قصة باص الحصاية " اقروها وادوني رايكم "

دبوره · 11-02-2005, 11:53

مرة في باص الحصاية
راكبة بت كان سمحه ايه
لا بسة فستان المدارس
ولابسة بي فوقو العباية
لما دابه السمحة ركبت
دابا في او ل بداية
قامو ناس الداخلة ضهبو
وركبو في باص الحصاية
وحتى باص الشرقي فاضي
وناسو ركبو مع هناية
***
والمساعد قام يكورك
يلا اطلع ديل كفاية
وحتى سواقنا القيافا
ساعه يوزن في المراية
لما المساعد قام يطقطق
وبادي من اول بداية
قامو ناس الباص يشابو
قصدهم يدفعو لي هنايه
الا قام دفعت هناية
وقالتلو داك الزول معايه
اتلخبطة واتطرطشت واتجهجهت
وقلت يبقى اخوها ولا زميل قرايه
ولا يكون زول ورايه
وقمت اتفلت ورايه ولقيت
نفسي قاعد في النهاية
وانا كنت قاعد في النهاية

(( وطلعت شبهاني علي واحد قريبا ))

«®°·.¸.•°°·.¸¸.•°°·.¸.•°®»

nahid · 12-02-2005, 16:09

باص الحصايه لكن ماباص الهنا تفتكر يادبوره الزمن ده في بنات كده زمن البنات الخيال انتهي وجاء زمن البنات الواقع

البلبل المغترب · 13-02-2005, 12:09

دبورة يا ايها الناضح تمرا وقنديلة كلامك جميل وقوى ومعبر وحلو رغم انها قصية فكاهية لكن الخيال والنظم جميلين فيها ،، تحياتى