[7la1=66FF99]
الف ليلة وليلة
كلمات مرسى جميل عزيز
الحان بليغ حمدى
[/7la1]
يا حبيبى .. الليل وسماه .. ونجومه وقمره .. قمره وسهره
وأنت وأنا.. يا حبيبى أنا .. يا حياتى أنا
كلنا .. كلنا .. فى ألحب سوا .. والهوى .. آه منه الهوى
سهران الهوى .. يسقينا ألهنا .. ويقول بإلهنا
ياحبيبى.. يا اللا نعيش فى عيون الليل
ونقول للشمس تعالى تعالى بعد سنه .. مش قبل سنة
دى ليله حب حلوة بألف ليلة وليلة..
بكل العمر.. هوالعمر إيه غير ليله زى الليلة
***
إزاى اوصف لك يا حبيبى أزاى .. قبل ما احبك كنت إزاى
كنت ولا امبارح فاكراه .. ولا عندى بكره أستناه..
ولا حتى يومى عايشاه..
خدتنى بالحب فى غمضة عين .. وريتنى حلاوة الأيام فين..
الليل بعد ما كان غربه مليته أمان
والعمر اللى كان صحرا أصبح بستان
ياحبيبى .. ياللا نعيش فى عيون الليل
ونقول للشمس تعالى تعالى بعد سنه .. مش قبل سنه
دى ليلة حب حلوة بألف ليلة وليلة
بكل العمر .. هوالعمر إيه غير ليله زي الليلة
***
يأ حبيبى إيه أجمل من اليل وأتنين زينا عاشقين
تايهين ما أحناش حاسين العمر ثوانى ولا سنين
حاسين إننا بنحب وبس.
عايشين لليل والحب وبس.
يا حبيبى الحب حياتنا وبينا وقوتنا
للناس دنيتهم واحنا لينا دنيتنا
و إن قالوا عن عشاقه .. بيدوبوا فى نار أشواقه
أهي ناره دى جنتنا
والحب عمره ما جرح .. ولا عمر بستانه طرح
غير الهنا. وغير الفرح....
يا حبيبى.. ياللا نعيش فى عيون الليل....
ونقول للشمس تعالى تعالى بعد سنه مش قبل سنه
دى ليلة حب حلوة بألف ليله وليلة..
بكل العمر هوالعمر إيه غير ليله زى الليله
***
يا قمر ليلى .. ياظل نهارى .. يا حبى .. يا أيامى الهنية
عندى لك أجمل هدية
كلمة الحب اللي بيها .. تملك الدنيا وما فيها
واللى تفتح لك كنوز الدنيا ديه…
قولها ليه...
قولها للطير .. للشجر .. للناس
لكل الدنيا ... قول الحب نعمة … مش خطية
ألله محبّة … الخير محبّة … النور محبّة.
يارب … تفضل حلاوة سلام أول لقاء فى إيدينا
وفرح أول معاد منقاد شموع حوالينا
ويفوت علينا الزمان يفرش أمانهُ علينا… يا رب
لا عمر كأس الفراق ألمُر يسقينا
ولا يعرف الحب مطرحنا ولا يجينا
وغير شموع الفرح ما تشوف ليالينا
ياحبيبى…
ياللا نعيش فى عيون الليل
ونقول للشمس .. يا شمس تعالى .. بعد سنة مش قبل سنة
دى ليلة حب حلوة بألف ليله وليلة
بكل العمر .. هو العمر إيه غير ليلة زى الليلة
العرض العادي
