذا اتتك اساءة من جاهل ... فهى الشهادة بأنك كامل ))
وانا اكبر من ان انزل الى مستوى كلماتك الذى ذكرتها فى حقى ...
وحتى اوصل للاعضاء الحقائق كاملة دون نقصان وهى :
اولاً : انا اساساً مابعرفك ولا يوجد بيننا حتى مناقشات فى المنتدى .. وفوجئت يوماً ما بأنك مرسل لى رسالة خاصة اول حاجة عربيها ركيك ولغتها ضعيفة جداً وتنعتنى فيها بأوصاف قبيحة ( الرسالة دى انا عندى ومحتفظ بيها فى رسائلى الخاصة وممكن اطلع الاعضاء عليها ) وومكن انزلها الان فى هذا الموضوع لكن لاحترامى الى الاعضاء الاجلاء اترفع بهم ان ينظروا الى كلمات اقلاها انها ( مبتزلة ) ... ولم انزل الى مستواها وارد عليك بمثلها ... حاجة تانية انت رديت على موضوع جميل طرحه الاخ الرائع اسلام على بردود اقلاها انها سوقية ولا ترتقى ان توضع فى منتدى محترم كهذا .... لذلك رديت على ردك وقلت ليك تخير الفاظك وكلماتك لان المنتدى الانت كتبت فيه هذا الكلام اسمه ( المنتدى الادبى ) ... وانا مسئول عنه ...
بعدين فى حاجة اعرفها انا ليس المشرف العام بتاع المنتدى دة .... وانا لم اقم بحزف مشاركتك ...
انما الاوقفك المشرف العام واوقفتك تصرفاتك الغير مسؤولة ثم حاجة تانية انت بعت رسائل خاصة عن لسانى بأنك اخترقت دخولى الى المتدى ( وليس ايميلى ) كما زكرت ... ووصفتنى بأنى دكتاتورى وكلام كدة غريب جداً ماعرفت اساساً انت عايز تصل لى شنو ؟
وطالما انت مامحترم المشرف العام ولا باقى المشرفين كمان وعندك فيهم رأى فنصيحت ليك بأن تشوف ليك مكان تانى يكون فيه مشرفين ( بمزاجك ) واعضاء فى مستوى عقليتك ..
وانت كمان لايمكن ان يكون له مكاناً بيننا ثانية ولو شاركت بمليوووووووووووون اسم .
نصيحة ليك لوجه الله تعالى .. ركز دايماً فى مايفيدك وحاول ان تملئ اوقات فراغك بأشياء تستفيد منها فى مقبل ايامك وخليك موضوعى وابتعد عن السطحية وسفاسف الامور وخليك ( راشد ) بحق وحقيقة .
وربنا يهديك ( ويرشدك ) الى الطريق السليم ويجعلك من ابناء الوطن الصالحين .

**zesty4ever** · 02-03-2005, 22:05

والله ما عارف أقول ليك شنو بعد كلام طائر النورس دا

بس عاوز أوضح ليك نقاط بسيطة عشان المرة الجاية لما تجي تناقش مشكلة تنتبه ليها :

1- طائر النورس ليس بمشرف المنتدى العام .

2-

اقتباس:

الذى يقوم دوما بحذف مشاركاتى

معليش الظاهر نظري بقا ضعيف شوية ، وينها وشاركاتك البتتكلم عنها دي

3-

اقتباس:

وبعض المشرفين المتعاونين معه منهم مشرف البرامج العامه

لي علمك ، وزيادة لي معلوماتك الثرة ، مشرف كل قسك ليهو صلاحيات في القسم بتاعو وبس ، مش تقول لي مشرف البرامج مسح لي موضوع في المنتدى العام

4-

اقتباس:

قمت باختراق اميل المشرف والمشاركه باسمه

، والله ما قصرت ، معلومة جديدة إنو لما تخترق إيميل زول بتشارك بإسمو ، وطيب لما تجيب باسويرد اليوسر بتاعو حتكتب بي اسمك انت ؟

5-

اقتباس:

وكتبت هذا الكلام (انا طاير الابله)

، برضو مشكور وفرت عليّ إنو أعرف دا منو الكتب باسم طائر النورس ، نصيحة ليك ، من الذوق لما تلاقي يوسر بتاع زول تعمل ليهو تسجيل الخروج ... وتدخل باسمك انت ... خصوصاً لما تكون من زبائن محل محترم زي فاستر نت أو الكندو ...

