تعالو ساعدو اطفال المايقوما .........

bad boy · 15-07-2008, 17:31

يا ناس عشاق السودان ....... ازيكم و الله مشتاااااااااااق ليكم موت موت

ها ادخل في الموضوع طوالي .......... كلكم علي علم بي المشاريع القمنا بيها

من فترة و لقت نجاااااح باهر .... و الحمد لله .

من ضمن الاماكن المشينا ليها .... كان دار المايقوما لرعاية الاطفال مجهولي الهوية

بعدر الزيارة الاولي ...... اتكررة الزيارة تاني ... و تالت .... و رابع .... و خامس ... الخ

انا و معاي شباب من المنتدي هنا .... عظم الله اجرهم .

نسبة لظروف عملي القاهرة جدا" جدا" اصبحت زيارتي لهذه الدار كل يوم جمعة

الدار صراحة محتاجة لي دعم و دعم بي صورة كبيرة كمان .... يعني كمية الاطفال

الفيها دايما" في زيادة ... و هم في حوجة دائمة ل ........

بامبررز اطفال

لبن بدرة

صابون بدرة لغسيل الملابس

ديتول لنظافة العنابر

حلمات بزازات

بسكويت شاي للاعمار الكبرة منهم

حفاضات اطفال

بيبي لوشن .... و بيبيبي اويل

زيت سمسم ....

و حاجااااااااااااااااااااات كتيرة لا تسعني الذاكرة لحصرها

يلا الواحد صراحة عاوز اقدم حاجة لي الاطفال ديل ما عندهم ذنب في الهم فيو دا

من فترة فكرت انو اقوم اخلي الشباب الانا بعرفوم كلهم اشاركو معاي في تقديم

المساعدة دي .... يلا علاقتي جميلة شديد مع ناس المايقوما .... الموضوع بقوم

اتصل تلفونيا" بي ... الاخ نوفل و دا ماسك المخزن بتاعم و بشوف الحوجة

الاسبوعية للدار شنو .... بعد داك بكتب رسالة لي كل الناس البعرفوم و الممكن

اساعدو .. برسل الرسالة و في الناس البتجاوب مع الرسالة و الفكرة ...

شكل المساهمة بكون بطريقة تحويل الرصيد .... اي شي مقبول حتي و لو جنيه

واحد بس .... جنيه ممكن اشتري حلمتين اتخيلو الفكرة .

يعني اي شي بساعد . .... بعد كدا يوم الجمعة بقوم ابيع الرصيد مع الشباب

المعاي و نشوف المبلغ عمل كم ... و بنشتري الحاجات الاداني ليها الاخ نوفل

بتاع المخزن .... يعني القروش بتجيب حاجات كويسة و مرات ما بكون في اي تبرع

المهم بعد ما نشتري الحاجات بنكون في المحطة الاسطي بحري بنشريها من

دكاكين الجملة هناك بيعا مناسب ..... و في حاجات بتكون من الصيدلية

بنتحرك بعد داك لي الدار .... نودي الحاجات البسيطة دي .

بندخلا المخزن ... و بمنشي نلف علي الاطفال ديل في العنابر نقعد معاهم و نلعب

معاهم و الواحد بي صراحة البيت مبسوووووووووووط ميه ميه ........

ممكن اي و احد حابي اساعد او امشي معانا يوم الجمعة بعد صلاة الجمعة

او عندو اي استفسار عن اي حاجة اتصل بي ............. او في شباب معاكم هنا

في المنتدي عارفين البرنامج دا ممكن تسالوهم من اي شي ..... دي تلفوناتي

الاتنين مرحب بيكم و بي مساهماتك و بي اسألتكم و استفساراتكم في اي و كت

حتي لو ما اتبرعتو بي اي شي ..... و ماشين معانا ساي علشان تقعدو معاهم و

تلعبو معاهم .....ممكن برضو ما الا تتبرع بي حاجة .......

في الختاااااااااااااااااااااااااااااااااام ...........

اعتزر للجميع لركاكة الاسلوب .....

م / وائل عبد الحكم ...... (bad boy)

0911176875 --------- 09232380816

احتراماااااااااااااااااااااااااااااااااااااااااااا ااااااااااااتي

**طارق** · 16-07-2008, 12:54

لي قدام يا وائل ... ولازم همتنا تقوم من أجل الخير ...
وربنا يوفق ..

بنت الشاطئ · 16-07-2008, 13:38

بــــــــــــــــــــــــاد بــــــــوي

لك الله وانت تبذل الجهد الجهيد لمساعدة اطفال المايقوما
وربنا يوفقك ويجعلها في ميزان حسناتك يا باشمهندس
ونحن معك نسير من خلفك ونشد من ازرك

سلامي واحترامي

بنت الشاطئ · 16-07-2008, 16:02

بــــــــــــــــــــــــاد بــــــــوي

لك الله وانت تبذل الجهد الجهيد لمساعدة اطفال المايقوما
وربنا يوفقك ويجعلها في ميزان حسناتك يا باشمهندس
ونحن معك نسير من خلفك ونشد من ازرك

سلامي واحترامي

الفنان · 16-07-2008, 16:40

بارك الله في جهدك أخي وائل

ونفع بك البلاد والعباد .. وجعل كل ذلك في ميزان حسناتك

أكيد ستجد من الأخوة كل العون والمساندة في هذا العمل الكبير

ولو كنا هناك لرافقناك في هذه الرحلة إلى الله ..

سيكون لنا معك اتصال بإذن الله ..

متعك الله بالصحة والعافية

وشكر سعيك

bad boy · 19-07-2008, 15:31

[size="4"][center]

الاخوة الاعزاء جدا" جدا"

طارق الفنان بنت الشاطي ....... تشكرات علي الردود و المشاركة

ربنا اعظم الاجر انشاء الله ..... و مع بعض زي ما بنقول بنقدر نصنع باكر اجمل للاطفال ديل .

الحمد له امبارح مشيت الدار و الاوضاع ميه ميه الحمد لله بس لسه بعانو من نقص في بعض الحاجات ....... ربنا اساعدم بس

تخريمة .......

يا ريت لو كنتو معاي علشان تشوفو البرأة و الجمال و بساطة الدنيا في عيونوم كيف

احتراماتي ................................. bad boy كان هنا و هناك ......

الأسد · 20-07-2008, 12:25

الأخ وائل أو (Bad Boy) كما تحب ..
لك التحية والتقدير وأنت تقوم بهذا العمل الجبار ،، والذي لا يستطيع الكثيرين منا القيام به ..المبادره على فعل الخير يستحق التقدير والدعوة له أحق وأقدر .. وقمة ما تستحق عليه التقدير هو مواصلة العمل على فعل الخير .. أكاد أقسم أنك أصبحت منهم بتعلقهم بك وبمعرفتك التامة لأحوال الدار والذي جاء بالتكرارا والمواصلة هلى أدائك لذلك العمل الإنساني ..
عزيزي وائل .. أدام الله عزك ورفعك بهذا العمل درجات ودرجات وأثابك بكل خطوة تخطوها إلى الدار حسنات تثقل ميزانك وترجح كفته إلى الجنة برحمته وواسع مغفرته ..
ربنا يقدرك ويقويك أكتر للمواصلة .. ويقدرنا على مجاراتك في عمل الخير ..

وطنا باسمك كتبا · 20-07-2008, 21:37

السلام عليكم جميعا
بالجد الواحد مابقدر يعبر عن
الفرحة انو فى ناس بفكرو فى الضحايا ديل
خليتنا نحلم بيوم بكرة ياوائل
ربنا يجلو ليك فى ميزان حسناتك
بالتوفيق