المغتربون مجرمون

Khalid khidir · 28-02-2005, 14:03

اولا لا تتعجب للعنوان فانا نفسي مغترب و مجرم ، اذا سالت كيف ؟؟ اقول لك : على الرغم من المعناة الحقيقية في الغربة ودفع الضرائب و الزكاة و ضريبة الدفاع و الهجوم و الوسط و اشياء كثيرة لا ندري عنها ( موظف الضرائب بعد ما يعبي الايصال تمام و يغلبو يكتب شنو ! يقوم يكتب ليك اخرى و قدامها 75 ريال ، واتمنى من اشطر شطار السودان يوريني معنى كلمة( اخرى) دي ) المهم بعد كل هذه المدفوعات الخرافية و دعمنا و مساعدتنا لاهلنا في السودان – و كل مغترب فاتح من بيتين الى ثلاثة – على الرغم من كل هذا عندما يكون لدي المغترب ابن يريد ان يلتحق بالجامعة يعامل معاملة اجنبي من رسوم و طريقة المنافسة ، ومن ثم الخطط الاسكانية التي يتحصل عليها المتواجدين بالسودان و لا اي نصيب للمغتربين فيها ، و من ثم اذا كنت راجل راجع ادارة المغتربين بالخرطوم للتأكد تماما بانك مجرم و ان موظفي ادارة المغتربين يعملون جاهدين لايجاد الدليل لادانتك ، الا تتفقون معي بان نظام الحليفة في جهاز المغتربين دليل على ضعف النظام الاداري ، و نظام المعلومات ،، انا تعبت و اتمنى واحد من الاخوة المغتربين يكمل ،،،،،،،،،،

ود لطفى · 28-02-2005, 23:41