العيب فيه ولا العيب في النسيبة ولا بنات الأيام دي

فاطمه · 12-07-2008, 10:22

من الأيام الأولي تبدأ المشاجرات ويضيع الراجل في النص مابين الأم والزوجة وربما الحموات كمان
يارب أية أساس المشكلة من الأول البتخلي دائما الاثنين يعادوا بعض؟؟؟؟
أنا في وجهة نظري الراجل هو البعرف يضبط الحكاية ويهدي المشاكل ونحن مفترض المابنقبلو من نسوان أخوانا لي أمنا ولينا مانقبلو لي غيرنا
وزى مانحن بنحب أهلنا هو كمان بحب أهله... وزى ما أمي ليها الحق تخاف علي ..أمه كمان ليها الحق وأكيد مهما يكبر بتشوف صغير
وأماتنا ليه ماتختو البنت دي بنتكم؟؟؟
إذا كان ربنا حلل انو نقعد قدام أبو الزوج بدون طرحه أي بقيتو محارم بالنسبة لينا ...
وياراجلنا ماتعادي أمك بسبب زوجتك ولا زوجتك بي أمك حاول تقيف مع الحق وتكون واعي وتعالج الموقف بحكمه وتراعي الأدب وتفهم الاثنين انك بتحبهم بس أي واحده ريدتها مختلفة عن التانيه
والبتحب زوجها بتخاف عليه من النسمة تجرحو..
بتحاول تمتص غضبه وتخفف عليه المشاكل وتكون سكن ليه مايجيبها فزعه تبقي وجعه.... وماتدخلو في دوامة مشاكل

African_son · 12-07-2008, 11:42

والله يا فطومة كلامك منطقي جدا وموضوعك جداً هادف
بس انا شايف انو المشاكل دي دائماً بتكون بسبب الغيرة فكل من ام البت وام الراجل بحبو ابنائهما وخايفين عليهم ودي كل القصة ودي مشكلة الحب الزائد

فاطمه · 15-07-2008, 20:21

فعلا الغيره مشكله كبيره لما تكون زايده عن الح
شكرا ياولدنا

عبدالعظيم م · 15-07-2008, 21:33

فاطمه
مواضيعك روعه
وفي اعتقادي أن المشاكل كلها تنبع
من الخوف والغيره وعدم تحمل المسؤوليه من الجانبين
والمرأه هي الأساس في اي نزاع بالتأكيد

فاطمه · 15-07-2008, 22:24

شكرا علي مرورك ياعبدو ودائما بتتحفنا

sfroot2007 · 15-07-2008, 23:15

العزيزة فاطمة
العيب علي الزمن وعلي الفهم
والعيب كمان علي العادات والتقاليد فكلمة الحماة واتصالها بالزوجين
كانت من المتوارثات
كمان ما انكر الغيرة والحب الزائد
وفراق الامهات لي اولادهم ماساهل
تقبلي مروري

فاطمه · 15-07-2008, 23:57

اكيد ماساهل منورنا والله