الاستاذ محمد الامين - الملحمة

بت القرير · 25-07-2008, 18:35

للحفظ

وكما تم توثيقها لحنا نوثقها هنا حرفا

الملحمة

لما يهل الماضى الطول
فجر النور من عينا اتحول
قلنا نعيد الماضى الاول ماضى جدودنا هزموا الباقى
وهدو قيود الظلم الباغى
فى ليلة كنا حشود بصارع عهد الظلم الشبى حواجز
جانا هتاف من عند الشارع
قسما قسما لن ننهار طريق الثورة هدى الاحرار
والشارع ثار
غضب الامة اتمدد نار والكل ياوطنى احموا الثوار
هزمنا الليل والنور فى الاخر
وطنى نحن سيوف امجادك ونحن مراكب تفدى ترابك
ولسه الشارع بشهد لينا يوم الغضبة حصاد ماضينا
مشينا نعطر حقل الثورة بالدم نفديها بلادنا الحرة
وكان اكتوبر فجر الغضبة
هزمنا خيوط الماضى الصعبة
لما مشينا مواكب صامتة تهدر وتهتف راغدة
الرصاص لن يفنينا
وسال الدم فى ارض الوادى
كانت صفحة حكاها العالم فجر اكتوبر ضل وسالم
هزمنا الليل والنور فى الاخر
والشعب الثائر يصرع لليلنا داجي و طول
وكان القرشى شهيدنا الاول وماتراجعنا
حلفنا نقاوم لليلنا وسرنا
نزرنا الروح مسكنا دربنا وماتراجعنا
للشمس النائرة قطعنا بحور حلفنا نموت او نلقى النور
كان فى الخطوة نلقى شهيد بدموا برسم فجر العيد
يا اكتوبر نحن العشنا دواعى زمان
بقيود ومظالم وين
كان فى صدورنا غضب بركان وكنا نقسم بالاوطان نسطر
اسمك ياسودان
بدمانا سالت راوية الساحة حلفنا نسير مانضوق راحة
شعارنا يوم عصينا المدنى كانت ثورة جد ياوطنى
ايد فى ايد حلفنا نقاوم ومابنتراجع
وكانت فى درب النصر
كسرنا حواجز دمنا واحد
ياشجرة الحب ياحقل النار ياواحة صحح
روينا دروبك دم ثوار شلتنا قطافك هتاف احرار
خطينا ترابك احرف نارية تحكى سطور ايامنا الثائرة
الرصاص لن يفنينا
مابتراجع لن نساوم
بين وبينك الظالم
وهزمنا الليل هزمنا الليل ونقول فى الاخر ثورتنا
قسما قسما يا اكتوبر نحمى شعارك
نجنى ثمارك ونرفع راية الثورة الغالية عالية ترفف فوق السارية
عليها شعار الثورة الا كبر
ولسه بنقسم يا اكتوبر لما يطل فى فجرنا ظالم
نحمى شعار الثورة نقاوم
لما يطل فى فجرنا ظالم لما يطل فى فجرنا ظالم
نبكى صفوف ونهتف لما يعود الفجر الحالى
يا اكتوبر

العـ الوفي ـابر · 02-08-2008, 14:12

اكورك ولا اعمل شنو بس وريني

حقيقه لك الشكر يا رائعه

كفايه انو محمد الأمين فخرا

احي قلوب ود مدني وجميع السودان على ه>ا الفنان القدير

طيوبا · 02-08-2008, 23:46

بت القرير

متعك الله بالصحة والعافية حقيقه اتحفتينى حتى سالت ادمعى من البهجة والحبور لسماع هذه الملحمة الحقيقية التى جسد فيها الاستاذ محمد الامين معانات شعب قد تشبع بالظلم الشبة حواجز حتى سال الدم بارض الوادى ولاكن الشارع قد ثار وقال كلمتة ( ابد ابدا لن ننهار ) وكان اكتوبر ........ وفوق كل هذا سار الشعب دون كل ولا ملل فما كان منة الا انة هزم الليل الظالم ........
اختى الموضوع يطول فوالله مع كل حرف اكتبة دمعاتى تسبقة فلقد ارجعتينى الى عام 2000 حيث كان لى الشرف بأن اشارك بهذة الملحمة مع نفر كريم من ابناء ولاية الجزيرة وتحديدا محافظة الكاملين فلهم التحية اجمعين اخوانى محمد مصطفى واحمد فلاجين وعبدالعزيز وايناس واميرة وايناس وهالة وكل العقد الذى شارك معى فى هذا الكرنفال الضخم
التحية لك بنت القرير مجددا ودمتى زخرا لهذا الوطن العملاق

وكان فى الخطوة بنلقى شهيد بدمو بيرسم فجر العيد

اهداء خاص

واولا واخيرا نسطر اسمك يا عشقنا الابدى

يا سودان

و يا اكتوووووووووووبر

طيوبا · 10-08-2008, 12:33

بت القرير هووووى وياناس عووووك الحقونا بى كلمات والله عطشانين للحديث الرصين والغناء المحترم ما تتركونا الى صراخ العيال ديل اى واحد فيهم عمل ليو شعيرات بالجنبة قال فنان (حليل الفن )