6-

اقتباس:

مما اثار هذا غضبه وتم ايقافى من المشاركه من المنتدى

، افتكر انت عارف كويس تم إيقافك ليه ، ومافي داعي افتكر أشوه صورتك أكتر مما انت عاملو في نفسك ...

7- بكرر ليك نفس النصيحة عسى ولعل تنفعك

اقتباس:

نصيحة ليك لوجه الله تعالى .. ركز دايماً فى مايفيدك وحاول ان تملئ اوقات فراغك بأشياء تستفيد منها فى مقبل ايامك وخليك موضوعى وابتعد عن السطحية وسفاسف الامور وخليك ( راشد ) بحق وحقيقة .
وربنا يهديك ( ويرشدك ) الى الطريق السليم ويجعلك من ابناء الوطن الصالحين .

مع تحياتي

مشمشه · 03-03-2005, 01:13

اخ رشاد او راشد
انا مشرفة المنتدي العام اللي إنت بتقول إنك مضتهد منها

اولآ انا ماعندي فكره عن المشاركات اللي إنت بتتكلم عنها
ثانيآ لو فعلآ كانت مشاركات فيها فائده للاعضاء مستحيل طبعا احذفها
شوف انت كاتب فيها شنو مشاركاتك دي
وبعدين انا او غيري من المشرفين حنتهضك ليه
إحنا اعضاء في المنتدي زينا زيك
بس مهمتنا الإضافيه إنا نحافظ علي سمعة المنتدي ومانخلي اي يشخص يشوها
ونحذف كل المواضيع المامنها فائده

selvister · 03-03-2005, 12:13

السلام عليكم اخواني المشرفين

يا ريت تسمعوا رائي دا

اولا يا اخ ((رشاد )) انت كان داير تعمل خزعبلات وتثير الفتن في المنتدى

فأنت اول حاجة غشيت نفسك لأنو منتدى عشاق السودان فيهو ترابط عجيب

وفريد من نوعة .

تاني حاجة الاخوة (( طائر النورس )) و (( مشمشة))من الاعضاء المميزين ومهما قلت عنهم
اعتقد انهم على حق وباين عليك انسان متبجح ماداير .اتطرف لوصف شخصك الكريم

لاكن حتى اسلوبك في التعبير يدل على عدم الموضوعية

انت كان ممكن على الاقل تقول ((selvister)) او اي شخص تاني وتكضب فيهو

لاكن طائر النورس ومشمشه وزيستي ديل انا مابرضى انو زول يهينهم

وبعدين الاخوة طائر النورس وزيستي ماخلو لي حاجة اقولها

عشان كدا انا استحلفك بالله انو كان عندك ذرة من الإنسانية
تعمل تسجيل خروج من المنتدى وتاني ماترجع

وصدقني كان رجعت ماحتلقى الترحيب المناسب

والتحية لكم (( طائر النورس)) و((zesty)) و((مشمشه))

