تصريحات خطيرة ومثيرة لمدرب الهلال ريكاردو

ابوذر محمد · 24-09-2008, 18:52

اكد من خلالها انتهاء فترته مع الهلال بنهاية الموسم الحالي وذكر ان لاعبي الفريق الحالي قد اصابهم كبر السن ·

عاشق النجمه · 25-09-2008, 00:04

والله كلامو صاح ديل معل اعمارهم 30
ومعدل اعمار منتخب الارجنتين اليوم 20

nazim · 25-09-2008, 02:39

دى مكنتك يا ريكاردو؟
راعى الضان فى الخلا عارف الكلام ده
الزول ده عاداهو صلاح ادريس الطيش بقى يبرر مبررات فطيرة كده
اذا كان صلاح ادريس بالدف ضارب فشيمة ريكاردو ......................

العـ الوفي ـابر · 25-09-2008, 11:55

قال معدل اعمار لعيبة الأرجنتين 20

ونحنا 30

يا ولدي انت اصلا بتسمي العندنا ديل فريق كوره

الله يسامحني من حقهم ولكن لو ما لعبو يكون احسن زاتو

mejo_33 · 25-09-2008, 23:52

نحن لا ننكر جهود المدرب ريكاردو مع نادى الهلال
وما قدمه من اراء وتصريحات وخطط تكتيكيه قادت الهلال
اى تحقيق الفوز داخليا وخارجيا.......
ووصول ناديه الى المربع الذهبى فى بطولة الانديه الافريقيه
وبشاشات كاس الممتاز للمره الخامسه على التوالى..

فى تصريح للمدرب البرازيلى ريكاردو(الهلال فريق كبير فقط يحتاج الى تجديد الدماء لتستمر مسيرته الكرويه)

تخريمه...

* عموماً فاز الهلال وإقترب خطوة أخرى من الاحتفاظ بلقبه للمرة السادسة على التوالي كإنجاز محلي غير مسبوق وأكد حقيقة أن الفرق شاسع جداً بينه والآخرين.

* أما باستاد الحصاحيصا فقد فاز المريخ كما كان متوقعاً على النيل بهدف يتيم أحرزه المحترف النيجيري إيداهور جاء من ركلة جزاء.

* المنافسة في الممتاز تنحصر بين القمة فقط أما بقية الأندية فهي تتصارع سنوياً من أجل البقاء في الدوري الممتاز فقط ليس بسبب قلة الامكانيات فقط لكن بقلة أو إنعدام الطموح والرغبة في الفوز بالبطولة نفسها.

ECHOO · 28-09-2008, 19:05

كلام غريب جدا لو كان قاله هو
مش ده هو ريكاردو البختار العجايز وبخلي التشكيله الاحتياطيه هي الشباب ولا ده زول تاني
هو مع انو مدرب كويس لكن مشكلتو انو جبان خوفو من الهزيمة هو النقص الهلال كتير في لعيبه كتير جدا واعمارم مناسبه وخامات رهيبه بيناسهم ريكاردو في كنبة الاحتياط بالموسم والموسمين وممكن يتشطب اللاعب ويكون مالعب اساسي ابدا ...
وجاي بعد ما سياستو الغلط يقول انو اللعيبه كبار في السن .. اما كلام غريب . لكن ماعرف هل هو قال كده جد .

أسماء · 22-10-2008, 16:30

وبعد هذا حنيب الكاس للمره السادسه على التوالي

ناعس الاجفان · 23-10-2008, 11:29

اقتباس:

المشاركة الأصلية كتبت بواسطة أسماء

وبعد هذا حنيب الكاس للمره السادسه على التوالي

وحلم الجعان عيش