|
قــــــــــــــــــــــــــــــــداره
[poem=font="Simplified Arabic,6,white,bold,normal" bkcolor="transparent" bkimage="backgrounds/10.gif" border="double,4,red" type=0 line=0 align=center use=ex num="0,black"]
كل منُاى إنك تصافحيني ونعيش احلامنا في كل يوم
نلف الدنيا في عاطفة ونعود من تاني للخرطوم
تغازليني وأغازلك بي شعر منظوم
وأقول ياريت كنت ألازرق الوهاج وكنتي الأبيض المرسوم
نتلاقا ونكون نيل نفيض ونفيض ونسقى جناين الباوقه والمزموم
ونموج متل موجاً بيعزف غنوة لطفلة دايره النوم
ونصفق صفقه شايقيه لى وزاً بيعلم فوق صغارو العوم
وتمشي بعيد وأمشي بعيد نلم الطين ونتجادع نكمل كوم
بعد ما تنتهي الاكوام نشيل المويه نتبلل ونرتاح فوق ضليل الدوم
حقيقه الدنيا قدر وعايزاني اعيش محروم
* * *
كتمته جواى حول وره حول شبعته الم غرقته هموم
يئسته خلاص حكمته حكم علي نفسي أموت مسموم أموت معدوم
يقولو الناس ده كان عاشق حليلك إنت يالمرحوم
وما هماك داك الزول يموت ويموت عديمة حس وراجع ليك انتي اللوم
زمان الناس بتعرف كيف تقدر قيمة العاشق المهموم
وهسه بقت تقول انسك ده زول موهوم
صحييييح موهوم لأني لبسته توباً في الحلم معدوم
وليكي اليوم
|
العرض العادي