وانا بعتزر ليكم نيابة عن البني ادم دا

رغم انو مايستاهل انو يعتزرو بدالو

والسلام عليكم

البلبل المغترب · 03-03-2005, 13:08

الاخ راشد : لكن احدثك حديث الاخ الاكبر الغاضب ولكن حديث الصديق واتمنى ان تستمع له وتعمل به ان كنت تريد ان نبقى اخوان فى الانسانية . وانت تدرى هذه اول مرة اخاطبك رغم انى لا اعرفك من قبل ولم يجمعنى بك موضوع فى المنتدى .
عزيزى المنتديات او النت عامة يسمح للناس بالتحدث بحرية وشفافية لان به خاصية البعد والقرب فى نفس الوقت بين الناس ، وخاصية البعد والتخفى وراء الاجهزة لا يتيح لاى انسان توجيه الاهانة والتهديد لاخر لانه لن يجد القبول من الناس والدليل اول ردود على موضوعك المكتوب اعلاه ، وانت فى موضوعك وانت كنت جاد بالفعل تطلب الوقوف معك ضد الاخ طائر النورس لانه فعل لك كذا وكذا .
اخى اسال نفسك هل بالفعل قمت بما يشين لجعل الانظار تتجه اليك ؟
هل حديثك كان بقصد او غير قصد ؟ وهل وجه نظرك ايا كانت نابعه من رغبة فى المشاركة واثراء الاخرين ونفعهم بها ؟
ان كنت ترى ذلك كان عليك مخاطبته بطريقة مقبولة او ارسال رسالة خاصة له ، او للمشرف ربما تكون وجهة نظرك هى المنتصرة .
ولكن عندما تكيل السباب للاخرين وتتهم من دون دليل ومن دون موضوعية تكون قد حكمت على نفسك بالفشل منذ البداية .
جميل ان تتعلم الانترنت ولدرجة الهكرز فانت بارع يعنى متميز عن الكثيرين ولعلمك هناك انس لا يعرفون التعامل مع الكمبيوتر حتى الان ناهيك عن الانترنت ، اذا فمن باب اولى ان تستفيد وتفيد تؤثر وتتاثر ، او بمعنى اخر تكون من الدروع الواقفة فى وجه من يفكر فى اختراق خصوصيات الناس من اميل وخلافه .
هل تدرى اخى عندما تطلع على اسرار احد او خصوصيته ايا كانت فى النت كمثل الذى يتسور الحائط ويتلصص على جيرانه وربما صعقه سلك كهربائى يضعه الجار اتقاء زوار الليل .
عزيزى راشد الاخ طائر النورس ما زال وسيظل اخ عزيز ومن الذين اقدرهم ، هل تدرى معنى هذه الكلمة اقدره رغم انى لم اسمع صوته او ارى شكله فى الطبيعه ولكن انعكست لى شخصيته على صفحة المنتدى الصافية وهذا لا ينفى انى لا اعلق على مواضيعه بكل ديموقراطية حتى لدرجة النقد وهو يرحب بكل صدر رحب ولم اسمع منه يوما كلمة تصك اذنى او اشعر بتبرمه من ذلك ، لان المنتديات صممت وطرحت للناس للتواصل وطرح الافكار والوصول للحلول عما يعانيه المجتمع من امراض وعلل .
من حقط ان تتحدث عن اى موضوع ترى انه يوصل فكرتك للناس وان تطرح اى مشكلة تخصك بثوب اخر ربما تجد الحل او الراى السديد من المنتدى ومن يدرى : ترى الرجل الضعيف فتذدريه * وفى اثوابه اسد هصور ،،،،،،،،،،،
من حديثك اعلاه تطلب من اصدقاء راشد الاوفياء الوقوف معك ، هذا يعنى انك تريد الاستمرار فى المنتدى لانك ان اردت الانسحاب لكنت اختفيت بمحض ارادتك ولكن لك الرغبه فى التفاعل والتواصل وربما لك الكثير يثور فى داخلك من ابداعات لم تستطع رسمها فى حمية الغضب والتاثر من راى الاعضاء عما تكتب ولكن هذا لا يمنع المحاولة مرة واخرى ، وبمقدروك الدخول باى اسم اخر كما ذكرت ولكن ان تشابه النهج الذى تنتهجه بما كتبت فلن تجد القبول وهذا شئ طبيعى ، ولكن صدقنى ان كتبت بنفس طيبة وبعيدة عن التذمر والشكوى ربما تكون من الاعضاء البارزين فى يوم ما وتقول لنا بالصوت العالى انا رااااااااااااااااااشد .

