|
النهــــــــــــــــــــــاية
[poem=font="Arial,6,white,bold,normal" bkcolor="transparent" bkimage="backgrounds/32.gif" border="double,6,red" type=0 line=0 align=center use=ex num="0,black"]
رغم صبري الصابروا ليك وحاضنو بين مو ج البحر
كنت حاسي بأنو الزمن جاى وفى كفو شايل لي قدر
لأنى عارف انو حظى دايماً ماشي في درباً خطر
ليه يازمن قدرك معاى طول الدهر
ليه يا عزاب حارمنى من أجمل زهر
أحلام جميله مغننه مزوفه بس نغمة وتر
مليانه حب جواها ريد كاسيها بي ضو القمر
والنيل عشانك يا جميله فاض وشبّع ونحسر
خضّر الزرع اليبس الراجى كان ريحة المطر
والطير غشاكي مع الصباح داعبك في خصل الشعر
والنسمه فاحت بي ضياك وعطرت كل البشر
وفى حقيقه بقولا ليك راضعاها من زمن الصغر
انك اصيله وفيك دنيا من الخيال وبعد كامل في النظر
عشان ده كلو اخترتك انتى وتكفيني بس لمحة بصر
بكلامي القلتو ليك وردك المليان عِبر
أحلامى ضاعت فى هواك وسافر الحب وهجر
بي كل عزابي الشفتو فيهو رافقني في لحظات سمر
سافر رفيق دربي الوحيد وخلان في وحده وضجر
اصبحته زى زولاً عطش شاف السراب ظانو البحر
وفضل يجري ويجري ويبكي في كل نهاية ويشكي لي ربو القدر
لكنوا مات ومات غريق في جوف البحر
ما غريب الموت علينا ولا غريب حتى السفر
لكن غريب حبي ليك الأصلو ما أظنو انكسر
|
العرض العادي
