الصديق IT_man
اقتباس:
هذا الشعارات أصبحت لاتردد الآن
وإن كانت هذه الشعارات مجدية لكنتم على رأس حكومة السودان
ولقد قلت انك تحترمها جيداً
إذن عليكم أن ترددها دوماً حتى تنقضي فترة الإنتخابات القادمة
و لن تستطيعون ان تهتفوا بها أيام الإنتخابات لنكم تخافون الشعب السوداني
الكريم والمبجّل.
|
- من قال لك ان هذه الشعارات لا تردد انا شخصيا بردد وجهرا وبنادي بيها لاني ماشايف فيها عيب بل شعارات بتعبر عن قضايا ومشاكل حقيقة لو قدرته تفهمة
- منو القال ليك نحن بنخاف الشعب السوداني ولا الشعب السوداني بخاف مننا الا تكون انت بتتكلم عن شعب تاني الشعب السوداني لو بتعرف تاريخ مافي انتخابات نقابية او برلمانية ما فاز فيها مرشح الحزب لانو الشعب السوداني عارف تمام مصلحتو وين
-وبالنسبة للانتخابات هي ماهدفنا بل هدفنا الاول تحرير الشعب من الجوع والمرض وده ما بتم الا عن طريق تقدم الشعب فكريا ومعرفتو حقوقو ويا سيد امشي شوف ناس المناصب والكراسي وين
- على العموم ردك بتدل على عداءك لشعارات انت ماعارف معناها الحقيقي لكن بس حصلت ليك مشكلة لمن سمعته انها شيوعية وقريت كلمة اسلام وعاذرك شديد زي ما عازر كتيرين في المنتدى
الصديق صمود
الشعار ده ما لاقاني الا عندك يمكن نزل في المؤتمر وانا ماعارف
بالنسبة للجبهة الديمقراطية ما اظن فيها شيوعيين متخفيين او مستترين تحت مسماها لانهم ما محتاجين للسترة وغيرهم مفروض ينسترو من العملو في الوطن الجبهة الديمقراطية تنظيم طلااااااااااااااااابي فيهو تحالف استراتيجي ما بين الطلبة الشيوعيين والطلبة الديمقراطيين والديمقراطيين ديل ما شيوعيين وعندهم اسباب خاصة خلتهم ديمقراطيين منها اقتناعم ببرنامج مرحلة الثورة الوطنية كحل لمشكلة السودان وما بعتقد انهم شيوعيين خجلانيين من الاسم لانو اسم الحزب الشيوعي السوداني ده مفخرة للزملاء في الحزب بفتخرو بي نضالات الحزب ازاء الديكتاتوريات بفتخروا بالشهدا القدمم الحزب في سبيل التقدم بفتخرو بجميع الانجازات الوطنية
اقتباس:
|
ان كنت تؤمن برسالة محمد فنادي بأن يكون الاسلام هو قائدنا وان محمد (ص) هو قدوتنا لا لينين وماركس وغيره من تلكم القدوات .. حبانا الله بنعمت الايمان بالاديانه كلها على رأسها دين الاسلام الذي فيه قواعد واسس لتسير بها الحكومات .. اذا كانت حكومتنا تستتر بالاسلام بانه نهجها فلا تستتر انت بتغير الالفاظ والعبارات
|
ومازالت مشكلة الخلط بين الدين والعلم قائمة يا استاذ يا فاضل سيدنا محمد نبي مقدس جاء برسالة دينية محددة وماركس ولينين بشر عاديين ما مقدسين ولا حاجة جاءو بفكرة اقتصادية ونظريات محددة فوريني العلاقة بين محمد وماركس شنو ؟؟؟ وهل انت لسة شايف انو مستحيل انو الانسان يقتنع بفكرة علمية محددة وفي نفس الوقت يكون معتنق دين محدد ياخي لو افترضنا انك مثلا بتقرا فيزيا ولاقتك نظرية لانشتاين ( انشتاين ما مسلم ) واقتنعت بيها هل انت كده بتبقى ما مسلم
ياخي حاول فكر وشغل عقلك وماتغطي جهلك بالامور بالدين وتلبس لباس الواعظ
