فيها ايه لو ترجع ايام الطفولة وترجع الطيبة الحنونة
فيها ايه لو كل شاعر خط في قلبو الاماني
ودقا انغام الثواني بي رجعة الوحدة الجهولة
فيها ايه لو دمعا مننا نزالة علي خدنا بترسم
لحظة اتفجر غرورنا لمشاعرنا وهوانا
فيها ايه لوكلنا بنعشق بعضنا وكلنا بنحمي الارض
فيها ايه لو كلو واحد ختا في الجنبو الامان
فيها ايه لو نحيا دنيا مابنسمع فيها انتقام
فيها ايه لو كل طفل خش روضة
وكل روضة فيها جنة ولعبة بطة


يلا ياعشاق بلدنا نرسم اللوحة الجميلة
لي بلدنا ولي ارضنا ولي علومنا
يلا نتشايل بعضنا شان نشوف الخير يجينا
انتو اصلكم ناس محبة وبرضو دايرين نذيدا

فيها ايه لوتعرف انو اي كلمة حب وخير..
بتلم حواليك الحبايب وتدي للدنيا القصائد
مارقة منك مارقة مني مارقة من يد اي عاشق
كلنا بنحلم بدنيا فيها نبع الحب فايض
والصدق يبقي الخليفه والكذب تلقاهو غايب
والحقيقة تكون مشاعر والكره مسجون وحاقد
فيها ايه لو كل عاشق مد يدو للتضامن
لبلاد ارض العجئب والعشق والحب
والبلاد ديك مابعيد
انت تحلم وانا بحلم وكلنا بنبني الحقيقة