اعتزال
[poem=font="Simplified Arabic,6,white,normal,normal" bkcolor="transparent" bkimage="backgrounds/3.gif" border="none,4,gray" type=0 line=0 align=center use=ex num="0,black"]
من غير زعل
رغم الظروف القاسيه ديك عاوز اصل
كان قصـــدى بس بزرة امــــــــل
اطفيبا حريق دفين فى الجوف اشتعل
وأحقق الحلم الجميل البانى من زمن الجهل
لكن خلاص قلبي الجريح قام اغتسل
تاب ورجع من غفوتو والفات حصل
حاضنك سنين في دنيتو من غير ملل
ضاق العزاب ضاق وأحتمل من غير زعل
حتى القمر الكان زمان غاير عليك ولابسوالخجل
لملم نجومو وغاب أفل
والزهور الضاحكه لى مطراً هطل
كانت زهيه نديه بيبسمتك ورويانه طل
شبعت هجير من قسوتك شالا الجفاف وارتحل
والكنار الزافى ليك درر الغنى سافر جفل
والجريد الكان بلاحق فوق كتيفك طلقو النخل
من غير زعل
* * *
كنت قايل نفسي قيس داك البطل
وانتي ليلى الأشفي من عسل النحل
أحلام جميله حلمته زيطاير محلق فى زحل
لكن خلاص قلبي الجريح قام اغتسل
واصدر كمان مرسوم عديل انو اعتزل
من غير زعـــــــــــــــــــــــــــــــل.
|
العرض العادي
