|
وماحأقدر..
وهج الوصول إحساسي بيك..
نبض الكلام المنى ليك..
شوفة.. شروق تسطع بروق
ترحل.. تسافر
لعينيك ..
العزيز طائر النورس احاول ان اجراى فيك روح الابداع او قل احاول اشارك معاك على الموسيقى والقافية ونبقى سوا
ارجو ان اكون عبرت عن جمال ما كتبت بهذه الابيات ، وهى جاءت عفو الخاطر بعد الاندهاش من روعتك
وجع النزيف الفى فيك * روح التعب والانكسار
جفت حلوقنا من الغنى
ورجعت طيور الارتعاش * بعد الطشاش لى مقلتيك
حاول ومرارة الاغتراب فى جوفك المحروق سنين
تفضل تنازع فى الافق * طيرك يحلق فى اندهاش
ليه ما حتقدر تقنع الغيم الهرب سكن الترب
ليه ما تقاوم حدة السيف المرق كاييس الكرب
زيك هرتنى المسكنة * ورحلت طيور الازمنة
من بين ايديـــــــــــــــــــــــــــــــــــــك
انكسار الروح وكت جاها الحنين قلبها انشطار
وين الغناوى القاله فنان فى القطار
وكتين سرح مزمار هواى وهواك سوا
وين الحجا الزمن الطفولة الشيطنة
وانا وانت للايام دوا
وين الحبيب وكت النحيب غطى الدموع فوق العصار
وانا دون رفيق راجى القطا
مستنى النوارس لو تحلق فى السماوات تحجبها
عين الشمس من الرمد وانوم براى * فى ضل نخيلة مخدرة
وارجع اليك واطلب عينيك
والقاك معاى فى دفة الحزن الركب موج الترف متحكرة
وانده عليك وحياة عينيك
انتى لى وانا برضى ليك
|
احبتى بالمنتدى ( ماااااااااحأقدر ) !!!
