 عيب علينا 

مشمشه · 08-02-2005, 22:12

السلام عليكم احبائي

في الحقيقه انا مستغربه
كيف تكون بداية السنه الهجريه بعد يوم
ومافي زول فينا عارف عنها حاجه

مع إنو كنا عارفين بداية السنه الافرنجيه
ومستنينها بفارغ الصبر
وكل زول كان عامل ليه برنامج في الليله ديك

احبائي انا مادايره الومكوم واعاتبكم
عشان ماتذكرتو بداية السنه الهجريه
وما تفتكرو إن انا احسن منكم بتذكرها ومهتمه بيها
انا لولا الصدف ماكان إفتكرتها

انا بس عايزه الفت نظركم للحاله اللي إحنا فيها

يلا سلام
وكل عام وإنتو بخير

ود لطفى · 08-02-2005, 23:34

**طارق** · 09-02-2005, 10:28

الاخت مشمشه ....

ليس بعيد علينا بعد الاحتفال بعيد الميلاد والهيصه والمعارك البتدور في شوارع الخرطوم في ذاك اليوم ....
والرغبه القاتله في شبابنا في التغيير ومجاراة الغرب في كل شئ ... بافتعال هواية التقليد .. في كل شئ ...
حتى نكون في احسن وجهه ... بافضل جهه مقلده ... حتى نفرح ونمرح ... لانهم يفعلون .....

مع انه السنه الهجريه زي السنه الميلاديه ..... ولكن اختلف الناس المسلمين .. نسوا اصلهم ... واتجهوا للفرع ...
بكل حذافيره ..... حتى تكون الامه في تقليد جميل .. وفرحه مصطنعه ....

والسلام ...

**طائر النورس** · 09-02-2005, 16:36

اختى الجبيبة مشمشة
اولاً احييك على واخلع لك القبعة احتراماً على شجاعتك وصراحتك مع نفسك ومعنا ... لذكرك ( وما تفتكرو إن انا احسن منكم بتذكرها ومهتمه بيها انا لولا الصدف ماكان إفتكرتها ) ... فعلاً نحن ليس احسن منك حالاً فتذكرنا لرأس السنة الهجرية لايكون الا قبلها بيوم او بأثنين وبنعرفها لمن واحد يقول ليك طبعاً بعد بكرة اجازة فتقول ليه ليه ؟ فيقول ليك مارأس السنة الهجرية ... عندها فقط نعرف انها فى ذلك اليوم .... وانا ارجع هذا الجهل منا بمعرفة رأس السنة لعدة اسباب الخصها فى الآتى :
اول حاجة نمسكها من الدولة التى تعتمد السنة الميلادية فى كل تعاملاتها التاريخية مع انها دولة اسلامية وقال بتنادى بتطبيق الشريعة الاسلامية ..
ثانياً ان شبابنا العربى عامة وشبابنا فى السودان على وجه الخصوص يحب الظواهر الاحتفالية ويحب ان يخلق له اى شئ لكى يحتفل به يعنى كان ناس ( كديستهم ولدت ) بفكروا يعملوا ليها حفلة سماية .... وذلك لان المواعين التى تنصب فيها طاقات الشباب والتنفيث عن فورانه وعنفوانه بالصورة الصحيحة تكاد تكون معدومة فلذلك بيلجأ الى اى مظاهرة احتفالية وبكون التعبير عنها بصورة قوية لدرجة انها مرات بتخرجهم عن الخط السليم ... عندك مثلاً مولد الرسول ( ص ) ومع ان الكثيرين بيعتبروه بدعة الا ان الشباب بيتقاطروا عليه للاحتفال به افراداً وجماعات وذلك لمظاهر ( النوبات ) ( والزكر ) والاحتفاليات الكثيرة التى تصاحبه ..
ثالثاً شبابنا بحبوا تقليد الغرب فى كل شئ يعنى بشوفوا الغرب بيعمل شنو وبنعمل وراه لدرجة اننا ( بنشترها ) بعض المرات يعنى انا متأكد لو الغرب قرر ان يحتفل (بليلة رأس السنة الهجرية ) بكرة بتلاقى كل شباب العرب بيحتفلوا بيها وذلك لانا كعرب عامة منقادين وليس لدينا روح القيادة ...
همسة صغيرة اخيرة ... لماذا لانتبادل التهانى مع بعضنا البعض فى ليلة رأس السنة الهجرية ( وهذا اضعف الايمان ) ...

