(( وايه يـعـني !! ))

**رغــَــد** · 01-07-2008, 16:33

ايه يعني لو نساك
ايه يعني لو جفاك
ما كل الدنيا بعده
بتبقى ليك براك
لا عندك شريك
في الفرح
لا عندك وليف
في الجرح
ولا عندك ملاك
يحول كل الدنيا جنة
عشان خاطر هواك

ايه يعني لو جفاك
المشاعر جد تموت
والذكريات تمشي وتفوت
والحنين كمل دموع
والسنين الفاتت زي شموع
مطفية محروقة بوجع
حتى القلب
عثر خطاويه ووقع
في رحلة الحب الهلاك
في سكة الحب
الملاك جرح وصمم
غطى السمع

ايه يعني لو ينساك
ما هو يا قلبي الهداك
على سكته
مامشيت براك
ولما حلل كل قيودك
وساقك بعيد
ما عرفت وين
مكان وجودك
خلاك وحيد
ياقلبه عارف كيف تصيب
وياقلبي خايف ان تخيب

ايه يعني لو نساك
ايه يعني لو ماسلاك
ما الدنيا كلها بي جروحها
جات عليك يا قلبي انت
الريشة فوق راسك سفوحها
يا مشاعره يا ملهوفة
يا صامتة بس معروفة
الفرحة غلطت لما جاتك
شايلة ليك المنى وروحها
لو كنت خايف ان تبوح
يا قلبه ورينا الوضوح؟
وريني معنى تكون معاي
وما تكون معاي
وريني كيف الحب
بيقتل أي ريد جواي
ولو كان نسيتك انا
ما كان بتقدر يوم براك
فـــايه يعني لو نساك !!!!

الصخره · 01-07-2008, 17:05

انساك ..

وسلوتي في وحدتي ذكراك..

انساك ..

وكلي آلم ..وعمري ليل..

وليلي عدم لولاك..

انساك..

وما عرفت الحب قبلك..

ولا عرفت الحب بعدك..

ما عرفت الحب الامعاك..

انساك..

والبعد جارحني ..

والشوق يضنيني ..

والهجر يقتلني ..

ودواءي هواك..

انساك..

وياخذني حنين ..

المكاناتك..

لصورك..

لهداياك..

لكل شئ عشته معاك..

انساك..

وما ادري ..

لماذا مازال حبكِ في صدري ..

اتراكي مازلتي في قلبي ..

احقاً مازلتي هناك..

ولاكني اقسم لكِ..

اني سوف اهوا....اقصد

اني سوف انساك..

العزيزة رغد

قمة الروعه

تقبلي مروري

تحياتي

عبدالعظيم م · 01-07-2008, 17:22

رغد
فيها إيه؟؟؟
**&&^%$#
فيها إنو الدنيا قاسيه
والمحبه معانا راسيه
والضمير جوانا صاحي
والحزن كمكم صباحي
والظلام بيشيل صباحي
الحبيب عمري ما بنساهو
كفايه عرفت الريد معاهو
وانتحر قلبا محب قوام وراهو
ليه تخوني الريد رغد ؟
ليه بتخلفي ليك وعد ؟
وانت عارفه إنو أجمل لينا غد
الحبيب جواكي ساكن
سيطر علي كل الأماكن
وحبو قاسي وبرضو لكن ...
لون الحياه من غيرو داكن
&&&&&&&&&&&&&&&&&&&&&&
رغد
النسيان لا يتفق مع الحب
والحب لا يغشاه النسيان
حركتي شعورا في داخلي
لا أدري ماهو ؟؟ ولكنه جميل !!
تحياتي

**رغــَــد** · 01-07-2008, 22:00

اقتباس:

المشاركة الأصلية كتبت بواسطة الصخره

اني سوف اهوا....اقصد

اني سوف انساك..

اخي الصخرة

ها قد تفجرت صخرتك براكين من الأحاسيس العميقة

اسعدتني باطلالتك المميزة ...

وسأنتظر منك المزيد

**رغــَــد** · 01-07-2008, 22:05

اقتباس:

المشاركة الأصلية كتبت بواسطة عبدالعظيم م

ليه تخوني الريد رغد ؟
ليه بتخلفي ليك وعد ؟
وانت عارفه إنو أجمل لينا غد

&&&&&&&&&&&&&&&&&&&&&&
رغد
النسيان لا يتفق مع الحب
والحب لا يغشاه النسيان
حركتي شعورا في داخلي
لا أدري ماهو ؟؟ ولكنه جميل !!
تحياتي

اخي عبد العظيم

فاجئتني بروعة قلمك .. واندثار العواطف في ثناياها...

جميل ان تتحرك المشاعر في الدواخل .. والأجمل ان لا نبحث عن معاني لها..

اشكر مرورك اللطيف... وارجو ان تثمر خطواتك هاهنا بالمزيد

المجتبي · 02-07-2008, 00:56

رغـــــــــــــد

مشرقه كشمس الربيع الدافئة

ورقة تعانق الحروف كموج البحر المعانق لرمال الشاطئ

سلم لنا هذا الاحساس وهذا القلم وهذه الحروف

قلمك يجبرنا على الوقوف امام احرفه واحساسه

كثيرا لكي نتأمل جمال مايجود به من روعة الاحاسيس

لم تبقى لي من الحروف شيئآ اصف به

هذه الرائعه

لا املك الا شكرك على مانثرتيه على هذه الصفحة

مميزة كعادتك

تحيــاتي لك

الفنان · 02-07-2008, 09:47

اقتباس:

ايه يعني لو نساك
ايه يعني لو جفاك
ما كل الدنيا بعده
بتبقى ليك براك
لا عندك شريك
في الفرح
لا عندك وليف
في الجرح
ولا عندك ملاك
يحول كل الدنيا جنة
عشان خاطر هواك

يا طائري الغريد
حلق وأنسى الناس
واهجر كلام الريد
قلبك خفيف ونضيف
ما تدي قلبك سيد
عيش دنيتك بسام
وايام عميرك عيد
انسى الجروح والهم
وابدا لي عمر جديد
لا تحب ولا تنحب
خليك لطيف وعنيد
وكان زاد لك الخفقان
طير بابتسامة بعيد
حلق ولا تهتم
وغني المودة نشيد

************************************

أخت رغد
شكراً على هذا الإمتاع والإثارة .. من كراسة الذكريات .. أتحفينا بالمزيد
ورويداً على القلوب ..
سنكون بصحبتك منبهرين

**رغــَــد** · 02-07-2008, 21:13

اخي المجتبى

سلمت يمناك ع هذا الكلام الذي فاق استحقاقي...
وسعيدة جداً ان كلماتي وصلت لقلوبكم ... بدون عناء... فهذا وحده يكفيني
خليك قريب
دمتَ سعيداً...

===========================

اخي الفنان

كراسة الذكريات عامرة بالمفاجأت ..
التي غالباً ما تأخذ انفاسنا رغم اننا عشاناها وتعايشناها وكتبناها بأيدينا

مرورك طالما يثلج الصدور.. فابقى هاهنا

**رغــَــد** · 02-07-2008, 21:26

عشتك خيال
عشقت المحال
صبرت من القيل وقال
وتعب فؤادي من الجروح
تعبّت روح قلبي الهواك
وعاتبت قلبي الاشتكاك
ايه يعني لو ينساك!!!