لبيك كانت يابشير ليك الشعار
تنصر رسولك وانت للدين انتصار
لبيك يا عمر البشارة ومن سار ..
خلفك .. كلنا معاك من عدو ومن جار ..

وراك لي حماك حارسين
ونحن معاك وللعاداك بندي دمار
الاميركان بيلعبوا الكديس و الفار ..
و لويس ما بفهم غير "عرت" ... الحمار ...

ولو كانت امريكا طالبه حرب
نحن رجال ندك امريكا زي تاتار
رجال والله مابنخاف...ووقت الحارة جد صعبين
ولاد المهدي مابنهاب ولاد دينار وناس تورشين
نضال لي عزة السودان دوام واهبين
نفوس لي غير الله ما سجدت ولا بتلين
نرفع راية التوحيد..نجاهد في سبيل الدين
وما هامينا مين ما يكون..ومهما كان من الضالين
نحمي سلام جبناه باليدين
ونقتل للعدو ..لو كان معاهو معين
نقول للجاي تعال قرب..نشوف حدك بتوصل وين
وماظنيت في زول يقدر يدنس ملتقى النيلين
نصون ارضا كانت للطهر عنوان
أرض رايه البطوله مرفوعه فيها كل زمان

نسمع في كلام فارغ بقول ح تسلموه متين...
ده بس بعدك بتحلم واحنا ما نايمين..
ناس للبشير بعد الوطن بندين
نحن الرجال كيفن ما نردو الدين

نعيش فيها ونموت فيها..ومافي مكانة للخاينين...
والله معانا وان شاءالله دائما منتصرين..
نرش بي كلاشنا كل فاجر
وندي سلامنا من نمولي والفاشر
نوري الماضي والحاضر....
بإننا ليك يأوطاننا بنخاطر
رحلت منك أسود قدمت ليك الكتير
ونحن يمين بنجبر ليهم الخاطر
ربوع سوداننا ...من زمن الجدود محمية...
وما ممكن نسيبها الليلة لي كافر
ربوعك يا بلادنا بي التوحيد متينه
وبي صلاة ناسا ولادك قلبهم عامر
رجالك يا بلاد الخير غير الله ما بنخاف
وما بنسلم رئيسنا لي زول جبان او ساخر