|
زولة وصدفة فى عيد الحب
بتخيلك وحا ارسمك بى قافية بى وتر القلب راح اعزفك
غنيوة فى الزمن الرماد وبلحنك
وبهديها لى كل المحبين والعذارى التشبهك
بتخيلك فيضان من التحنان بغرق
لى وليد فى الغربة تايه وقابلك
اسراب طيور جنحاته تهدل بين غمام تتوسلك
شان تسمع الصوت الحلو صوتاً يدفى من البرد يتمثلك
كل البيكتب فى الشعر وكل البيرجف يرتعد يتخيلك
زى شمعة بانت فى الظلام وكتين ضلوعك يا غرام
طلعت حروفها من المسام واهدتنى صوته مع احتلام
بالزوق بتهمسى يا سلام ** مين المعايا مرحب ترديهو السلام
فى اللحظة ديك بتخيلك وبتخيلك **
حتكونى معرفة فى الزمن حتكونى سوسنة فى الوطن
راجيانى فى الروح انتظار تترقب الليل والمطار
طبعا خيال شعرى المهدد بالدمار
يجنح مع خيل الهوى جاييك نهار
نتلاقى فى الزمن الحقيقة واعرفك
وبقيت فى الخاطر خيال * وعرفت انو حا اعرفك
وسمعت صوتك وبحتك ومن صوت كمنجات رنتك
الدنيا ليل وانا عبر الهواتف اسمعك واتخيلك ،،
واتلبسك وشيطان غناى بترصدك
فيض من حنان الدنيا فيك * لون من شعاع القمرة فيك
سحر الغزال فى ضو عينيك * لون القمح شايك يجيك
وقوام محنة بخلى كل الدنيا رنه وتبقى جنه وكت مشيك
وكفاية روحك فى الوصف وحضورك لطاغى الرهيب
وكفاية زوقك والفتك فضلت فى جوف قلبى الحبيب
وده كلو فى لحظة خيال بتخيلك قبال اشوف واعرفك
وراح ارسمك لمن اجيك يا رب بتشبهى لى الضياء
ولة الجمال هو البشبهك
|
العرض العادي