مع حبى

كركوج · 09-02-2005, 17:17

العمه مشمشه

تحياتى لكى وبكل صراحه حينما قرأت ما أعلاه شعرت وبكل صدق أن شيئا قد انتا بنى من الخوف ليس لأنني نسيت نهاية السنه الهجريه ولكن ماذا فعلت في هذه السنه التى هي علي عتباتها الأخيرة ففيها رجب وفيها شعبان وأعظم الشهور عند الله رمضان وفيها كل ما لا يتمناه الشيطان .
ونسأل الله أن يجعلكى لنا فى حفظه ورعايته

مشمشه · 10-02-2005, 08:43

الاخ العزيز ود لطفي
إحنا فعلآ مرات بنكون مشغولين شديد وبنتلخبط في الايام
ومع ده كلو عمرنا ما فوتنا الإحتفال برأس السنه الميلاديه

اخي ءعابر سبيل
شبابنا عنده الرغبه في تقليد الغرب لانو مالاقين ليهم عربي يقلدو
ما عندهم مثل اعلي يمشو علي خطواطه
كل الي كانو قدوة للعرب ماتو
والتاريخ كمان ما معاهم
وحتي لو عايشين
هم زاتهم مابعيد يكونو قلدو الغرب
اخي المشكله ا مشكله جيل الشباب
المشكه هي مشكلة العرب كلهم
باين إنها جينات وراثيه
مشكلة العرب إنهم بحبو الراحات بحاكو بس لكن مابعرفو يعملو حاجه براهم
لازم زول يخوض التجربه قبليهم .... لو نجحت خلاص بعملو اسيادها
اخي اتحداك حسي لو بوش وشعبه حبو يجاملونا ويحتفلو بسنتنا الهجريه
تاني مافي زول بنسي اليوم داك

مشمشه · 10-02-2005, 09:37

الغالي نورس

اخي مشكور علي التحية ... بس خلع القبعه ده كثير علينا
وبما إنك جبت سيرة الشجاعه والصراحه
انا حتشجع وقول بكل صراحه اني انا ماعارفه دي سنة كم هجريه
ياريت لو عارفين توروني

اخي ليه دائمآ الوم بيكون علي الشباب
إيه هو ذنب الشباب إذا كان الحكومه هي اللي بتحدد التقويم اللي لازم تمشي عليه الدوله زي ما قلت
إيه هو ذنب الشباب إذا كان عايز يفرق عن نفسه من الهم والمشاكل والاخبار المحزنه اللي بيسمعها كل يوم
مشاكل كثيره حولو وما بإيده يعمل حاجه
احسن ليه يفرق عن نفسه بدل مايموت بهمه
الكثير من الناس يفتكر إن الشباب مامنهم اي فائده .... كل همهم إنهم يلبسو وينبسطو
لكن الحقيقه إنو كثير من الشباب نفسهم يعملو شئ يفيدهم ويفيد غيرهم
لكن ماعارفين من وين يبدو ومافي هناك من يدلهم

عمو كركوج
فعلآ في السنه الهجريه ممكن نكسب حسنات في كل شهر منها
باشياء بسيطه نعملها في ايام محدده
زي صيام بعض الايام ... غير ايام رمضان
مثل يوم عاشورا ويوم عرفه وغيرها من الايام
لو كنا بنتذكر الايام والشهور الفضيله دي وصمناها
او قرأنا فيها قرأن .... كان كتاب حسناتنا تقل شويه
تخيلو معاي ديل كم سنه مرو من غير ما نصوم فيهم يوم زياده علي ايام رمضان
وكم يوم مرو من غير ما نقراء فيه اي اية من القرأن ازيد من البنقرأه في صلواتنا الخمسه
after all
السنه الهجريه مش مجرد سنه بتمر بايامها وشهورها

ادعو الله ان يجعلنا دائمآ علي صراته المستقيم
وان يهدينا إلي فعل الخير
لانفسنا وللغير

تحياتي وحبي لكم