حكاية رونق بت احلامنا القصة البكت ناس قدامنا
طفلة صغيرة تعيش الامنا
رونق بت الناس الزينة مالمست ابوها يوم بادينة
اوضمت يمة الرائعة حنينة
ماقالت يمة او قالت يابا زمن الغمة الزاد لعزابا
ومالقت الضمة زى كل اترابا
رونق تبكى تلعن ايامنا الزمن الفقرى الزى هدامنا
الطاح بي حبي الوئد احلامنا
مديت ايدي لمست ايديها صغيرة رقيقه ودموع خديها
رسمت جواي احساسه الفيها
ضميتا على واديتا حنان والعبره كل انسان
ده حال الدنيا اسى واحزان
رونق يازورق مالاقى ضفاف تسال فى الناس ماشفتو ابوى
ترجع وتخاف
ماشفتو امى كاسيها عفاف
رونق يوم قالت والناس حوليها للاسف الدنيا خطوات نمشيها
خطوة بنخطوها وبنغلط فيها
الدنيا اقدار احزان وعبير من حقنا نحلم وللريده مصير
احكام مكتوبه ولابد بتصير
راح تفضل رونق عشقا فى عينينا وكل الاحلام فى سلام ايدينا
مشاعر سمحة بتزورنا تجينا
رونق ياناس بتعيش جوانا ووسط الافراح راح تلقى مكانة
اتولدت فكرة اتولدة ذكرى عيشوها معانا
العرض العادي
