مشروع إفطار الصائمين

talashi · 20-08-2008, 13:09

السلام عليكم
مشروع إفطار الصائمين

*تكلفة وجبة إفطار صائم = 4.5 جنيه

*الشريحة المستهدفة = المسلمين بمستشفيات ولاية الخرطوم

*تغطية العام الماضي = 15 ألف صائم

*اتصل لتساهم <00249911175646>

**طارق** · 20-08-2008, 19:55

من الجهة التى تقوم بتنفيذ المشروع ...

العـ الوفي ـابر · 21-08-2008, 05:49

بارك الله فيك

فعلا نحتاج لتوضيح الجهه

ولي عوده

أبو الخير .. · 22-08-2008, 11:09

اقتباس:

المشاركة الأصلية كتبت بواسطة العـ الوفي ـابر

بارك الله فيك

فعلا نحتاج لتوضيح الجهه

ولي عوده

اخوي الوفي .. والله الموضوع دا كدا تمام بس هل مقتصر على الناس الفي الخرطوم بس يشاركو - والناس الفي الخارج كيفية المشاركة فية - ولو وصلتك اخبار ما تقصر مع التحية ايضا لصاحب الفكرة وربنا يجزل له عطاء الخير إن شاء الله .. وكل عام والجميع بالف خير ،، ووفقنا الله واياكم على صيامه وقيامه واعاد رمضان علينا وعليكم أعواما عديدة ومديدة ( بس ما في زول يقرأ مديدة يفتكرها يعني مديدة رمضان - ههههههه) .. تحياتي ،،

العـ الوفي ـابر · 23-08-2008, 07:28

اخي الكريم ابو الخير بارك الله فيك ولكن قصدنا توضيح كل اسئلتك هذه من الأخ تلاشي ونحن ننتظره بفارغ الصبر جعلها الله في ميزان حسناته يا رب وحسنات الجميع الموضوع رائع واعجبني جدا

أبو الخير .. · 23-08-2008, 07:33

اقتباس:

المشاركة الأصلية كتبت بواسطة العـ الوفي ـابر

اخي الكريم ابو الخير بارك الله فيك ولكن قصدنا توضيح كل اسئلتك هذه من الأخ تلاشي ونحن ننتظره بفارغ الصبر جعلها الله في ميزان حسناته يا رب وحسنات الجميع الموضوع رائع واعجبني جدا

وصباحاتك كلها بهجة وإشراق يا ( الوفي..) بجد إسمك دا أنا متفائل بيه .. وسعيد والله بمعرفتك وإن شاء الله ما ننقطع ابدا وسوياً على دروب الخير..

وبعدين ايوة خلونا في الصورة معاكم دا موضوع يعتبر محبب للنفس - وربنا يتقبل منا ومنكم - ورمضان كريم مقدما يا الوفي.. وتسلم لأخوك ابو الخير - تحياتي،،

العـ الوفي ـابر · 23-08-2008, 07:43

الله يبارك فيك وصباحاتك بالنور تلالي يا ابو الخير - ورمضان كريم وكل سنه وانت بخير قبال الزحمه يا رب نجتمع في رمضان ده واحمل شرف معرفتك واخوتك حتى يوم مماتي

بالنسبه للموضوع ده سنحرص وبشده عليهو لانو بالجد في ناس محتاجه وفي ناس ما لاقيه وربنا عالم ونحنا هنا نقيف ونسال الله يبارك لينا في النعمه المدينا ليها ولي اي زول مقتدر ربنا بزيدو اصلو ما بقللو

اخواني جميعا اناشدكم فللخير نسعى لنكون دوما لوجه الله الودود

اخوكم

الــــــعــــــ الـوفـي ـــــــابــــــر

talashi · 23-08-2008, 12:52

الاخوة الكرام تحية صباحية
بالنسبة للجه القائمة بالموضوع للامانة ما عندي فركة بس الشي الذي اثق فيه انه ارسل لي شخص لا اتشكك في نزاهته وقبل ما ارد كنت بتصل علي رقم الجوال وما في رد وانشا الله في القريب العاجل بجيب ليكم التفاصيل

talashi · 23-08-2008, 16:16

نواصل ما انقطع من حديث بالنسبة للجهه القائمة بالافطار
لقد قمت بالاتصال برقم الجوال اعلاه
وهو للابن تامر محمد حسن السيد مهندسي كهربائي
واستفسرت منه عن المشروع وقد قال لي ان المشروع هذه هي السنه الخامسه والحمد لله ونتيجه لجهود بعض الطلاب والاخوان متفرقين يقمون بهذا العمل الجبار وقال ان ميزانيه العام الماضي كانت 60 مليون والحمد لله ونسال الله ان يتقبل منهم اعمالهم وقد طلبت منه السعي لتكوين جسم مؤسسي خيري حتي يكون عمل منظم يتم دعمه من الخارج بصوره منظمه ولا تشوبها اي شائبة .وذلك للتوضيح ارجو ان اكون قد افدتكم

anoosh · 24-08-2008, 22:30

talashi

أشكرك على الموضوع بجد فكرة ممتازة جدا

بس عاوزه أعرف كيف ممكن أتواصل معاهم علشان التبرعات

هل عندهم رقم حساب خاص