ممنوع دخول الفتيات لموضوعى هذا الا بمحرم ...!!

**طائر النورس** · 22-01-2005, 23:48

اصدر الشيخان عثمان الخميس وسعد الغامدي بالمملكة العربية السعودية فتوى تحرم الانترنت على المرأه ( بسبب خبث طويتها ) واضافت الفتوى ( لا يجوز للمرأه فتح الانترنت الا بوجود محرم مدرك لعهر المرأه ومكرها ) ...

احبتى بغض النظر عن المنظور الدينى ( وصح هذه الفتوى او خطأه ) انتو رايك الشخصى شنو فى الفتوى دى ... ؟؟!!

moonlight · 23-01-2005, 02:55

لا ادرى صحه هذه الفتوى من ناحيه دينيه ولكن رايئ الشخصى ان المكر لا يحتكر على المراه فقط فهناك الكتير من الرجال يتلاعبون بالمراه سواء كان من غرف الدردشه او المنتديات ولكن يبقى الفاصل الاخلاق نعيب زماننا والعيب فينا وما لزمان عيب سوانا فالصادق لن يتاثر بالعوامل الخارجيه مهما كان لها الاثر الكبير والمتلاعب سوف يتلاعب حتى لو كان وسط مئات المحاريم فيمكن ان هناك الكثيرن تجدهم فى كل فكره يلبسون ثوبا مختلفا من وحى خيالهم ولكن مهما اختلف النسيح فى تكوينهم ستجد يوما من تتطابق دواخلهم مع نسيجهم الخارجى فهولاء لن يحتاجوا الى محارم بل ستتباهى بهم ملائكه السماء نرجو الله ان نكون من هولاء و ان لا نسى يوما نحن النساء الى احد من خلال النت او خارج النت وانا مع الراى ان الاخلاق الفاضله لا تحتاج الى محرم فهى فى الدواخل التى لا يعلمه الا الله سبحانه وتعالى

مشمشه · 23-01-2005, 08:27

الغالي نورس
انا رأي إنو الفتوي دي كلام فارغ ساي
بعدين زي ما قال الاخ moonlight
ان المكر لا يحتكر على المراه فقط

فلنفرض ان المرأة ماكره وخبيثه
الكلام في الحته دي بكون من ناحية
اخلاق المرأة وليس طباعها

اسلام علي · 23-01-2005, 13:10

ولله انا الراي بتاعي انو اي زول داير يقول فتوي لابد من دليل قاطع وما ممكن هسى مرتى مثلا عاوزه تتونس مع صحبتا او دايره تتدخل مواقع خاصه بيها (تخص المراه فقط) معقول بس اكون قاعد معاها؟
والـــــــــــله اعلم

الحاج متولى · 23-01-2005, 18:22

فعلا اختى مشمشه
المهم اخلاق الزول
يعنى الانترنت ما ممكن تخرب ليها اخلاق زول
الا لو الكان الزول اساساً ما عندو اخلاق ومنحرف
والانترنت حاجة جديدة بالنسبة للاخلاقيات البشر
يعنى النسوان المنحرفات قبل اكتشاف او اختراع الانترنت الخلاهن ينحرفن شنو
ولى جية

غيداء · 23-01-2005, 20:34

و الله يا طائر النورس يا خوى انا شايفة انو الفتاوى كترت الايام دى
و كل واحد بقى يفتى زى ما عايز
يعنى الراجل لمن يخش النت ما ممكن نفسو توسوس ليه و ما محتاج لمن يردعه؟؟؟
يعنى الشئ البيفسد اخلاق المرأة ما ممكن يفسد اخلاق الرجل ايضا
و لا الرجل غير قابل للفساد
و لا يمكن الحاجات المباحة للرجل محرمة للمرأة
عجبى
لا حول و لا قوة الا بالله

مع ارق الود و التقدير

على الود
و الحب
نلتقى
و نرتقى
و ربنا يديم المحبة

غيــــــــــــــــــــداء

**طائر النورس** · 24-01-2005, 00:21

احبتى الاعزاء
كلام جميل منكم ... واراء منطقية لكن المشكلة بتبقى ان فتوى زى دى جاية من علماء اجلاء فى العالم الاسلامى قاطبة فيها تزعزع لتوجه شباب المسلمين ... مش من الاحسن ان يحزروا فقط من خطورة الانترنت اذا استخدم بطريقة خاطئة من ان يفتو بفتوى خطيييرة كهذه تشتت من افكار المسلمين اكثر ماهى مشتتة ...
واللا رايكم شنو ؟

**طارق** · 24-01-2005, 12:25

اشكرك اخى طائر النورس ....

لا اعتقد بوجوب فتوى صحيحه ..... تحرم الانترنت .. وحتى لو كانت من علماء اجلاء .....
لانها ستسبب لنا .... خلطا عجيبا .... وحيره في الحلال والحرام .... وهذا لا يجوز ....
وانما المفروض التحذير والتحريم في تصفح المواقع المخله والغير اخلاقيه .......
والحلال في الحلال ... بكل بساطه .. ولكن تحريم بشكل قاطع .. يسبب بلبله عاليه .....
وخلط .. ومما يؤدي الى فتور ..... لوعى الشباب .... وعدم طاعه لاولياء الامر .....

وعلى العموم اعتقد ان القاعده الثابته المفروض في عقلية كل مسلم ...
ان اي شئ بترتاح فيه ولا فيه حرام او مشبوه .. فهو حلال ولا يوجد شئ فيه ...
واما العكس فله العكس ... والله المحاسب في النهايه ........ ومحاسب النفوس والضمائر ...

ود أم بعلو · 24-01-2005, 14:13

أخي طائر النورس
(خبث طويتها) العايز الخباثة موجودة
والعايز يستفيد بإمكانه الاستفادة..
ويكفي أن هذه الفتوى تأتي من المملكة العربية السعودية صاحبة المذهب الوهابي المتشدد المبتكر لدين ما أنزل الله به من سلطان... حتى لا نأخذ بها أو حتى بأي فتاوى تخرج من المملكة.

Sit_Elkisra · 24-01-2005, 15:08

السلام عليكم,,,

ما عندنا الحق نفتي انحن زاتنا في فتوة راجعة للزول الافتاها ,, والا حناخد ذنب صحتها او بطلانها...!!!
و عندنا كل الحق فى إرجاع ميزان العقل في أمور زي دي..
يعني مثلا أنا عندي بتي دخلتها المدارسو الجامعات و أصبحت إنسانة معتمده علي نفسها في قرارات كثيرة في حياتها ,, أجي اقولليها ,, تعالي يا منقة ما تخشي نت من غير ابوك والا اخوك... و الله ياهو الفضل..!!
طيب ما احسن ما امرقا من البيت و ما اقريها ,, هو أساس العلم شنو !! مش سلاح ممكن المرأة تشهروا في وش الزمن الشين ,, و تتسلح بيهو امام كل المصاعب...
و الله ياخوانا حقوا من الحال الايام دي الناس تكون عملت ليها انتي-بايوتيك في عقولها ضد القرارات الطريفة اكثر من إنها جادة...!!!
و تفرق بين الحاجات الحاصلة في عالمنا تحت مسمى إسلام ... رغم تباينها و تضاديها ...

نسأل الله السلامة للإسلام و المسلمين...