|
ســــــــلام يُمــــه
[poem=font="Simplified Arabic,4,white,normal,normal" bkcolor="white" bkimage="backgrounds/10.gif" border="double,4,red" type=0 line=0 align=center use=ex num="0,black"]
أمى سلام
سلام يا بحر الحنان ياأجمل اشواقى الشجان
فيك تتجمع عواطف نابعه من قلباً ملان
بى محبة كل فقير وبى احاسيس الجعان
دائماً اتزكر مشاعرك يوم اروح في كل مكان
واسمع الصوت الحنيٌن جاى من طرف اللسان
فيهو اجمل نغمه طالعه فيهو بسمع صوت اذان
يوم اشوفك ..يوم سعادتى .. وتبقى لى حنه وجنان
يمه دايرك داير احضنك ..داير اضوق طعم الحنان
داير أعيش فى الدنيا زاهد فى طريق بمشي ريان
مانى عارف بكره قاعد بكره ماشي ماهو حال الدنيا فان
بحلم بيك يمه وبصحه فى عز الليالِ
بقعد احسب فى النجوم عايز اشوفك فى الوصال
مرات بشوف فوق نجمه وشك مرات بقول ماده الخيال
عاوز يتوهنى الخيال بين الجبال
لكن بصر اني شفتك وشفته من شعرك خصال
فيك انتى وفى بنات نعش الجمال
وفى عيونك برقه لامعه.... لامعه زى مقل الغزال
ومن خدودك طالعة نسمه .. أعلى من طول الجبال
وختامى يمه فيهو وصايا طوال
بيها تلقى الحسنه وعشره في الحسنه المثال
انك تداومى فى التواصل والوصال
وأوعه تغتابي وتنمني فيها بتكتب المحال
وأدى الصلاة فى وقتها وفى جميع انواع الحال
وليك برسل اجمل تحياتى الجزال
ابنك كركوج
|
العرض العادي
