نحن هنا في بلاد الغربه نعاني من مشكله العزوبه والانوسه وذالك لعدم استطاعت الجنسين من الالتقاء والتعرف علي البعض علاما باننا نمكس فترات طويله دون زيارة الوطن الرجاء المشاركه بطرح حلول لهذه القضيه الخطيره
الغربة كما قل عنها هؤلا الشباب
ليست صعبة معزم الشباب ذهبوا بدون دراسة اوهدف معين لذالك كانت صعبة عندهم
اولا شباب اليوم يبحسوا عن الحرية خارج حدود الوطن ثم عشباءهم بلثقافة الغربية
وعدم المسؤلية هى المشكلة الرئسية
كم منهم ااتبؤا هوى النفس
وفيهم من يريد عمل فى المكاتب
الاجارات
طرقت موضوع متشعب وخطير وأقول خطير لان ضحاياه ابناء الغربة من الجنسين اولا ناس الداخل بينظروا ليهم على أنهم ناس ما بيقدروا على الحياة بصعابها وتعودا على الراحات والعيشة السهلة والتي في متناول اليد متناسين أنه الغربة ذات نفسها واقع فرض عليهم .
ثانيا نحن ذاتنا بنكون في الغربة دي بتأخذنا الحياة التي نجدها في الدولة التي فيها سواء كانت اجنبية أو عربية وللاسف بننجرف وراء الحياة الجديده متناسين انه لازم العوده للسودان والعيشه فيه بالتالي بيحصل لينا صدمه ، يعني مثلا البنت عندك في الغربة بتكون تعودت على حياة رتيبة مملة جدا في السودان الحياة دي ما بتلاقيها مهما كان وضعها حتى لو كانت غنية لانه السودان غير والاسواء من كده أمهات البنات ذات أنفسهم ما بيعودوا بناتهم على حياة السودان وتهئ بنتها لتكون ست بيت لما تتزوج بالعكس الواحده فيهم تربي بنتها على أنها حا تقعد على طول في الغربة أو حا تلقى نفس مميزات الغربة المعيشية بالسودان يعني البنت تلاقيها تنوم لحد الساعة 1 بعد الظهر تقوم تتغدي وتفطر في آن واحد ثم تنام مرة أخرى أو تقعد تشاهد القنوات وما ادراك ما القنوات وبعد فتره تشوفي لهجتها تغيرت وأسلوب حياتها تغير وأصبحت تقولي من نفس الدوله التي تعيش فيها .
بالتالي بتكون عائشة في حلم وردي خااااااااااااااادع واذا الحظ ساعدها وتقدم ليها عريس تظن أنها ملكة الكون وتقول ليك هي عاوزه تقرأ وعاوزه الشي الفلاني وعاوزه وعاوزه ولما تبدأ مشروع القراية وتمشي السودان وتشوف البنات على الطبيعة واحتمال يكونوا اجمل منها مليون مرة تبدأ تراجع في نفسها وتكوس للشخص الذي تقدم لها ولكن بعد ايه لما تكون قد فقدت نكهتها التي كانت عليها .
أما الاولاد فحدث ولا حرج جولات وسلاسل في الرقبه وتخنيث الولد اشبه بالبنت تسأله عن بلده ما يقدر يعرف ليك فيها حاجة ويتكلمون لهجة البلد العايشين فيها والولد ينوم ليك لحد الساعة 5 او 6 مساء والاب والام ملهيين عنه الوالد في جمع المال وبناية العمارات الشاقهة وزيادة الرصيد في البنك والام بشراء الذهب والثياب والفساتين والمباهاة في الفارغة .
بتحدث مع دكتور زراعي هنا في مدينة الرياض بالسعودية وكان نقاشنا دائر في هذه الصفة فقال لي انه الان بناته وداهم السودان عشان يقروا بالسودان وانا عارف انه زول مقتدر يمكن يقريهم في لندن او غيرها ولكن نظريته في الامر ان يتعود البنات على حياة السودان ويتعرفوا على اهليهم ويعيشوا وسطهم وقال لي بالحرف الواحد ان تتعرف البنت على من سيكون شريك حياتها وتعرف بانه الغربة ولا انا ما دائمين ليها . لماذا لا نكون كلنا في وعي هذا الرجل ؟ ولماذا الولد والبنت عندما يكونوا في الغربة يتطبعوا بيها وينسوا انهم من بلد حتى الغني فيه فقير ؟
حقيقة موضوعك حيوي جدا .
التوقيع
وأوصي عيوني تحكيلك .. عسى تقدر توفيلك ..
ريدة زول صبح عايش ..