اقدم لك طلبا لدى العزيز طائر النورس (من عفى واصلح فاجره على الله ) والناس بتعفى الرقبة ونحن الان امام سوء تفاهم بين اخوة جمعتنا معهم الايام فى هدأة الرياح ، وحتى يكون المنتدى رائدا كما نريد ارجو منك عزيزى طائر النورس نسيان الماضى ولنكن اولاد اليوم وبكره وان تسامح اخوك راشد .
وطلب للمشرف العام وكل الاعضاء من كتب ومن لم بكتب ان تصفحو عنه ولياخذ فرصة اخرى وكلنا نخطئ .
حقيقة كان بامكانى تقديم هذه الطلبات كرسائل خاصة او فى منتدى المشرفين ولكن ارتأيت ان اطرحها هنا لعلى اجد اصوات تؤيد فكرتى وطلبى هذا ، والعترة تصلح المشية .
رجاء لا تردو طلبى واعطوه فرصة اخيرة ودمتم ..

selvister · 03-03-2005, 15:55

والله كلامك في محلو يا بلبل وانا معك ممكن نديك فرصة يا راشد

بشرط

ان تثبت وجودك

وتضيف موضوع في المنتدى العام بعنوان (( إعتزار إلى طائر النورس ))

وتشرح موقفك بشجاعة وتكتب اي حاجة تانية فيهو لاكن بصراحة

وهل انت حاسي بالذنب ام مصر على موقفك وشايف انك انت صح؟

هذة عناوين للموضوع ال حتضيفو في المنتدى العام

ونسأل الله ان يهدء النفوس

ونحن نشهد لطائر النورس بأنه منارة سامقة بين صفحات عشاق السودان

دمت لنا يا طائر النورس ودامت إبداعاتك

شكسبير · 03-03-2005, 17:14

انا حقيه مع البلبل لازم تتدوه فرصه اخير ةوايضا اعاتب(راشد) او(رشاد)انت اذ رئيت انك مظلوم لازم تواه طائر النورس لكن ما بهذه
الصوره و مافى داعى انك تخترق اميلو وايضا مافى داعى انك تشوه سمعتو ولو افترطنا ان طائر النورس عمل كده فايتو شنو؟
هل لديك سابق معرفه به؟ هل لديك عداوى معه؟ اى سؤال بصرح نفسو
و اناشد طائر النورس وادارة امنتدى ان تصفح عنه
تحياتى واعتزارى موصل ال طائر النورس

رشاد · 05-03-2005, 00:37

بسم الله الرحمن الرحيم

السلام عليكم ورحمة الله اما بعد من راشد الى كل اعضاء المنتدى فلقد بلغتنى جميع الردود ولقد قراتهاء قراءة تمعن ولقد وجدتها تفتقر الى الادله الاسلاميه وان وجدة الادله فهي قد وضعت فى غير محلها وانا اليوم اريد ان ارد على كل من ارسل الى رساله وسوف اتناولها كالاتى:

الرد الاول الى طاير النورس: كل طائر ارتفع كما طار وقع

الكمال لله وحده هذا ردا على احد النقاط .

مشرفى سودابست الكرام يبدوا انكم قد انغمستم فى جريمه كبرى اشرككم فيها الشيطان (طائر النورس) مع احترامى الى جميع انواع الشياطين السفليه والاباليس.دون ان تدروا عنها شيئا واظن انى لم اخطى عندما وصفته بالديكتاتورى لانى لم افهم مساندة مشرفين المنتدى له واعتقد انه قد سلب عقولكم واوهمكم بفكره السيئ عنى وذللك مم جعلكم تساندوه على رسالته الغريبه .
نجى لى مساله المنتدى المحترم(رقيص عروس) يا طائر النورس اريد ان اسالك سؤال لا تحتاج اجابته الى تكلف اذا حقيقتاً
كنت مسلم تؤمن الله هل ترضى ان تعرض شريط حفل زفاف اختك او واحده من اقربايك
نواصل