مليتى المسام فقتى الجراح (قصيدة)

البلبل المغترب · 02-03-2005, 20:38

زىما عرفتك بى طريق * زى ما هو جمعنا الزحام
حفضل اشيل صورتك معاى * انا ما بهزنى وش كلام
بختار رفاق وحبيب براى * والعين معاك عرفت فطام
مالياها بى حلم الشعور * وزيادة زى دفق الغمــــام
لمن يفيض النيل جسور * ياهه القناعه الفى الغــــرام
لو يوم تدخلت الحروف * شان تلقى فى الانهـــــــزام
مهزومة يا نور العيون * شان انتى مالياها المســام
والدنيا بى كلمة سماح * عشناها يا بدر التمـــــــام
وبتحدى بيك عنف الرياح * لو يوم تمادت فى الحرام
وكل المعانى مع الجراح * تفرض حماية على الدوام
لو رشو وجهك بالرزاز * بحميك وبى دم الغـــــــــرام
وفيك وفى ناسا عزاز * والله ما برضى الكلام
والله ما بصبح ملام لو رشو وجهك بالرزاز
صدقنى ما بصبح ملام
ما بصبح ملام ]

nahid · 03-03-2005, 14:48

كلماتك شفافه مثل شفافيه روحك دمت لنا قلما محبا نابض بكل ماهو جميل في زمن انعدمت فيه المعاني وصار القهر هو مصيرنا دمت لنا حبا وقلبا واحساس

**طائر النورس** · 03-03-2005, 17:16

بلبلنا المغترب

كلماتك عادت بى الى عصر العمق الحسى والبعد الانسانى المنساب من بينات الحنايا والمتدفق فى جدول الامنيات العريضة والصادقة ... لقد سطرت لنا شئ من البوح المكتوم بداخلك فأتانا ورش وجهنا ( برزاز ) الروعة ...
وقفة صغيرة : تعرف يالبلبل المغترب كلماتك دى وانا اقرأها تخيلتها متغناه وتخيلت ان المبدع ( زيدان ابراهيم ) يغنيها ... اهى خاطرة جالت بخاطرى ..!!!

دمت لنا ياحبيب

شكسبير · 03-03-2005, 18:14

لسانك لم ينطق حرام ولا هواى
وشعرك لم يضمم كلاما مفندا
وحسبك من الشعر الحلال قصائد
نطقت بهاتبقى اذ لفنى الردى
دمت لنل نبراسا واخا

الحاج متولى · 03-03-2005, 20:36

الاخ الرائع
البلبل المغترب
كليمات
موزونات
* * *
مقولات
مجنونات
***
اعدها
لنا
فى شكل
كبسولات
***
لنسقى منها
عليل الحب