مناهو وحلمو بي إنتي ما غيرك ..
مناهو تقدري وتوعي لنظراتو .. وتصاويرو .. وتعابيرو ..
مناهو تكوني في ليلو .. نجم ساطع يضويلو ..
الاخ/mony4422 اولا انت طرحت قضية خطيرة جدا جدا خصوصا انك في الغربة بتكون كلك رغبة بأن شريكك يكون من نفس بلدك الاصلي ويجري في عروقه نفس دمك ومعاك في الكبيرة والصغيرة صدقني مش بس الراجل بس اللي بيفكر انه لو ما اتزوج من بلده ما حيكون مرتاح نحنا البنات الحكاية دي بالنسبة لينا اصعب مما تتخيل خصوصا وان كل فتاة بأبيها " السوداني" معجبة حقيقة الموضوع منتهى الخطورة ما بنكر ان بعض الحالات من الزواج بغير السودانيين نحجت إلا انها كانت نهاية الطريق لبداية فقد الهوية السودانية وربنا يستر ما ينطبق علينا الكلام بالاضافة لكده ارد على الاخ عمري انا اللي مشى حتة بعيدة شديد في الموضوع ما تفتكر ان السوداني لو ما مشى السودان نهائي ما بيعرف الكسرا والملاح لان الصاج في حتى ولو كان بالكهرباء لكين بيعمل كسرا والعرق بيمد لسابع جد وما تفتكر ان المساكين اللي اتحرموا من انهم يلعبوا مع حبوبة ما ناقصاهم حاجة لان في كل بلد الزول عنده عمو وخالو وجدو و اهله انت لما ديل كلهم تكون بعيد عنهم وما بتعرفهم نهائي إلا بالاسم تفتكر حالك حتكون كيف
تصور كيف تكون الحالة لو ما كنت سوداني واهل الحارة ما اهلي منار
والله القضيه خطيره لانها بتمثل الحنين الى شخص من نفس
الوطن من نفس الاهتمامات ... وتأمل ان ترتبط به ... حتى
تستقر ... ويكون شريك حياتك في غربتك يؤازرك ويونسك ...
الدافع الرئيسي للغربة انو السودان ده مابينفع للعيشة فخليك في غربتك احسن ولمن داير تتزوج تعال السودان إجازة وشيل مرتك واارجع احسن ليك ياخي خليك من كلام الجرايد ,,,,
:11ight: طيب شوفتو الحل شنو اي حد طرح موضوعو و Mony قال الفكرة وهي حقيقة مزعجة جداً خاصة للناس الفي KSA وزي ما بقولو المشكلة في العنوسة بقت حتى في الخارج والظاهرة خطيرة بس الناس ترجع للطبيعة السمحة وتعاليم الدين وتعاليم اهلنا لانو معظم الحالات التي تم فيها القاء مع الشباب والشابات كانت في ظروف ضيقة وتحت ضغوط نفسية واجتماعية كبيرة على الجنسين وبالتالي كانت أول ما تسنح فرصة يتوغل الاثنان في موضوع الزواج رغم التساهيل ( استراحة ، وفنان ، وشنطة ) ولكن الاخطر يكون عند القاء مع بعض فتظهر كثير من الاختلافات والتعقيدات ( الجوال ÷ الاتصل بيك منو + وده منو الجاك بيعرفك من وين ) وكلها نتيجة لتعقيدات الزوج أو الزوجة ( النوم ما بسوي الفطور + الغداء جيبو معاك وانت جاي من الشغل + العشاء في مطعم ) والنوم لساعات طويلة ))) طبعاً خلونا واقعيين ياجماعة ونحكي بي كل صراحة ما هو موضوع حساس واي فكرة فيهو ممكن الاستفادة منها وانا بنقل ليكم بعض ما حصل مع ابناء اهلي واصدقائي ليه دائما نسبة الفشل كبيرة رغم بعض النجاحات ؟؟؟؟ كل يدلو بدلوه في حل القضايا ووضع الافكار والحلول بس بصورة واقعية وطبيعية وياريت تكون عن تجربة عشان نقدر نستفيد .....ًًًًً
ياشباب موضوع mony ده ماساهل
شوفو الحل شنو وهو واضح وصريح قال ليكم
(مشكله العزوبه والانوسه وذالك لعدم استطاعت الجنسين من الالتقاء والتعرف علي البعض)
انا بقول حل نفتح باب التعارف الجاد للجنسين
التوقيع
أمي أنا
علمتني كيف يغدو الطهر رمزاً للعفاف
وستراً للحياة من إبتزال
أمي أنا
[/img]
العرض العادي
