|
العنوسة أم راجل المرا ؟
- أنا والله بعد دا أى راجل كويس يجينى بعرسو . راجل مرا ولا راجل 3
- ليه انا بايرة ولا بايرة مالى ومال المشاكل بس بقعد كدا.
- أنا براى سويتا فى نفسى . والله جونى كم عريس ورفضتهم.
- الحمد لله أنا إزوجت راجل مرا قبل شهرين وعايشة معاه كويس جدا وأخير أجيب لى جنا يننفعنى من أكون عانس.
- والله الزواج قسمة ونصيب يمكن ربنا يقسمى لى دا ولا دا بس أحسن أزوج من أن أكون عانس.
- أى .. يا خوى والله العنوسة حارة وما فى بت بتدورا إلا الجبر.
- قال راجل مرا قال .. أكا آخر راجل ما بعرسو.
أراء تخيلتها يمكن أن تصدر من شرائح مختلفة من بنات وطنى الحبيب
- العنوسة كنا بنحسبها من بعد سن العشرين بس الآن زادوها مويا وبقت بعد الأربعين ، يعنى الموازين إختلت.
- بعض الرجال المتزوجين للأسف بقو يعملو علاقات خارجية ( موش الزواج الثانى أرحم؟)
- بعض البنات برضو لما يكبرو خلاص بقضو وكت مع أولاد أو رجال متزوجين.
- المشاكل مع الزوجة الأولى أو مع الثانية مرات كثيرة ومرات معدومة لكن برضو فى زوجات ما مزوجين عليهن وبرضو عندهن مشاكل.
- فى أزواج مزوجين إثنين ومنمين أمورن تمام التمام من غير مشاكل.
- فى عانسات حافظات شرفن وما متأثرات بأى عنوسة.
دى يا جماعة رؤوس مواضيع . ويا ريت نثرى النقاش الجاد فى هذا الأمر الهام . ويلا يا أولاد بلدى ويلا يا بنات بلدى مرحب بيكم وبى تعليقاتكم
|
العرض العادي
